الماتى اكىمى باۋىرجان بايبەك مەگاپوليسكە جۇمىس ساپارىمەن كەلگەن FISU حالىقارالىق ستۋدەنتتىك سپورت فەدەراسياسىنىڭ باس حاتشىسى ەريك ساينتروندتى قابىلدادى.بۇل تۋرالى قامشى پورتالى ينفورم.كز-كە سىلتەمە جاساپ، حابارلايدى.
اكىمدىكتىڭ باسپا ءسوز قىزمەتى حابارلاعانداي، 2017 جىلعى ۋنيۆەرسيادانى وتكىزۋگە ازىرلىك ماسەلەلەرىنە ارنالعان شارا بارىسىندا جاسالعان جۇمىستاردىڭ ەسەبى تالقىلاندى جانە الداعى شارالارعا تۇزەتۋلەر ەنگىزىلدى. الماتى اكىمى قالانى الەۋمەتتىك-ەكونوميكالىق دامىتۋداعى جوبانىڭ ماڭىزىن جانە جوعارى مۋلتيپليكاتيۆتىك تيىمدىلىگىن اتاپ ءوتتى.
«قۇرىلىس نىساندارىندا قازاقستاندىق ۇلەستىڭ وڭ ءۇردىسى ايقىن، بۇگىندە ول شامامەن 52 پايىزدى قۇرايدى. ءار نىساندا 500-دەن استام وتاندىق كاسىپورىندار جۇمىس ىستەيدى. مەگاپوليس قازىناسىنا قۇرىلىس كەزەڭىندەگى سالىق تۇسىمدەرى 12،4 ملرد. تەڭگەنى قۇرايدى. ەڭ باستىسى - قۇرىلىس كەزەڭىندە 12،5 مىڭ جۇمىس ورنى قۇرىلادى»، - دەپ اتاپ كورسەتتى ب.بايبەك.
سونىمەن قاتار الەۋمەتتىك جۇكتەمەنىڭ ۇلعايعانى جانە نىسانداردىڭ پەرسپەكتيۆالارى اتالىپ ءوتىلدى. ايتالىق، ەگەر باستاپقى كەزەڭدە اتلەتيكا اۋىلىنا ۋنيۆەرسيادادان كەيىن بەس مىڭ ستۋدەنت كوشەتىنى جوسپارلانعان بولسا، ەندى ءقازىر 10،5 مىڭ ورىنعا ورنالاستىرۋ كوزدەلۋدە. قالا باسشىسى اتلەتيكا اۋىلى دامىعان الەۋمەتتىك ينفراقۇرىلىمىمەن قالالىق ستۋدەنتتىك كەشەنگە اينالاتىنىن اتاپ كورسەتتى - مۇندا ءدامحانا، مەيرامحانالار، ەمحانالار جانە باسقا دا نىساندار ورنالاسادى.
«مۇز ارەناسىمەن بىرگە بۇل الماتىدا قالا حالقىنىڭ بەلسەندى دەمالاتىنىن ورنىنا اينالادى. بۇگىندە قالا اكىمدىگى ازىرلىك جۇمىستارى جوعارى دەڭگەيدە جانە كورسەتىلگەن مەرزىمدەردە جۇرگىزىلۋى ءۇشىن بارلىق قاجەتتى شارالاردى الۋدا»، - دەپ اتاپ كورسەتتى ب.بايبەك.
ءوز كەزەگىندە ە.ساينتروند اكىمدى تاعايىندالۋىمەن قۇتتىقتادى جانە FISU تاراپىنان ۋنيۆەرسيادانىڭ اتقارۋشى ديرەكسياسىنا جانە تۇتاستاي العاندا قالا اكىمدىگىنە ازىرلىك جۇمىستارى ۇدەرىسىندە تولىق قولداۋ كورسەتىلەتىنىن تاعى دا قۋاتتادى. قوناقتاردى سپورت اۋىلىنىڭ جوباسى، ونىڭ الەۋمەتتىك پەرسپەكتيۆاسى، اسىرەسە نىسان كوممەرسيالىق ماقساتتارداعى قولعا وتپەي، جوعارى وقۋ ورنىنىڭ نىسانى بولىپ قالاتىنى ءتانتى ەتتى.
«ءبىز الماتىداعى ۋنيۆەرسيادا بولاشاقتا بارلىعىنا ۇلگىلى بولعانىن قالايمىز. جۇمىستاردىڭ نەگىزگى اۋقىمى ەلدەگى جانە الەمدەگى ەكونوميكالىق قولايسىز جاعدايلارعا قاراماستان ويداعىداي ءجۇرىپ جاتقانى ءسۇيىنىشتى»، - دەدى FISU وكىلى.
9-14 قازان ارالىعىندا الماتىعا قۇرامىندا 14 ساراپشى بار FISU تەحنيكالىق كوميسسياسىنىڭ دەلەگاسياسى سپورتتىق نىسانداردىڭ جانە بارلىق فۋنكسيالىق باعىتتاردىڭ ازىرلىگى دەڭگەيىن تەكسەرۋ ءۇشىن كەلەتىنىن اتاپ وتكەن ءجون.
