كاسىپكەرلىكتىڭ دامۋىن ىنتالاندىرۋ جانە ەكونوميكانى نەسيە رەسۋرستارىمەن قامتاماسىز ەتۋ ءۇشىن قازاقستان رەسپۋبليكاسىنىڭ پرەزيدەنتى ن.ءا. نازاربايەۆ 2014 جانە 2015 جىلدارى ۇلتتىق قوردان 1 تريلليون تەڭگە ءبولۋدى تاپسىردى. بۇل تۋرالى قامشى پورتالى ايقىن-اقپاراتقا سىلتەمە جاساي وتىرىپ حابارلايدى.
2014 جىلدىڭ ءساۋىر ايىندا ەلباسىنىڭ تاپسىرماسىن ورىنداۋ ءۇشىن وڭدەۋ ونەركاسىبىندەگى شاعىن جانە ورتا بيزنەستى جەڭىلدىكپەن قارجىلاندىرۋعا 100 ملرد تەڭگە ءبولىندى. ۇلتتىق قور قاراجاتىنىڭ يگەرىلۋىنىڭ العاشقى قورىتىندىلارى كورسەتىپ وتىرعانداي، وڭدەۋ سەكتورىندا وڭ وزگەرىستەر بولىپ جاتىر، بۇل قابىلدانعان شارانىڭ وزەكتىلىگىنە دالەل.
بۇرىن-سوڭدى بولماعان قولداۋ جاعدايلارى ۇدەمەلى يندۋستريالىق-يننوۆاسيالىق دامىتۋ جونىندەگى مەملەكەتتىك باعدارلاما ىسكە اسىرىلا باستاعاننان بەرى قازاقستاننىڭ وڭدەۋ ونەركاسىبى سەكتورى 2008 جىلعى كورسەتكىشتەن 25،8 پايىزعا ءوستى، ءسويتىپ، 2010 – 2014 جىلدارى جىلدىق ءوسىم ساقتالدى. مىسالى، 2012 جىلدىڭ ءتورت ايىندا وتكەن جىلدىڭ سايكەس كەزەڭىمەن سالىستىرسا، قۇرىلىس ماتەريالدارى ءوندىرىسىءنىڭ جەكە يندەكس كولەمى 111،9 پايىزدى قۇراعان. سالانىڭ الدىنداعى باستى مىندەت – ىشكى ءوندىرىستى 80 پايىزعا جەتكىزە وتىرىپ، قۇرىلىس ماتەريالدارىنا دەگەن سۇرانىستى قاناعاتتاندىرۋ. ەلباسىنىڭ تاپسىرماسى بويىنشا ەل ۇكىمەتى جۇزەگە اسىرىپ وتىرعان يندۋستريالاندىرۋ باعدارلاماسى قازاقستاننىڭ قۇرىلىس ونەركاسىبىن جاڭا ساتىعا كوتەرۋگە ءمۇمكىندىك بەردى. يندۋستريا جانە جاڭا تەحنولوگيالار مينيسترلىگىنىڭ ءمالىمەتىنشە، رەسپۋبليكامىز بويىنشا قۇرىلىس ماتەريالدارىن وندىرەتىن 1254 كاسىپورىن بار. 2010-2011 جىلدارى يندۋستريالاندىرۋ كارتاسى اياسىندا جالپى قۇنى 117 ملرد تەڭگە بولاتىن 85 ينۆەستيسيالىق جوبا پايدالانۋعا بەرىلدى. ەندى ەكى جىلدا جالپى قۇنى 211 ملرد تەڭگە بولاتىن 35 جوبانى جۇزەگە اسىرۋ كوزدەلىپ وتىر. قۇرىلىس يندۋسترياسىن دامىتۋدا «قولجەتىمدى باسپانا – 2020» باعدارلاماسىن جۇزەگە اسىرۋ نەگىزگى اسپەكتىگە اينالادى. بۇل باعدارلاما اياسىندا 2020 جىلعا قاراي 63 ملن شارشى مەتر تۇرعىن ءۇي اۋماعى پايدالانۋعا بەرىلمەك. وسىعان بايلانىستى، 2016 جىلعا قاراي وتاندىق قۇرىلىس ماتەريالدارىنىڭ ءوندىرىسىن 80 پايىزعا دەيىن جەتكىزۋ جوسپارلانىپ وتىر. ق ر پرەزيدەنتىنىڭ باستاماسىمەن ەلىمىز بويىنشا قۇرىلىس كومبيناتتارىن جاساقتاۋ بەلسەنە قولعا الىنۋدا. وزگە قۇرىلىس مەكەمەلەرىنەن مۇنىڭ ەرەكشەلىگى سول، قۇرىلىس كومبيناتتارى ءۇي سالۋعا قاجەتتى نەگىزگى جابدىقتاردىڭ باسىم بولىگىن وزدەرى شىعارادى.
