«دامۋ» كاسىپكەرلىكتى دامىتۋ قورى» اق وڭىرلىك فيليالى ايماقتىڭ ب ا ق وكىلدەرىن «بجك-2020» جانە «ءدامۋ-وندىرىس»  (وڭدەۋ ونەركاسىبىندەگى جەكە كاسىپكەرلەر ءۇشىن) باعدارلامالارى بويىنشا ءارتۇرلى مەملەكەتتىك قولداۋعا يە بولعان بيزنەس قۇرىلىمدارمەن تانىستىردى. بۇل تۋرالى قامشى پورتالى قازاقپاراتقا سىلتەمە جاساي وتىرىپ حابارلايدى.

«يستوچنيك» ج ش س 2015 جىلى «بيزنەستىڭ جول كارتاسى» باعدارلاماسىنانىڭ قاتىسۋشىسى بولدى. 2005 جىلدان باستاپ كاسىپورىن «جولاۋشىلار تاسىمالى» اق پويىزدارىن توسەك-ورىن جيناقتارىمەن قامتاماسىز ەتىپ، كىر جۋۋىمەن عانا اينالىستى. وسى جىلدىڭ باسىنان بەرى كاسىپورىننىڭ قىزمەت ءتۇرى كەڭەيدى، ەندى ول توسەك-ورىنداردى - ماتراستار، كوپشىك، جامىلاتىن كورپە، توسەك-ورىن ساتىپ الدى. 2015 جىلى «بجك-2020» مەملەكەتتىك باعدارلاماسى بويىنشا ەكىنشى دەڭگەيلى بانكتەن 80 ميلليون تەڭگەگە نەسيە جەلىسى اشىلدى. مەملەكەت نەسيە مولشەرلەمەسىن سۋبسيديالادى، ياعني 14 پايىزدىق مولشەرلەمەنىڭ 7 پايىزىن تولەيتىن بولدى. سونداي-اق مەملەكەت كەپىلدىڭ 50 پايىزىنا دەيىن نەمەسە 6،2 ملن. تەڭگەگە كەپىلدىك بەردى. سونىڭ ناتيجەسىندپە نەسيە الىپ، ءوندىرىستى كەڭەيتكەننەن كەيىن مۇندا 25 جاڭا جۇمىس ورنى اشىلدى، ال جۇمىس جاساۋشىلاردىڭ سانى 90 ادامعا جەتتى.

«بيزنەستىڭ جول كارتاسى-2020» مەملەكەتتىك باعدارلاماسىنگ «لۇقمانوۆا گ.ا.» جەكە كاسىپكەرى دە پايدالاندى. كاسىپكەر ورايتىن پەت-لەنتالار ءوندىرىسى جابدىقتارىن ساتىپ الۋعا نەسيە الدى. باتىس قازاقستانداعى بىردەن ءبىر وسىنداي ءوندىرىس 2014 جىلدىڭ باسىندا اشىلدى. جەلىنىڭ ونىمدىلىگى تاۋلىگىنە 280 مىڭ مەتردى قۇرايدى.

 «قازىرگى كەزدە كاسىپورىن ءوز ونىمدەرىن اقتوبە وبلىسىنىڭ كىرپىشتەر مەن گازوبلوكتار شىعاراتىن «ەكوتون-باتىس»، «ۆيبروماستەر قازاقستان»، «سيتال-2»، «ازف»، «سبس» ءسياقتىى زاۋىتتارى مەن جەكە كاسىپكەرلەرگە جانە باسقالارىنا جەتكىزەدى. ءبىزدىڭ ءونىم 100 پايىز جەرگىلىكتى شيكىزاتتان شىعارىلادى، ءبىز ەندى رەسەي نارىعىنا شىعۋدى جوسپارلاپ وتىرمىز»، - دەيدى كاسىپورىن ديرەكتورى التاير لۇقمانوۆ.

 «ال «ۋرتورگستروي» ج ش س 2014 جىلى «ءدامۋ-وندىرىس» مەملەكەتتىك باعدارلاماسىنا قاتىسۋشى بولدى. كاسىپورىن جيھاز جانە قۇرىلىس ماتەريالدارى وندىرىسىمەن اينالىسادى. جابدىقتار جانە كولىك ساتىپ الۋعا جىلدىق 6 پايىزبەن 12 ملن. تەڭگە نەسيە راسىمدەپ، ج ش س كەپىل بويىنشا مەمەكەت كەپىلدىگىنە يە بولدى. جابدىقتاردىڭ ونىمدىلىگى كۇنىنە 18-20 تەكشە مەتر گازوبلوكتار، وندا 6 ادام جۇمىس ىستەيدى. تولىق وندىرىستىك قۋاتىنا جەتكەن سوڭ جۇمىس ورىندارىنىڭ سانى ەكى ەسە ۇلعايماق.

 «بۇرىن ءبىز تاقتاتاستار شىعاراتىنبىز، ەندى گازوبلوكتار شىعارۋعا كوشتىك. بۇل وتە جاقسى مەملەكەتتىك باعدارلاما دەپ سانايمىن. كاسىپكەرلەرگە مىقتاپ كومەكتەسىپ تۇر»، - دەيدى ج ش س ديرەكتورى قادىر بايتوبەتوۆ.