وڭتۇستىك قازاقستان وبلىسىنىڭ شارۋالارى ماقتا القاپتارىنداعى "اق التىننىڭ" 32 پايىزىن جينادى، دەپ حابارلادى ايماق اكىمدىگى. بۇل تۋرالى قامشى پورتالى http://today.kz/-كە سىلتەمە جاساپ حابارلايدى.

ايتا وتەيىك، تەرىم ناۋقانى باستالعان ۋاقىتتان بەرى 84500 توننا ماقتا تەرگەن شارۋالار ماۋسىم سوڭىنا دەيىن بۇل كورسەتكىشتى جوسپارعا سايكەس 265 مىڭ تونناعا جەتكىزەمىز دەپ وتىر.

"ماقتانىڭ ساتىپ الۋ باعاسى وتكەن جىلمەن سالىستىرعاندا ءبىرشاما ءوسىپ، 100-105 تەڭگەگە جەتكەن. "اق التىننىڭ" قىمبات باعادا ساۋدالانىپ جاتقانىنا ماقتارالدىق شارۋالار ءدان رازى"، - دەلىنگەن حابارلامادا.

وبلىستىق اۋىل شارۋاشىلىعى باسقارماسى ماماندارىنىڭ مالىمەتىنشە، "اق التىن"، نەگىزىنەن، ماقتارال مەن شاردارا اۋداندارىندا جينالىپ جاتىر. ال وتىرار، تۇركىستان جانە ورداباسى اۋداندارىندا تەرىم ناۋقانى ەندى قىزا باستاعان.

ايتا كەتەيىك، وبلىستا 99،3 مىڭ گەكتار جەرگە ءشيتتى ماقتا ەگىلگەن. شارۋالار ماقتا القابىنىڭ ءار گەكتارىنان 26،7 سەنتنەردەن ءونىم الامىز دەپ وتىر.