قۇرىلىس كومبيناتتارىنا دەيىن ءۇي سالۋمەن اينالىساتىن كومپانيالار بەتون بولشەكتەردى – ءبىر جەردەن، قۇم مەن سەمەنتتى – ەكىنشى جەردەن، تەحنيكانى ءۇشىنشى جەردەن الاتىن ەدى. ال كومبيناتتا مۇنىڭ ءبارى بار. بۇل باستاما ەلىمىزدەگى ەڭ وزەكتى بولىپ ءتۇرعىن-ۇي ماسەلەسىن ۇدەتە شەشۋگە مۇمكىندىك بەرىپ، قۇرىلىس يندۋسترياسىن دامىتۋعا ستيمۋل بەرەدى. راسىمەن دە، كەيىنگى جىلدارى وتاندىق قۇرىلىس ماتەريالدارىنىڭ ءتۇرى دە كوبەيىپ، سونىمەن قاتار ونىڭ ساپاسى دا جاقسارىپ كەلەدى. ساپاسىنا ءمان بەرمەسە، نارىقتا ويىننان شىعىپ قالاتىنىن بۇگىندە وندىرىسشىلەر تولىعىمەن ءتۇسىنگەن. باسەكەگە ساي بولماسا، ءونىمدى وتكىزۋ قيىن ەكەنى ايدان انىق. ونىڭ ۇستىنە، وزگە ەلدىڭ انتالاعان تاۋار وندىرۋشىلەرى ىشكى نارىقتاعى بوس كەڭىستىكتى بىلە قويادى. ءويتكەنى تۇتىنۋشى سۇرانىسىن قاناعاتتاندىرۋ – ءوندىرۋشىنىڭ باستى قاعيداسى. يننوۆاسيا جانە دامۋ مينيسترلىگىنىڭ مالىمەتىنە قاراعاندا، ەلىمىزدە سوڭعى بەس جىلدا 13 ءۇي قۇرىلىسى كومبيناتى پايدالانۋعا بەرىلگەن. ونەركاسىپ ورىندارى 11 وبلىس پەن استانادا ورنالاسقان. كومبيناتتار قازاقستاننىڭ يندۋستريالىق دامۋ باعدارلاماسى بويىنشا ىسكە قوسىلعان. جىل سايىن بۇل ونەركاسىپ ورىندارىندا مىڭداعان شارشى مەتر قۇرىلىس بۇيىمدارى وندىرىلەدى. بۇدان باسقا 2010 – 2014 جىلدارى بەس سەمەنت زاۋىتى ىسكە قوسىلعان. ولار ەلىمىزدىڭ سەمەنت ءوندىرىسىنە وزىندىك ۇلەسىن قوسىپ كەلەدى.
كەيىنگى جىلدارى وتاندىق قۇرىلىس سالاسىندا مەتالل جابىندىلارى، پلاستيكالىق تەرەزە مەن ەسىكتەردى وزىمىزدە جاساۋدى قولعا الدى. قۇرىلىس ماتەريالدارىن وندىرۋگە قۇلشىنىس تانىتۋدىڭ العاشقى وڭ ناتيجەلەرى ءقازىردىڭ وزىندە بىلىنە باستادى. ءقازىر سەمەنت، بەتون بۇيىمدارىن، جىلۋ ساقتاعىش ماتەريالدار مەن پلاستماسسا قۇبىرلاردى وندىرۋدە جەرگىلىكتى ونەركاسىپ ورىندارى شەتەلدىك ارىپتەستەرىنەن قالىسار ەمەس. ماسەلەن، 2010 جىلى بار بولعانى 4،7 ميلليون توننا سەمەنت وندىرىلسە، 2014 جىلى بۇل سان 7،9 ميلليون تونناعا جەتىپ جىعىلعان. بيىل وسىدان بەس جىل بۇرىنعى كورسەتكىشتى ەكى ەسەلەۋگە جوسپار جاسالعان.
