الماتىدا سولتۇستىك شەڭبەر مەن بوكەيحانوۆ كوشەلەرىنىڭ قيىلىسىنداعى ەكى دەڭگەيلى ەستاكادانىڭ قۇرىلىسى باستالدى. قۇرىلىس جۇمىستارى اياقتالعان سوڭ جولدا ءجۇرۋ شەكتى جىلدامدىعى ساعاتىنا 80 شاقىرىمعا دەيىن ۇلعايتىلادى. بۇل تۋرالى قامشى پورتالى BNews.kz.-كە سىلتەمە جاساي وتىرىپ حابارلايدى.

"جاڭا جول ايرىقتىڭ قۇرىلىسى باستالدى: تومەنگى قاباتىندا اينالما جول، ۇستىنەن تاس جول وتەدى. ءقازىر فۋندامەنتىن قالاپ، بىلىك قاعۋ جۇمىستارى ءجۇرىپ جاتىر، جەر استى جاياۋجولدارىن، ۇلكەن الماتى ارناسى ارقىلى وتەتىن شاعىن كوپىرلەر سالۋعا كىرىستىك"، -دەپ حابارلادى الماتى قالاسى اۆتوكولىك جولدارى باسقارماسى باستىعىنىڭ ورىنباسارى عاني مىرزاحانوۆ.

ونىڭ ايتۋىنشا، قۇرىلىس جۇمىستارى مەرزىمىنەن بۇرىن ءجۇرىپ جاتىر. جاڭا كوپىردى كەلەسى جىلدىڭ سوڭىندا اشۋ كوزدەلگەن. بيىلعى جىلعا بەلگىلەنگەن جۇمىستاردى جۇرگىزۋ ءۇشىن 800 ملن تەڭگە ءبولىندى.