ەكسپو-2017 حالىقارالىق كورمەسىنە دايىندىق اياسىندا استانا قالاسىنىڭ اكىمدىگى "سامۇرىق-قازىنا" اق ءۇاق بىرلەسىپ، ينۆەستيسيالىق جوبا نەگىزىندە ەلوردادا ۆەلوسيپەد قوزعالىسىن ۇيىمداستىرۋدى جۇزەگە اسىرۋدا. 2014 جىلى قالا كۇنىنە وراي قونايەۆ كوشەسىندە ەڭ ءبىرىنشى "Astana bike" بەكەتى اشىلعان بولاتىن. بۇل تۋرالى قامشى پورتالى  استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.

بۇگىن استانا قالاسىندا 150ء-شى ۆەلوسيپەدتىك بەكەتتىڭ اشىلۋى ءوتتى. تاشەنوۆ كوشەسى مەن تاحا حۋسەين كوشەسى قيىلىسىندا ورنالاسقان بۇل ۆەلوسيپەدتىك بەكەت – بيىلعى ماۋسىمداعى سوڭعى بولىپ تابىلادى.

استانادا جوبا اياسىندا ءبىرىنشى ماۋسىمدا 200 ۆەلوسيپەدى بار 40 ۆەلوبەكەت ءوز جۇمىسىن باستاعان ەدى. بۇگىنگى كۇندە استانالىقتار ءۇشىن مىڭداعان ۆەلوسيپەدتەر ۇسىنىلۋدا.

سانيار ايتەكەنوۆ، "استانا كونۆەنشن بيۋرو" ج ش س ديرەكتورى:

- بۇل جوبانىڭ الەۋمەتتىك ماڭىزى بار ەكەنىن ايتقىم كەلەدى. بىرىنشىدەن، بۇل – سالاۋاتتى ءومىر سالتى. ەكىنشىدەن، قالاداعى كولىكتەردىڭ جۇكتەمەسىن ازايتادى جانە ۇشىنشىدەن – قورشاعان ورتادا زياندى قالدىقتاردىڭ ازايۋىنا اسەرىن تيگىزەدى. ءبىزدىڭ ويىمىزشا، اتالمىش جوبا ينفراقۇرىلىم مەن تۋريزم سالالارىنىڭ دامۋىنا ۇلەسىن قوسادى.

استانا قالاسىنىڭ اكىمى ءا. جاقسىبەكوۆتىڭ ۆەلوسيپەدتەرگە قول جەتكىزۋدى وڭتايلاندىرۋ بويىنشا بەرىلگەن تاپسىرماسىنا ساي ابونەمەنتتىك كارتا الۋ كەزىندەگى تىركەۋ جۇيەسى جەڭىلدەتىلدى. ءقازىر ۆەلوسيپەدتى جالعا الۋ ءۇشىن تەك جەكە كۋالىك قاجەت.

بۇگىنگى كۇندە التى مىڭعا جۋىق ەلوردا تۇرعىنى وسى ۆەلوسيپەدتەرگە جۇگىنەدى. ياعني، ءبىر كۇندە شامامەن 900 استانالىق بۇل ۆەلوسيپەدتەردى پايدالانادى.

ايتا كەتەيىك، قالانىڭ كوركەيۋىنە ارنالعان بۇل جوبا ەكسپو-2017 كورمەسى كەزىندە تۋريستەردىڭ قاجەتتىلىگىنە جاراپ، ودان كەيىن دە ەلوردانىڭ مادەني-تاريحي كوز تارتارلىق ورىندارىن ارالاۋعا جانە استانانىڭ تۋريزم سالاسىن ارتتىرۋعا ىقپال ەتەدى.

ەسكە سالا كەتەيىك، 28 قىركۇيەكتە وتكەن استانا قالاسىنىڭ اپپارات جينالىسىندا قالا باسشىسى ۆەلوسيپەد جولدارى بويىنشا ريەۆيزيا وتكىزۋدى تاپسىرعان بولاتىن. اۋەسقوي ۆەلوسيپەدشىلەر جولداعى قاۋىپ-قاتەردىڭ كوپتىگى سالدارىنان ۆەلوسيپەدتەردى كوپ پايدالانا بەرمەيدى. ەندى جول قۇرىلىسى مەن جاياۋ جولداردىڭ جوندەۋ جۇمىستارىنا جاۋاپتى تۇلعالار جاقىن ارادا ۆەلوسيپەدكە ارنالعان جولدارداعى كەدەرگىلەردى جويىپ، ءتيىستى شارالاردى قولدانۋى قاجەت.