بۇگىن الماتىعا گياديميناس اتىنداعى ۆيلنيۋس تەحنيكالىق ۋنيۆەرسيتەتىنىڭ (ليتۆا) دەلەگاسياسى كەلدى. ليتۆا رەسپۋبليكاسىنىڭ الماتىداعى باس كونسۋلى رەگيمانتاس يابلونكاس باستاعان ليتۆالىق قوناقتار ق. ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ باسشىلىعىمەن كەزدەستى. بۇل تۋرالى قامشى پورتالى قازاقپاراتقا سىلتەمە جاساي وتىرىپ حابارلايدى.
كەزدەسۋ بارىسىندا قازۇتزۋ ۋاكىلەتتى تۇلعاسى ابدىكارىم زەينۋللين جانە ۋنيۆەرسيتەتتىڭ عىلىمي جانە يننوۆاسيالىق جۇمىستار بويىنشا پرورەكتورى ەرجان كۇلدەيەۆ ليتۆالىق دەلەگاسيامەن ەكىجاقتى ىنتىماقتاستىق ورناتۋ ماسەلەلەرىن تالقىلادى.
ءا. زەينۋللين قازاقستاننىڭ ءىرى جوعارى وقۋ ورنىنىڭ بالتىق جاعالاۋى ەلدەرىنىڭ جوعارى وقۋ ورىندارىمەن بايلانىس ورناتۋ ماڭىزدى قادام ەكەندىگىن ايتتى. باسقوسۋ بارىسىندا ەكى تاراپ كولىك، قۇرىلىس، اقپاراتتىق تەحنولوگيا، مەحانيكا جانە ساۋلەت سالالارىندا ءوزارا ىنتىماقتاستىقتى دامىتۋعا مۇددەلى ەكەندىكتەرىن ءبىلدىردى.
ال ۆيلنيۋس ۋنيۆەرسيتەتىنىڭ حالىقارالىق ىنتىماقتاستىق جونىندەگى دەپارتامەنتىنىڭ ديرەكتورى بيرۋتا تامۋلايتيەنە حانىم ەكىجاقتى ىنتىماقتاستىقتى الداعى ۋاقىتتا بەلسەندى دارەجەدە جۇرگىزۋ كەرەكتىگىن باسا ايتتى.
ايتا كەتەلىك، گياديميناس اتىنداعى ۆيلنيۋس تەحنيكالىق ۋنيۆەرسيتەتى ليتۆانىڭ مەملەكەتتىك جوعارى وقۋ ورنى. ينجەنەرلىك-تەحنيكالىق ءبىلىم بەرۋ جانە عىلىمي زەرتتەۋلەر سالاسىندا ەلدەگى الدىڭعى قاتارلى ۋنيۆەرسيتەتتەردىڭ ءبىرى.
پىكىر قالدىرۋ