جىل باسىنان بەرى نەگىزگى كاپيتالعا سالىنعان ينۆەستيسيالاردىڭ جالپى كولەمى 426 616،3 ملن. تەڭگەنى قۇرادى، بۇل 2014 جىلعى كەزەڭمەن سالىستىرعاندا 16،5%-عا كوپ. استانانىڭ رەسپۋبليكالىق كولەمدەگى ۇلەسى 10،7%-دى قۇرادى (2014 جىلعى قاڭتار-تامىزدا 9،5%) دەپ حابارلايدى استانا قالاسى اكىمدىگىنىڭ باسپا ءسوز قىزمەتى. بۇل تۋرالى قامشى پورتالى Baq.kz -كە سىلتەمە جاساي وتىرىپ حابارلايدى.

قاراستىرىلىپ وتىرعان كەزەڭدە ينۆەستيسيالار سالۋدىڭ 233 899،5 ملن. تەڭگە سوماسىنداعى نەگىزگى كوزدەرى نەمەسە جالپى كولەمنىڭ 54،8% شارۋاشىلىق سۋبەكتىلەرىنىڭ جەكە قاراجاتى بولىپ تابىلادى، مەملەكەتتىك بيۋدجەتتىڭ ۇلەسى 28،8%-دى نەمەسە 122 739،4 ملن. تەڭگەنى قۇرادى.

سالىمداردىڭ نەگىزگى قۇرامداس بولىگى عيماراتتار مەن قۇرىلىستاردى سالۋ جانە كۇردەلى جوندەۋ جۇمىستارى بولىپ تابىلدى، ولاردىڭ ۇلەسىنە 63،1% نەمەسە 269 120،8 ملن. تەڭگەدەن كەلەدى، 2014 جىلدىڭ ءتيىستى كەزەڭىنە نكي 119،6%-دى قۇرادى.

ماشينالار مەن جابدىقتاردى، قۇرال-سايماندار مەن كەرەك-جاراقتاردى ساتىپ الۋعا ينۆەستيسيالاردىڭ جالپى كولەمىنىڭ 32،1% كەلەدى، نەمەسە 137 045،0 ملن. تەڭگەدەن، بۇل 2014 جىلدىڭ ۇقساس كەزەڭىنىڭ كوسەتكىشىنەن 7%-عا جوعارى.

ەسكە سالايىق، اعىمداعى جىلدىڭ قاڭتار-تامىزىندا قالانىڭ كاسىپورىندارى، ۇيىمدارى جانە حالقى جالپى اۋدانى 1 197 448 ش.م. (ونىڭ ىشىندە پايدالى اۋدانى – 875 762 ش.م.) تۇرعىن ۇيلەر سالدى جانە پايدالانۋعا بەردى، بۇل 2014 جىلدىڭ دەڭگەيىنەن 74،2% جوعارى.

بارلىعى تۇرعىن ءۇي قۇرىلىسىنا 80 658،4 ملن. تەڭگە جۇمسالدى، بۇل 2014 جىلدىڭ دەڭگەيىنەن 5،3% جوعارى.