استانا قالاسى ءماسليحاتىنىڭ 56-شى سەسسياسىندا ەلوردانىڭ ءبىلىم باسقارماسىنا 1 ميلليارد 162 ميلليون تەڭگە كولەمىندە قاراجات ءبولۋ ماسەلەسى قاراستىرىلعان بولاتىن. اتالمىش قارجى كوزىنىڭ 1 ميلليارد 93 ميلليون تەڭگەسى قالا مەكتەپتەرىندەگى 1-4 سىنىپ وقۋشىلارىن تەگىن تاماقتانۋمەن قامتاماسىز ەتۋگە باعىتتالىپ وتىر. بۇل تۋرالى قامشى پورتالى استانا قالاسى اكىمدىگىنىڭ رەسمي سايتىنا سىلتەمە جاساپ، حابارلايدى.

ەلميرا سۋحانبەردييەۆا، استانا قالاسى ءبىلىم باسقارماسىنىڭ باسشىسى:

– مەملەكەت باسشىسى نۇرسۇلتان نازاربايەۆ ەلىمىزدەگى ءبىلىم سالاسىنىڭ دامۋىنا ەرەكشە كوڭىل بولەدى. مەملەكەتتە الدەبىر جاڭا جوبالاردىڭ اپورباسياسى جۇرگىزىلسە، استانا ءاردايىم ءبىرىنششى كەزەكتە تۇرادى. استانا - اكىم مەن ءماسليحات تاراپىنان باستاۋىش سىنىپ وقۋشىلارىن تەگىن تاماقتانۋمەن قامتاماسىز ەتۋ باستاماسى قولداۋ تاپقان ەلىمىزدەگى جالعىز قالا. سونىمەن قاتار، ءماسليحات شەشىمىنە ساي 2016 جىلدىڭ 1 قاڭتارىنان باستاپ جەتىم بالالارعا، اتا-انا قاراۋىنسىز قالعان بالالارعا جانە از قامتىلعان وتباسىلاردار شىققان بالالارعا قوعامدىق كولىكتەردە تەگىن ءجۇرۋ قۇقىعى بەرىلەدى.

مىسال ءۇشىن اتاپ ايتاتىن بولساق، №6 ورتا مەكتەپتە باستاۋىش سىنىپ وقۋشىلارىنىڭ تاماقتانۋ كەستەسى تورتكە بولىنگەن. مۇندا كۇندەلىكتى باستاۋىش سىنىپتاردىڭ 600 استام وقۋشىسى تەگىن ىستىق تاماقپەن قامتىلادى. سونىمەن قاتار، جەتىم جانە از قامتىلعان وتباسىلاردان شىققان بالالار دا تەگىن تاماقتانۋمەن تولىق قامتىلىپ وتىر.

ەسكە سالا كەتەيىك، ەلوردادا 91 جالپى ءبىلىم بەرەتىن مەكەمە جۇمىس ىستەۋدە، وندا 56 377 باستاۋىش سىنىپ وقۋشىسى تىركەلگەن.