ءوندىرىس ۇلعايسا، قوسىمشا تاعى جۇمىس ورىندارى اشىلادى
بيىلعى مامىر ايىندا اتىراۋ – استراحان تراسساسى بويىندا سولتۇستىك ءوندىرىس اۋدانىندا ءوندىرىس قۋاتى جىلىنا 50 000 شارشى مەتر تۇرعىن ءۇي جانە 35 000 تەكشە مەتر تەمىر-بەتون ونىمدەرىن شىعاراتىن ءۇي قۇرىلىس كومبيناتى ىسكە قوسىلدى.
«Direct Construction Service ج ش س» كومپانياسى – ءۇي قۇرىلىس كومبيناتىنىڭ كولەمى 10 000 شارشى مەتر جانە دە 3 سەحتەن تۇرادى. ءبىرىنشى سەح قۋىس جابىن پليتالارىن شىعارۋعا ارنالعان. ەكىنشى سەحتا باعانالار مەن بورەنەلەر وندىرەتىن 12 الدىن الا قىزدىرىلعان جانە جاي «ۇستەلدەر» بار. ءۇشىنشى سەح جارتىلاي ۇزىندىعى 6 مەتردەن 16 مەترگە دەيىن تىرەۋىشتەر وندىرۋگە ارنالعان. سەحتىڭ ەكىنشى جارتىسى ءونىمدى ارماتۋرالاۋعا ارنالعان جانە دە «KR8» ارماتۋرالاۋ ارنايى تەحنيكا مەن جابدىقتار شىعارۋ سالاسىنداعى الەمدىك ليدەر بولىپ تابىلاتىن، امەريكالىق كومپانيانىڭ جابدىقتارىمەن جابدىقتالعان. كاركاستاعى بارلىق تەمىر-بەتون ونىمدەرى ارماتۋرادان تۇرادى. سەحتا بۇكىل كومبينات ءۇشىن ارماتۋرالاۋ جاسالادى.
«Direct Construction Service» كومپانياسى قارقىندى دامىپ كەلە جاتقان جەكە كاسىپورىن بولىپ تابىلادى، ونىڭ ىشىندە «ABE&K» ج ش س جانە «Caspian Business Support» ج ش س ەنشىلەس ۇيىمدار، «DCS» كومپانياسى توبىنىڭ قۇرامداس بولىگى. امەريكالىق بۇل تەحنولوگيا 11 مەترلىك جابىندىلاردى تىرەكسىز ورناتۋعا ىڭعايلى. مۇنداي كەڭ بولمەلەر كوپبالالى وتباسىلار ءۇشىن اسا قولايلى. جاڭا تەحنولوگيامەن وندىرىلگەن ماتەريالدىڭ تاعى ءبىر ارتىقشىلىعى، تۇرعىن ءۇي قۇرىلىسىنىڭ جەدەل جۇرۋىنە ىقپال ەتەدى. ازىرگە مۇنايلى ءوڭىردىڭ قاجەتىنە جۇمىس ىستەيتىن كومبينات، كەلەشەكتە ءوز ءونىمىن باسقا ايماقتارعا شىعارۋعا ىنتالى. كومبيناتتا ءقازىر 60-تان استام ادام تۇراقتى جۇمىسپەن قامتىلعان. ءوندىرىس ۇلعايسا، قوسىمشا جۇمىس ورىندارى اشىلاتىن بولادى. ال ءوندىرىستىڭ ۇلعاياتىنىنا سەنىم مول. سەبەبى ساپالى جاڭا ونىمگە تەك تۇرعىن ءۇي قۇرىلىسى سالاسىندا عانا ەمەس، اتىراۋ وبلىسىندا جۇمىس جاساپ جاتقان مۇناي ءوندىرۋشى كومپانيالاردان دا تاپسىرىستار تۇسە باستاعان. تەڭىز كەنىشىندە بوي كوتەرەتىن مۇنايشىلار كەنتىنىڭ مەردىگەر كومپانياسى كومبيناتپەن كەلىسىم جاساپتى. نارىق ايدىنىنا ەندى شىققان جاس كومبيناتتىڭ نەگىزگى ۇستانىمى – «ءبىز كەلەر ۇرپاقتىڭ بولاشاعىن جاسايمىز. ءبىز ءۇشىن قىزمەتءتىڭ ساپاسى، جوعارى ستاندارتتى سەرۆيس جانە تۇتىنۋشىنىڭ قىزىعۋشىلىعىمەن جۇمىس جاساۋ – ۇيىمنىڭ باسىم باعىتى».
