«ۋنيۆەرسيادا-2017» نىساندارىنىڭ قۇرىلىس بارىسىندا مەملەكەت قازىناسىنا 12،4 ملرد تەڭگە كولەمىندە سالىق ءتۇسىمى تۇسەدى. بۇل تۋرالى الماتى اكىمى باۋىرجان بايبەك FISU ستۋدەنتتىك سپورت حالىقارالىق فەدەراسياسىنىڭ باس حاتشىسى ەريك ساينتروندتى قابىلداۋ كەزىندە ايتتى. بۇل تۋرالى قامشى پورتالى يگفورم.كز-كە سىلتەمە جاساي وتىرىپ حابارلايدى.

كەزدەسۋ بارىسىندا اتقارىلعان جۇمىس جايلى بايانداما تىڭدالىپ، بولاشاقتا جۇزەگە اساتىن جوسپارعا ءبىرشاما وزگەرىستەر ەنگىزىلدى. 
قالا اكىمى «ۋنيۆەرسيادا-2017» جوباسى قالانىڭ الەۋمەتتىك-ەكونوميكالىق دامۋىنا تىڭ سەرپىن بەرەتىنىن جەتكىزدى. 

«ۋنيۆەرسيادا نىساندارىنىڭ قۇرىلىسىندا قازاقستاندىق قامتۋ 51-52 پايىزدى قۇراپ وتىر. ءار نىساندا 500-دەن استام وتاندىق كاسىپورىن ەڭبەك ەتۋدە. قۇرىلىس ماتەريالدارىنىڭ دا باسىم كوپشىلىگى قازاقستاندىق. قۇرىلىس بارىسىندا ەل قازىناسىنا 12،4 ملرد تەڭگە سالىق ءتۇسىمى تۇسەدى. سونداي-اق، 12،5 مىڭ جۇمىس ورنى اشىلادى»، - دەدى ب.بايبەك.

سونداي-اق، نىسانداردىڭ الەۋمەتتىك جۇكتەمەلەرىن ارتتىرۋ تۋرالى شەشىم قابىلداندى. ايتالىق، اتلەتيكالىق اۋىلدا 5 مىڭ ستۋدەنتتى ورنالاستىرۋ كوزدەلىپ كەلگەن بولسا، ەندى 10 مىڭنان اسا ستۋدەنتتى سىيعىزۋ جوسپارلانىپ وتىر. 

قالا اكىمى اتلەتيكالىق اۋىلدىڭ اۋقىمدى ستۋدەنتتىك كەشەنگە اينالدىرۋدىڭ ماڭىزدىلىعىن ەسكەرتتى. «مۇز ايدىنى ارەناسىمەن قوسا قالا تۇرعىندارىنىڭ بەلسەندى دەمالاتىن ورنىنا اينالاتىن بولادى. بۇگىندە اكىمدىك قۇرىلىس ءجۇۇمىستارىنىڭ ساپالى ءارى كەستەگە ساي جۇرۋىنە باسا ءمان بەرىپ وتىر»، - دەدى اكىم. 

ءوز كەزەگىندە ە.ساينتروند جاڭا اكىمدى لاۋازىمىمەن قۇتتىقتاپ، FISU تاراپىنان دايىندىققا جان-جاقتى كومەك كورسەتىلەتىنىن جەتكىزدى. 
قوناقتار ستۋدەنتتىك كەشەننىڭ جوو قاراماعىنا وتەتىنىنە ەرەكشە قۋانىش ءبىلدىردى. 

ايتا كەتۋ كەرەك، الماتىعا 9-14 قازان ارالىعىندا FISU تەحنيكالىق كوميسسياسىنىڭ دەلەگاسياسى كەلەدى. 14 ادامنان تۇراتىن دەلەگاسيا ۋنيۆەرسيادا نىساندارىنىڭ دايىندىق دارەجەسىن تەكسەرەتىن بولادى.