قازىرگى تاڭدا الماتى ستانسياسىن اينالىپ وتەتىن ۇزىندىعى 74،7 شاقىرىمدىق تەمىرجول جەلىسى قۇرىلىسىنىڭ جوباسىن كونسەسسيالىق نەگىزدە سالۋ ماسەلەلەرى پىسىقتالىپ جاتىر. بۇل تۋرالى بۇگىن وكق بريفينگىندە ق ر ككم كولىكتىك باقىلاۋ كوميتەتىنىڭ ءتوراعاسى اسەت اساۆبايەۆ xابارلادى. بۇل تۋرالى Baq.kz –كە سىلتەمە جاساي وتىرىپ حابارلايدى.

"قازىرگى تاڭدا كونسەسسيالىق ۇسىنىس ازىرلەنۋدە. بۇل جوبا بۇگىندە ءتيىستى مەملەكەتتىك ورگاندارمەن جانە مەكەمەلەرمەن كەلىسىلۋ ۇستىندە. جىلدىڭ سوڭىنا دەيىن كونكۋرستتىق قۇجاماتتامالاردى ازىرلەپ، كەلەسى جىلى ارنايى وسى جوبانى تولىق قولعا الاتىن بولامىز. اينالاما تەمىرجول جەلىسى الماتى ستانسياسى ارقىلى ترانزيتتىك جۇك اعىمىن وتكىزۋىن جانە ونىڭ تۇرىپ قالماۋىن بولدىرماۋدى قاداعالايدى. بۇل ءوز كەزەگىندە جەتكىزۋ مەرزىمىن ازايتۋعا مۇمكىندىك بەرەدى. وسى باعىتتا جۇڭگو جانە ورتالىق ازيا اراسىندا بۇكىل جۇك وسى الماتى ارقىلى وتەتىنى بەلگىلى. اينالما جول سالىنعاننان كەيىن وسى باعىتتار بويىنشا تاسىمالداناتىن ترانزيتتىك جۇك ەشبىر كەدەرگىسىز وتۋگە مۇمكىندىك الادى. سونداي-اق، الماتى تەمىرجول جەلىسىندەگى جۇكتەمە شامامەن 40 پايىزعا دەيىن ازايادى دەپ كۇتىلۋدە"، دەدى ول ءوز سوزىندە.

سونداي-اق، ءتوراعا جولاۋشىلار تاسىمالداۋ سالاسىنىڭ بۇگىنگى جەتكەن جەتىستىكتەرىنە توقتالىپ ءوتتى.

"بۇگىنگى تاڭدا جولاۋشىلار تاسىمالداۋ سالاسىنا ەرەكشە كوڭىل اۋدارىلۋدا. سوڭعى ءۇش جىلدىڭ ىشىندە جولاۋشىلار تاسىمالداۋدى سۋبسيديالاۋعا ەلىمىزدە 70 ملرد تەڭگەدەن استام قاراجات بولىنگەن. بۇل قاراجات 50 ميلليون جولاۋشىنى تاسىمالداۋعا مۇمكىندىك بەردى. ايتا كەتەيىن، بۇگىندە جولاۋشىلار تاسىمالداۋ ساپاسىن ارتتىرۋ ءۇشىن كوپتەگەن جەتىستىكتەرگە قول جەتكىزدىك. ءقازىر جولاۋشىلار ۆاگوندارىنىڭ توزۋ دەڭگەيى 70 پايىزدان 53 پايىزعا دەيىن تومەندەسە، ەلەكتروندى تاسىلمەن جولاۋشىلارعا قىزمەت كورسەتۋ 5 ەسەگە ارتتى. پويىزدار مەن ۆوكزالداردا قىزمەت كورسەتۋدىڭ ۇلتتىق ستاندارتتارى قابىلداندى. حالىقتىڭ جولاۋىشىلار تاسىمالداۋىنا سۇرانىسىن قاناعاتتاندىرۋ ءۇشىن 500-دەن اسا جولاۋشىلار ۆاگونى ساتىپ الىندى"، دەدى ءا.اساۆبايەۆ.