«Direct Construction Service» ج ش س 3 ساناتتاعى قۇرىلىس نىساندارىن جوبالاۋ ليسەنزياسىن، ءتيىستى كوپجىلدىق ءتاجىريبەسىن، بىلىكتى قىزمەتكەرلەر شتاتىن پايدالانا وتىرىپ، جوبالاۋ كەزەڭىندە كەلەسى جۇمىس تۇرلەرىن ورىنداۋعا دايىن:
– جوبالىق-سمەتالىق قۇجاتتامانى ازىرلەۋ؛
– جوبالاردىڭ ارنايى بولىمدەرىن ازىرلەۋ (قۇرىلىستى ۇيىمداستىرۋ جوبالارىن ازىرلەۋ (قۇج)، جۇمىستى جۇرگىزۋ جوبالارى (ججج)، تەحنولوگيالىق جوبالاۋ، عيماراتتار مەن قۇرىلىستاردى تەكسەرۋ)؛
– قازاقستان رەسپۋبليكاسىنىڭ ستاندارتتارى، نورمالارى مەن ەرەجەلەرى تالابىنا سايكەس شەتەل كومپانيالارىمەن ازىرلەنگەن جوبالىق قۇجاتتامالاردىڭ بەيىمدەلۋى (اداپتاسياسى)؛
– تاپسىرىس بەرۋشىنىڭ تاپسىرماسى بويىنشا بارلىق مۇددەلى ورگاندارمەن جوبالىق جانە جۇمىس قۇجاتتارىن كەءلىسۋ، مەملەكەتتىك ساراپتاما قورىتىندىسىن الۋ.
«Direct Construction Service» ج ش س قازاقستان رەسپۋبليكاسى اۋماعىندا 2 ساناتتاعى قۇرىلىس-مونتاج جۇمىستارىن اتقارۋعا №0001185 مەملەكەتتىك ليسەنزيا نەگىزىندە جۇمىس جاسايتىن قۇرىلىس-مونتاج كومپانياسى. كومپانيا قازاقستان نارىعىندا تىرەۋ جانە قورشاۋ كونسترۋكسيالارىن سالۋ سالاسىنداعى، ىشكى جانە سىرتقى ينجەنەرلىك جەلىلەردى تۇرعىزۋ بويىنشا باسەكەگە قابىلەتتى كومپانيا بولىپ تابىلادى جانە دە ول ءوزىن كەز كەلگەن كۇردەلى پروبلەمالاردى شەشۋ ءۇشىن سەنىمدى سەرىكتەس رەتىندە كورسەتە ءبىلدى.
تاۋارلى بەتون وزىمىزدە وڭدەلەدى
«Direct Construction Service» جشس-نىڭ اتىراۋ قالاسىندا تاۋارلى بەتوندى ءوندىرۋ، ساتۋ جانە جەتكىزۋ ءبىر بولەك باعىتى بولىپ تابىلادى. قۇرعاق قوسپا نەگىزىندەگى ەرىتىندىلەردەن گورى، تاۋارلى بەتون (مەملەكەتتىك ستاندارت مۇلتىكسىز ساقتالادى) ءسوزسىز جاقسىراق. كومپانيانىڭ ماماندارى قوسپانىڭ ىلعالدىلىعىن، قيىرشىقتىلىعىن جانە باسقا دا كورسەتكىشتەرىن جوعارعى دالدىگىمەن باقىلاي الادى. قازىرگى ۋاقىتتا وسى قۇرىلىس ماتەريالدارى قۇرىلىس جۇمىستارىندا ءجيى پايدالانىلادى. قۇرىلىستىڭ سەنىمدىلىگى ءۇشىن وسى بەتون تۇرىنە ارتىقشىلىق بەرۋ كەرەك. بۇل بەتون ءتۇرىندە بارلىق ۇستاستىرعىش زاتتار مەن قوسىمشالاردىڭ پروپورسيالارى جوعارعى دالدىكپەن ساقتالعان. تەك قانا ساپانى قاتاڭ باقىلاۋ ارقىلى تاۋارلى بەتون مەن ەرىتىندى سەنىمدى بولا الادى جانە ءمالىمدەلگەن ەكسپلۋاتاسيالىق ەرەكشەلىكتەرگە يە بولادى. ونداي ماقساتتارعا جەتۋ ءۇشىن كومپانيانىڭ ەكى وندىرىستىك بازاسى، ونىڭ ىشىندە بەتونارالاستىرعىش قۇرىلعىلار، تەمىر جول تۇيىقتارى جانە تىركەلگەن قۇرىلىس زەرتحاناسى بار.
