وڭتۇستىك قازاقستان وبلىسى اكىمى "ەڭبەك كۇنى" مەرەكەسىنە ارنالعان جۇمىسكەرلەر مەن ەڭبەك ديناستيالارىنىڭ فورۋمىنا قاتىسىپ، ەڭبەك ازاماتتارىن ماراپاتتادى. بۇل تۋرالى قامشى پورتالى http://today.kz/-كە سىلتەمە جاساي وتىرىپ حابارلايدى.

بارشا وڭتۇستىكقازاقستاندىقتار مەن فورۋمعا قاتىسۋشىلاردى قۇتتىقتاعان وبلىس باسشىسى بيىل ەكىنشى رەت اتالىپ ءوتىپ جاتقان ايتۋلى كۇننىڭ نەگىزگى ماقساتى ەلىمىزدىڭ بولاشاعى ءۇشىن ايانباي ەڭبەك ەتكەن ازاماتتاردى قۇرمەتتەپ، جاستار اراسىندا جۇمىسشى كاسىبىن ناسيحاتتاۋ دەدى.

− بارلىق قۇندىلىقتار مەن بايلىقتار ادامنىڭ ەڭبەگىمەن جاسالاتىنى بەلگىلى. وبلىستا سوڭعى 3 جىلدا ەكى جۇزگە جۋىق مەكتەپ پەن 186 دەنساۋلىق ساقتاۋ نىسانى سالىندى. بۇل ءوز كەزەگىندە، ەڭ الدىمەن، قۇرىلىسشىلارعا، جاس ۇستازدار مەن دارىگەرلەرگە جاڭا جۇمىس ورنىن تابۋعا مۇمكىندىك بەرەدى. جىلدان جىلعا ءۇش اۋىسىمدى مەكتەپتەردىڭ سانى ازايىپ كەلەدى. بۇل مۇعالىمدەردىڭ ەڭبەگىن جەڭىلدەتىپ، ءبىلىم ساپاسىن ارتتىرادى دەپ ويلايمىز. ايتا كەتۋ كەرەك، مەملەكەت باسشىسىنىڭ تاپسىرماسىمەن 2016 جىلدىڭ 1 قاڭتارىنان باستاپ بيۋدجەتتىك سالاداعى قىزمەتكەرلەردىڭ ورتاشا ەڭبەك جالاقىسى 20-50 پايىزعا جوعارىلايدى، − دەدى ءوڭىر باسشىسى.

مەرەكەلىك شارادا وڭىردە تىنىمسىز ەڭبەك ەتىپ، جۇمىسىندا تابىسقا جەتكەن 30-عا جۋىق ازاماتقا «ەڭبەك ارداگەرى» مەدالى، وبلىس اكىمى مەن وبلىستىق ءماسليحاتتىڭ گراموتالارى، العىس حاتتارى تاپسىرىلدى. ايتا وتەيىك، وڭتۇستىك قازاقستاندا 9 سوسياليستىك ەڭبەك ەرى مەن 1 قازاقستاننىڭ ەڭبەك ەرى تۇرادى. ولاردىڭ ەسىمدەرى ەل تاريحىندا ماڭگى قالماق. سالتاناتتى جيىندا وبلىستىق ەڭبەك ينسپەكسياسى جۇمىس بەرۋشى مەكەمەلەر اراسىندا يننوۆاسيالىق جوبالاردى دامىتۋ مەن ەڭبەك جاعدايلارىن جاقسارتۋ ماقساتىندا بايقاۋ ۇيىمداستىرعان بولاتىن. ءبىر جىل بويىنا جۇرگىزىلگەن شارانىڭ ناتيجەسىندە 14 جوبا انىقتالىپ، "پەتروقازاقستان" كومپانياسى مەن "دوسحان لتد" ءجشس-ى جەڭىمپاز دەپ تانىلدى. جەڭىمپاز ەكى مەكەمەنىڭ ماماندارى ەندى بولگاريادا بىلىكتىلىگىن ارتتىرۋ ءۇشىن تەگىن وقۋعا جىبەرىلەتىن بولادى. سالتاناتتى جيىن كونسەرتتىك باعدارلامامەن جالعاسىن تاپتى.