وپەك-تىڭ كەيبىر ەلدەرى مۇنايدىڭ الەمدىك باعاسىنا ىقپال ەتۋ ءۇشىن ق ر ۇكىمەتىنە ءىس-قيمىلداردى ۇيلەستىرۋ ۇسىنىسىن جاسادى.  بۇل تۋرالى بۇگىن استاناداعىن  «KAZENERGY-2015» ونىنشى ەۋرازيالىق فورۋمى اياسىنداعى باسپا ءسوز ءماسليحاتىندا ق ر ەنەرگەتيكا ءمينيسترى ۆلاديمير شكولنيك ءمالىم ەتتى. بۇل تۋرالى قامشى پورتالى قازاقپاراتقا سىلتەمە جاساي وتىرىپ حابارلايدى.

«ارينە، وپەك مۇشەلەرى مۇناي باعاسىنىڭ ارتۋىن ىنتالاندىرۋ ءۇشىن قادامداردى ۇيلەستىرۋ ۇسىنىسىن بىزگە ايتتى. اتاپ ايتقاندا، ءبىز وسى پروبلەمالار بويىنشا قازىرگى كەزدە جۇمىس ىستەپ جاتىرمىز»، - دەدى مينيستر تىلشىلەر ساۋالىنا جاۋاپ بەرۋ كەزىندە.

سونىمەن قاتار ۆ. شكولنيك بۇل باعىتتا ەڭ قاراپايىم قادام مۇناي ءوندىرۋ كولەمىن ازايتۋ نەمەسە مۇلدەم ءوندىرۋدى توقتاتۋ ەكەنىن  اتاپ ءوتتى.

«الايدا بىردە-بىر مەملەكەت بۇنداي قادامعا بارعىسى كەلمەيدى، سەبەبى، بۇل ءبىرىنشى كەزەكتە تابىسقا بايلانىستى. سوندىقتان دا وسى ماسەلە بويىنشا كەلىسىلگەن ۇستانىم قاجەت جانە ءتيىستى ماسەلەلەردى قاراستىرىپ جاتىرمىز. ءبىراق تا، قازاقستان ونسىز دا مۇناي ءوندىرۋ كولەمىن 1 ملن. تونناعا تومەندەتتى. ەگەر دە وتكەن جىلى 81 ملن. توننا مۇناي وندىرگەن بولساق، بيىل ونىڭ دەڭگەيى 79،9 ملن. توننا شاماسىندا. 1 ملن. تونناعا مۇناي ءوندىرۋ كولەمىن تومەندەتىپ، باعانىڭ قالىپتاسۋىنا ارتىق مۇنايدىڭ ىقپالىن ازايتۋ ءۇشىن ءوزىمىزدىڭ ۇلەسىمىزدى قوستىق»، - دەدى ەنەرگەتيكا ءمينيسترى.