ءوندىرۋشىسى Elkon جانە Sany، ونىمدىلىگى 120 جانە 60 كۋب.م/س ەكى بەتونارالاستىرعىش قۇرىلعىلارى پايدالانىلۋدا. ءونىم ساپاسى KZ.2310317.01.01.03882 سايكەستىك سەرتيفيكاتتارى ارقىلى دالەلدەنگەن.
بۇل زاۋىت، جوعارىدا ايتىپ وتكەندەي، تەمىر-بەتون ونىمدەرىن كەڭ تۇرىندە شىعارۋعا ارنالعان. ولار مىنالار: تەمىر-بەتوندى پليتالار، پانەلدەر، ريگەلدەر، تىرەۋىشتەر جانە تاعى باسقا قۇرىلىس بەتون ونىمدەرى. ونىمدەر پانەلدى تۇرعىن ۇيلەر، قوعامدىق جانە وندىرىستىك عيماراتتار سالۋ ءۇشىن پايدالانىلادى. ىشكى نارىقتا وزىندىك ورنىمەن تانىلا العان ۇجىم. «ءبىز جيناعان تاجىريبە مەن بارلىق ءبىلىمىمىزدى حالىقارالىق كومپانيالاردىڭ پرينسيپتەرى بويىنشا جۇمىس جاسايتىن كومپانيا قۇردىق» دەيدى. كومپانيا قىزمەتىنىڭ نەگىزگى باعىتتارى مىنالار:
• قۇرىلىس نىساندارىن جوبالاۋ، جوبالاردىڭ بەيىمدەلۋى (اداپتاسياسى) جانە جوبالاردىڭ ساراپتاماسى
• جوبا مەن قۇرىلىستىڭ تەحنيكالىق قولداۋى جانە مۇددەلى ورگاندارمەن جوبالاردى كەلىسۋ ءۇشىن كومەك كورسەتۋ قىزمەتتەرى.
• قۇرىلىس-مونتاج جۇمىستارى
– تاۋارلى بەتون مەن تەمىر-بەتون ونىمدەرىن ءوندىرۋ جانە جەتكىزۋ.
«Direct Construction Service ج ش س» جاۋاپكەرشىلىگى شەكتەۋلى سەرىكتەستىگى امەريكالىق «Spancrete Machinery Corporation» فيرماسىنىڭ قازىرگى زامانعى قۇرال-جابدىقتارمەن قامتاماسىز ەتىلگەن ءوز ءۇي قۇرىلىس كومبيناتىنا يەلىك ەتەدى. كومپانيادا وندىرىلەتىن ونىمدەر لوگيستيكالىق جۇيەنىڭ تاۋارلى-ترانسپورتتىق اعىندارىنا سايكەس كەز كەلگەن قيىندىقتاعى تاپسىرىستاردى ءوز مەرزىمىندە ورىنداپ شىعادى. «Direct Construction Service» جاۋاپكەرشىلىگى شەكتەۋلى سەرىكتەستىگى ءتيىمدى قۇرىلىمعا، ءوز ءوندىرىس كۇشىنە، زاماناۋي تەحنيكالىق بازاعا جانە اسا بىلىكتى كادرلارعا يە بولا وتىرىپ، قازىرگى ۋاقىتتاعى ەڭ ماڭىزدى جوبالاردى ىسكە اسىرۋعا مۇمكىندىگى بار.مەكەمەنىڭ قىزمەتكەرلەر قۇرامى 150 ادامنان تۇرادى، ونىڭ ىشىندە 80 پايىزى ءارتۇرلى باعىت بويىنشا جۇمىسشىلار بريگادالارى، ءۇي-قۇرىلىسى كومپانياسى كىزمەتكەرلەرى. كومپانيا جوبالاردى ىسكە اسىرۋ ءۇشىن وسى سالاداعى ەڭ مىقتى مامانداردى جۇمىسقا تارتادى. ءۇي قۇرىلىسى كومبيناتى اتىراۋدىڭ سولتۇستىك ونەركاسىپ ايماعىندا (اتىراۋ – استراحان تاس جولى) ورنالاسقان. «Direkt Construction Service» ج ش س ديرەكتورى رۇستەم رامازان ۇلىنىڭ ايتۋىنشا، كاسىپورىندا 150 ادام ەڭبەك ەتەدى. 10 ينجەنەر قىزمەتكەرى شتاتتاردان ەكى ايلىق كۋرستار وقىپ، ءوندىرىستىڭ ۇزدىك تەحنولوگيالارىن ۇيرەنىپ كەلدى، بۇگىندە وزدەرى دە كاسىپورىننىڭ باسقا قىزمەتكەرلەرىن وقىتۋدا. «ءدامۋ-وندىرىس-2» باعدارلاماسى بويىنشا 1 ملرد 850 ملن تەڭگە ءمولشەرىندە قارجىلاندىرىلعان. ال جوبانىڭ جالپى قۇنى 3.700 ملن تەڭگە. الداعى ۋاقىتتا وندىرىستىك قۋاتتىلىقتى ارتتىرۋ جوسپارلانىپ وتىر.
