الماتىدا ىنتىماقتاستىققا ارنالعان عىلىمي جيىنعا ەۋروپانىڭ 60 ۋنيۆەرسيتەتىنەن وكىل كەلدى

    Darkhan Muqantegi
    الماتىدا ىنتىماقتاستىققا ارنالعان عىلىمي جيىنعا ەۋروپانىڭ 60 ۋنيۆەرسيتەتىنەن وكىل كەلدى

    بۇگىن الماتىدا ءال-فارابي اتىنداعى قازاق ۇلتتىق ۋنيۆەرسيتەتىنىڭ عىلىمي كىتاپحاناسىندا «ەۋروپالىق وداق پەن قازاقستان رەسپۋبليكاسى اراسىنداعى جوعارى ءبىلىم سالاسىنداعى ىنتىماقتاستىق» اتتى حالىقارالىق عىلىمي كونفەرەنسيا باستالدى. بۇل تۋرالى قامشى پورتالى ينفورم.كز-كە سىلتەمە جاساي وتىرىپ حابارلايدى.

    وعان ق ر ءبىلىم جانە عىلىم مينيسترلىگى، قازاقستانداعى ەۋروپالىق وداقتىڭ دەلەگاسياسى، ەۋرووداققا مۇشە ەلدەردىڭ قازاقستانداعى ديپلوماتيالىق وكىلدىكتەرى جانە ەۋروداق ەلدەرىنىڭ الدىڭعى قاتارلى 60-تان استام ۋنيۆەرسيتەتتەرىنىڭ وكىلدەرى قاتىسۋدا. 

    «بۇگىنگى عىلىمي كونفەرەنسيانى ۇيىمداستىرۋداعى ماقساتىمىز - قازاقستان مەن ەۋروپا ەلدەرىنىڭ الدىڭعى قاتارلى ۋنيۆەرسيتەتتەرى اراسىنداعى ىنتىماقتاستىقتى كەڭەيتۋ جانە نىعايتۋ. سوندىقتان بۇگىنگى جيىن بارىسىندا وسى ماسەلە جان-جاقتى تالقىلانادى. سونىمەن قاتار، وتاندىق جوعارى وقۋ ورىندارىنىڭ باسشىلىعى بۇگىنگى عىلىمي فورۋمعا كەلگەن شەت ەلدىك ارىپتەستەرىمەن تىكەلەي بايلانىس ورناتا الادى. ويتكەنى، ەۋروپا ەلدەرىنەن 60-تان استام ۋنيۆەرسيتەتتىڭ وكىلدەرى كەلدى»، - دەدى ءوز سوزىندە ق ر ءبىلىم جانە عىلىم مينيسترلىگى جوو جانە جوو-دان كەيىنگى ءبىلىم بەرۋ دەپارتامەنتىنىڭ ديرەكتورى سەرىك ومىربايەۆ.

    سونىمەن قاتار، ول مۇنداي دەڭگەيدەگى عىلىمي فورۋم ستۋدەنتتەر مەن وقىتۋشىلاردىڭ ءموبيلدى بولۋىنا سەپتىگىن تيگىزەتىندىگىن جەتكىزدى.

    «قازاقستان مەن ەۋروپالىق وداق اراسىندا تىعىز قارىم-قاتىناس ورناعان. ەلىمىزدە مۇنداي دارەجەدەگى فورۋم وسىمەن التىنشى رەت وتكىزىلىپ جاتىر. بۇعان دەيىن مىسالى، قازاقستان-بريتان جانە قازاقستان-فانسيا فورۋمىن اتاۋعا بولادى. مۇنداي كەزدەسۋلەر ستۋدەنتتەر مەن وقىتۋشىلاردى بارىنشا ءموبيلدى بولۋىنا، تاجىريبە الماسۋعا جانە بىرلەسكەن عىلىمي جوبالاردى جۇزەگە اسىرۋعا مۇمكىندىك بەرەدى»، - دەدى س. ومىربايەۆ.

     

    قاتىستى ماقالالار