بۇگىن پارلامەنت سەناتىنىڭ ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ كەزەكتى وتىرىسى ءوتىپ، وندا «جەرگىلىكتى ءوزىن ءوزى باسقارۋ تۋرالى» زاڭ جوباسى تالقىلاندى. اتالعان زاڭ جوباسىن سەناتورلارعا ۇلتتىق ەكونوميكا ۆيسە-مينيسترى قايىربەك وسكەنبايەۆ تانىستىرىپ، ول 2018 جىلدان باستاپ جەرگىلىكتى بيۋدجەت 6 سالىق تۇرىمەن قارجىلاندىرىلاتىندىعىن اتاپ ءوتتى، - دەپ حابارلايدى قامشى پورتالى Baq.kz-كە سىلتەمە جاساي وتىرىپ حابارلايدى.

- مەملەكەت باسشىسى بەكىتىپ بەرگەن ۇلت جوسپارىندا كورسەتىلگەن تاپسىرمالاردى جۇزەگە اسىرۋ ماقساتىندا ءبىز «جەرگىلىكتى ءوزىن-وزى باسقارۋ تۋرالى» زاڭ جوباسىنا وزگەرىستەر مەن تولىقتىرۋلار ەنگىزۋدى كوزدەپ وتىرمىز. ونىڭ اسىندا قوسىمشا تاعى ەكى سالىق ءتۇرى جەرگىلىكتى بيۋدجەت قاراماعىنا بەرىلەدى دەپ كۇتىلۋدە، - دەدى قايىربەك ايتپاي ۇلى.

ايتا كەتەر بولساق، جەرگىلىكتى بيۋدجەت ەنشىسىنە وسى كەزگە دەيىن ءتورت بىردەي سالىق ءتۇرى بەرىلگەن بولاتىن. ولار: جەر، مۇلىك، كولىك جانە تابىس سالىعى بولسا، ەندى وعان قوسىمشا زاڭدى تۇلعالاردىڭ كولىك جانە جەر سالىعىن بەرىلەدى دەپ كۇتىلۋدە.

- مىنە، وسى اتالعان سالىقتار جيناقتالا كەلە اۋدان بيۋدجەتىنەن جەرگىلىكتى نەمەسە اۋىل حالقىنىڭ قاجەتتىلىگىنە بولىنەتىن بولادى. جوعارىدا اتالعان ءتورت سالىقتىڭ ءتۇرىن بيىلدان باستاپ جەرگىلىكتى بيۋدجەت ەنشىسىنە وتكەن بولسا، كوكتەمنەن باستاپ وعان تاعى ەكى سالىق قوسىلاتىن بولادى. سوندىقتان دا بۇگىنگى تالقىلانىپ جاتقان زاڭنىڭ باستى ماقساتى، 2018 جىلعا قاراي جەرگىلىكتى ءوزىن-وزى باسقارۋ ورگاندارىنا جەكە بيۋدجەت بەرۋ جانە ونىڭ كولەمىن ۇلعايتۋ بولىپ تابىلادى، - دەدى بايانداماشى.

ايتا كەتەيىك، بۇدان بولەك زاڭ جوباسىندا جەرگىلىكتى بيۋدجەتكە بولىنگەن قاراجاتتى جەرگىلىكتى حالىق اكىمدەرمەن جانە ءماسليحات دەپۋتاتتارىمەن كەڭەسە وتىرىپ، اشىق تۇردە يگەرىلۋىن باقىلايتىن بولادى دەپ ناقتىلانعان. سونىمەن قاتار، حالىق اقىلداسا وتىرىپ، ءوز اكىمدەرىن تاعايىنداپ نەمەسە ورنىنان بوساتۋ تەتىكتەرى دە اتالعان قۇجاتقا ارقاۋ ەتىلگەن.