– ءقازىر كومبيناتتا 60 ادام جۇمىس ىستەيدى. جاڭا تەحنولوگيالار بويىنشا جىلىتىلعان ءموبيلدى ۇيلەردى سالاتىن بولامىز. ءارى قاراي بۇل تۇربالارى، باتارەيالارى، كىرىكتىرمە روزەتكالارى بار بلوكتار بولماق. ۇيلەر لەگو سياقتى قۇراستىرىلاتىن بولادى. تۇتىنۋشىلارعا تەك ارلەۋ جۇمىستارى عانا قالادى، – دەپ اتاپ ءوتتى ر.رامازان ۇلى.
كاسىپورىن قازاقستاندىق شيكىزاتتى قولدانادى، شەتەلدەن تەك حيميالىق قوسپالار عانا جەتكىزىلەدى.
ۇستىمىزدەگى جىلدىڭ ءساۋىر ايىندا اتىراۋ قالاسىنىڭ نۇرسايا شاعىن اۋدانىندا «اۆە&ك» ج ش س مەن «سامۇرىق قازىنا» جىلجىمايتىن مۇلىك قورىنىڭ» اق ىنتىماقتاستىعى مەموراندۋمى اياسىندا، «Direct Construction Service» ج ش س باس مەردىگەر رەتىندە «جەرۇيىق» (جاڭا) تۇرعىن ءۇي كەشەنىنىڭ قۇرىلىسىن باستادى. تۇرعىن ءۇي كەشەنى 25 پاتەرلى 5 قاباتتى 16 ىلەسپەلى ينفراقۇرىلىمدى ءۇي بولىپ تابىلادى. قۇرىلىس بارىسىندا مەنشىكتى ءۇي قۇرىلىس كومبيناتىنىڭ شىعاراتىن جاڭا تەحنولوگياعا ساي تەمىر-بەتوندى پانەلدەردى پايدالاناتىن بولادى. سونداي-اق قۇرىلىس بارىسىندا پايدالانىلاتىن بەتون مەنشىكتى بەتون تورابىنىڭ ءونىمى بولىپ تابىلادى. كومپانيا ەڭ ءبىرىنشى تۇرعىزىلاتىن نىساننىڭ ساپاسىنا كوڭىل بولەدى. جوعارى ساپالى ماتەريالدى، قۇرىلىستىڭ جاڭا تەحنولوگيالىق پروسەسىن قولدانۋ جانە جوعارى بىلىكتى، تاجىريبەلى مامانداردى جۇمىسقا تارتۋ قازىرگى ۋاقىتتا ءوز ءناتيجەسىن قۇرىلىستى مەرزىمىنەن بۇرىن ورىنداۋ تۇرىندە كورسەتۋدە. كومپانيا جاس مەملەكەتىمىزدىڭ گۇلدەنۋى ءۇشىن دامۋعا جانە بارلىق مۇددەلى تۇلعالارمەن قىزمەت ەتۋگە دايىن.
