اعىمداعى جىلدىڭ 8 ايىندا ەلىمىزدەگى جەڭىل ونەركاسىپ ءونىمىنىڭ كولەمى 43 ملرد. تەڭگەنى قۇرادى. كاسىپورىندار 21،2 ملرد. تەڭگەنىڭ توقىما بۇيىمدارىن، 17،9 ملرد. تەڭگەنىڭ كيىم-كەشەگىن، 3،7 ملرد. تەڭگەنىڭ تەرى ونىمدەرىن شىعاردى. بۇل تۋرالى قامشى پورتالى Baq.kz –كە سىلتەمە جاساي وتىرىپ حابارلايدى.

وڭتۇستىك قازاقستان وبلىسى ايماقتىق جەڭىل ونەركاسىپ كلاستەرىن قۇرۋ ءۇشىن «قازاقستاننىڭ ينۆەستيسيالىق قورى» اق توقىما وندىرىسىمەن اينالىستان كاسىپورىنداردى ساۋىقتىرۋ باعىتىندا ءبىرقاتار شارالاردى قولعا الدى. وسى ماقساتتا ەڭ الدىمەن «Textiles.kz» كومپانيالار توبىنىڭ كاسىپورىندارىن شيكىزاتپەن (ماقتا تالشىقتارى) قامتاماسىز ەتۋ، «يۋتەكس-KZ» ج ش س توقىما فابريكاسىنىڭ قۇرىلىسىن اياقتاۋ، «مەلانج» اق مەن «يۋتەكس» اق كاسىپورىندارىن ىسكە قوسۋ جوسپارلانىپ وتىر.

«بيزنەستىڭ جول كارتاسى – 2020» باعدارلاماسى اياسىندا جەڭىل ونەركاسىپ كاسىپورىندارىن قارجىلاي قولداۋدىڭ ناتيجەسىندە، ءبىرىنشى جارتىجىلدىقتا 23،6 ملرد. تەڭگەگە 115 جوباعا قولداۋ كورسەتىلدى. قازاقستاندىق جەڭىل ونەركاسىپ كاسىپورىندارى جالپى قۇنى 182 ملرد. تەڭگە بولاتىن ۇزاق مەرزىمدى 342 كەلىسىم جاساسقان.

ايتا كەتەيىك، «وڭتۇستىك» ارنايى ەكونوميكالىق ايماعىندا جالپى قۇنى 22 ملرد. تەڭگەنىڭ 8 جەڭىل ونەركاسىپ جوباسى ىسكە استى. سونىڭ اياسىندا 6،2 ملرد. تەڭگەنىڭ ءونىمى ءوندىرىلىپ، 1،5 مىڭ جۇمىس ورنى قۇرىلدى. سونداي-اق، وسى كۇندەرى اەا اۋماعىندا جالپى ينۆەستيسيا كولەمى 89،3 ملرد. تەڭگەنىڭ 10 جوباسى قولعا الىنۋدا. جىل سوڭىنا دەيىن قۇنى 4،4 ملرد. تەڭگەنىڭ 2 جوباسى پايدالانۋعا بەرىلەدى دەپ كۇتىلۋدە. ال ول كەزدە 370 جاڭا جۇمىس ورنى اشىلاتىن بولادى.