بۇگىن ەلوردادا "مەگا" سوو الدىنداعى الاڭدا كەزەكتى اۋىلشارۋاشىلىق جارمەكەسى وتۋدە. ەكى كۇن بويى پاۆلودار وبلىسىنىڭ تاۋار وندىرۋشىلەرى ەلوردا تۇرعىندارىنا ءوز ونىمدەرىن ۇسىنادى. جارمەڭكەدە استانا تۇرعىندارى كوكونىس، ەت جانە ءسۇت ونىمدەرىن نارىق باعاسىنان 15-20 پايىز ارزان باعامەن ساتىپ الا الادى. بۇل تۋرالى قامشى پورتالى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ حابارلىيدى.

جارمەڭكەگە پاۆلودار وڭىرىنەن جالپى سوماسى 172،0 ملن. تەڭگەنى قۇرايتىن 575 توننا ءونىم اكەلىندى.

پاۆلودارلىق كاسىپورىندار مەن اۋىلشارۋاشىلىق قۇرىلىمداردىڭ ەت جانە ەتتەن جاسالعان ونىمدەرى - 108 توننا، ءسۇت ونىمدەرى – 25 توننا، كوكونىستەر مەن باقشا داقىلدارى – 490 توننانى قۇرايدى.

ازىق-تۇلىك تاعامدارىمەن قاتار، مۇندا "كازاق تاعامدارى" شاتىرىندا ۇلتتىق اسحانا ونىمدەرى دە ۇسىنىلدى.

جارمەڭكەگە كەلۋشىلەرگە ارنايى كونسەرتتىك باعدارلاما ۇيىمداستىرىلدى. شارا اياسىندا ي. بايزاقوۆ اتىنداعى پاۆلودار وبلىستىق فيلارمونياسىنىڭ جانە «شاڭىراق» ورتالىعىنىڭ تۆورچەستۆولىق ۇجىمدارى ونەر كورسەتۋدە.

ەسكە سالايىق، 25 قىركۇيەك كۇنى استانا قالاسى مەن پاۆلودار وبلىسىنىڭ اكىمدەرى ساۋدا-ەكونوميكالىق كەلىسىمگە قول قويعان بولاتىن. كەلىسىم شەڭبەرىندە پاۆلودار وبلىسى تاۋار وندىرۋشىلەرى ءوز ونىمدەرىن استانا قالاسىنا نارىق باعالارىنان تومەن باعامەن جەتكىزىپ تۇرادى. سونداي-اق، ەلوردادا پاۆلودار وبلىسى تاۋار وندىرۋشىلەرىنە «شاپاعات» كوممۋنالدىق بازارىندا جانە مامانداندىرىلعان دۇكەندەردە جەڭىلدىكتى ساۋدا ورىندارى ۇسىنىلدى.