«Direct Construction Service» ج ش س، نەگىزىنەن، وندىرىستىك نىساندار قۇرىلىسىنا ماماندانعان. مەملەكەت باسشىسى «نۇرلى جول» – بولاشاققا باستار جول» اتتى حالىققا ارناعان جولداۋىندا رەسپۋبليكامىزدا تۇرعىن ءۇي سالۋ مەن قۇرىلىس يندۋسترياسىن دامىتۋدى، ءسويءتىپ، قازاقستاندىقتاردىڭ باسپاناعا مۇقتاجدىعىن تەزدەتىپ شەشۋدى، ونىڭ وڭتايلى جولدارىن قاراستىرۋدى مىندەتتەدى. ايماقتىڭ عانا ەمەس، تۇتاستاي ەلىمىزدىڭ قۇرىلىس يندۋسترياسىنىڭ دامۋىندا وزىندىك ورنى بار، وتاندىق «Direct Construction Serviسە» جاۋاپكەرشىلىگى شەكتەۋلى سەرىكتەستىگىنىڭ يەلىگىندەگى بۇل كاسىپورىننىڭ نەگىزگى جابدىقتارى مەن قوندىرعى-قۇرىلعىلارى اقش-تان اكەءلىنگەن. سونىڭ نەگىزىندە، سەرىكتەس كومپانيا جەرگىلىكتى مامانداردى ءوزىنىڭ بازاسىندا وقىتىپ، بىلىكتىلىك دەڭگەيىن كوتەرۋدى دە موينىنا العان. بۇدان بىلاي، كوپ قاباتتى تۇرعىن ءۇي قۇرىلىسىنا قاجەتتى ماتەريالدار تۇگەلدەي دەرلىك وسىندا دايىندالىپ، شىعارىلادى. ال كەرەكتى شيكىزاتتار كورشىلەس ايماقتار مەن قازاقستاندىق زاۋىتتاردان جەتكىزىلەدى. ەڭ باستىسى، باسپانالار تەز ءارى ساپالى تۇرعىزىلىپ، باعاسى دا بازار نارقىنان باسەڭدەۋ بولادى دەپ كۇتىلۋدە.
ءتۇيىن
جوبالىق قۇنى 10 ملن دوللارلىق كومبيناتتىڭ جىلدىق قۋاتتىلىعى – 500 مىڭ شارشى مەتر نەمەسە 35 مىڭ تەكشە مەتر ءونىم شىعارۋ. وسى ساتىدا جاڭاعى ايتىلعان امەريكالىق تەحنولوگيالار قولدانىلادى. بولىنگەن قاراجات تولىعىمەن يگەرىلىپ، كاسىپورىننىڭ جابدىقتارمەن قامتىلدى. بۇعان دەيىن دە تىلگە تيەك ەتكەنىمىزدەي، وندىرىستە تۇتىنىلاتىن نەگىزگى شيكىزات تۇرلەرى (قۇم، قيىرشىقتاس، سەمەنت، مەتالل قۇراستىرمالارى مەن ارماتۋرالار ت.ب.) اقتوبە، اقتاۋ، تەمىرتاۋ (قاراعاندى وبلىسى)، قوستاناي قالالارىنداعى زاۋىتتاردان الىنادى. بولاشاقتا بۇل كومبيناتتا ءتۇرلى كولەم-پىشىنمەن تەمىر-بەتون بۇيىمدارى (كوپقاباتتى ءۇيدىڭ ىرگەتاسىن قالايتىن قادادان باستاپ كىرمەدالىز باسپالداقتارى، قابىرعالار مەن توبە جابىندىلارى، تاستامالار دايىندالىپ، بىرتىندەپ تۇتاستاي پاتەرلەر مەن ۇيلەر قۇراستىرىلىپ شىعارىلادى. وسى ساتىدا جاڭاعى ايتىلعان امەريكالىق تەحنولوگيالار قولدانىلادى. جالپى العاندا، بۇل اتىراۋداعى ەكىنشى ءۇي قۇرىلىسى كومبيناتى بولىپ ەسەپتەلىنگەنىمەن، قايتالانباس ۇلگىسىمەن حالىقارالىق ستاندارتتار مەن تالاپتارعا سايكەستىگى جاعىنان العاشقىسى سانالادى. اڭگىمە بارىسىنان اڭعارعانىمىزداي، ءدال وسىنداي قۋاتتىلىققا يە جانە مۇمكىندىگى بار الىپ كاسىپورىن تەك ءبىزدىڭ ەلدە عانا ەمەس، الەمدە ساۋساقپەن سانارلىقتاي كورىنەدى.
پىكىر قالدىرۋ