ۇلتتىق بانك مالىمەتىنشە، ەلدە ينفلياسيا ءالى دە جوعارى دەڭگەيدە بولىپ وتىر. قاراشا ايىندا ونىڭ جىلدىق ءمانى 19،6% بولىپ، بارلىق كومپونەنت بويىنشا وسكەن. 

ساراپشىلار ءتۇرلى فاكتورلاردى ەسكەرگەندە بيىل جىلدىق ينفلياسيا 20-21% دەڭگەيىندە قالىپتاساتىنىن، 2023 جىلى 11-13%، 2024 جىلى 7-9% شەگىندە بولادى دەپ بولجاپ وتىر.

"بيىل ءجىو-نىڭ ءوسۋى 2-3% شەگىندە قالىپتاسىپ، كەيىننەن 2023 جىلى 3-4%-عا دەيىن جىلدامدايدى. بۇل بۇرىن بولجانعان سىرتقى سۇرانىستىڭ السىرەۋىنە، مۇناي ءوندىرۋدىڭ ءبىرشاما قالىپتى بولۋىنا جانە كەيدە قازاقستان ەكسپورتىن الەمدىك نارىقتارعا جەتكىزۋدە تۋىندايتىن پروبلەمالارعا بايلانىستى. ينفلياسيا بويىنشا بولجام تاۋەكەلدەرى گەوساياسي شيەلەنىستىڭ سالدارىنا جانە ونىڭ ودان ءارى دامۋىنا قاتىستى بەلگىسىزدىككە، ساۋدانى قۇرىلىمدىق قايتا قۇرۋ كەزەڭىنىڭ ۇزاقتىعىنا، ينفلياسيالىق كۇتۋدىڭ جوعارى جانە تۇراقسىز بولۋىنا، جوعارى ازىق-تۇلىك ينفلياسياسىنىڭ ساقتالۋىنا بايلانىستى"  دەلىنگەن ۇلتتىق بانك اقپاراتىندا.