استانا قالاسىنداعى «دۋمان» ويىن-ساۋىق ورتالىعىندا قازاقستان حالقى اسسامبلەياسى جىلى ءىس-شارالارىنىڭ شەڭبەرىندە قازاق حاندىعىنىڭ 550 جىلدىعىنا ارنالعان رەسپۋبليكالىق «ەتنو-fashion» فەستيۆالى ءوتتى.

فەستيۆالدىڭ باستى ميسسيا­سى – ەجەلگى قازاق مادەنيەتى مەن قا­زاقستان ەتنوستارىنىڭ ءداستۇر­لەرىن ءتانىپ-بىلۋ، ۇلتتىق كيىم مەن ساندىك-قولدانبالى بۇيىمداردىڭ ەلەمەنتتەرى ارقىلى تاريحتىڭ جارقىن بەتتەرىن كورسەتۋ. اتالعان فەستيۆالدى ۇيىمداستىرۋدا. قازاقستان پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا، مادەنيەت جانە سپورت، ءبىلىم جانە عىلىم، سىرتقى ىستەر مينيسترلىكتەرى مەن استانا قالاسىنىڭ اكىمدىگى سەرىكتەس بولدى. فەستيۆالدىڭ نەگىزگى ماقساتى – قازاقستاندىق بىرتەكتىلىكتى، قوعامدىق كەلىسىم مەن جالپىۇلتتىق بىرلىكتى نىعاي­تۋعا ۇندەۋ.

ءىس-شاراعا قازاقستان حالقى اسسامبلەياسى ءتوراعاسىنىڭ ورىنباسارى – قحا حاتشىلىعىنىڭ مەڭ­گەرۋشىسى ە.توعجانوۆ، پارلا­مەنت دەپۋتاتتارى، «ەتنو-ەراتو» حالىقارالىق جوعارى ءسان كونكۋرسىنىڭ ءتورايى­مى ر.قاناپيانوۆا، قحا، ديپ­لو­ماتيالىق ميسسيالار مۇشەلەرى، ەتنومادەني بىرلەستىكتەر مەن عىلىمي جانە زيالى قاۋىم وكىلدەرى، سونىمەن قوسا، تانىمال ەسترادا ارتىستەرى قاتىستى.

ءوز سوزىندە قازاقستان حالقى اسسامبلەياسى ءتوراعاسىنىڭ ورىنباسارى – قحا حاتشىلىعىنىڭ مەڭگەرۋشىسى ەرالى توعجانوۆ: «قازاق حاندىعىنىڭ 550 جىل­دىعى – بارشامىز ءۇشىن ەلەۋلى وقي­عا. حالقىمىزدىڭ تاريحى ەجەل­گى داۋىرلەردەن باستاۋ الادى: ساق ءداۋىرى، عۇندار، تۇرىك قاعا­ناتى جانە ت.ب. ءار كەزەڭ ءبىزدىڭ مادەنيەتىمىزدە ويىپ تۇرىپ ورىن العان. ەلىمىزدىڭ ءار ازاماتى ءوز وتباسىنىڭ مۇشەسى رەتىندە ءبىر-بىرى ءۇشىن ۋايىمداۋ كەرەك. تەك ءبىز عانا ءبىرتۇتاس بولاشاق پەن مەملەكەتتىلىكتىڭ نەگىزىن قالاي الامىز»، – دەدى.

ءىس-شارا بارىسىندا ەتنوپە­دا­گوگيكا بويىنشا «ءتىل – دوس­تىقتىڭ التىن كوپىرى»؛ «ەرتە­گى­لەردەگى ەل دانالىعى: وقىتامىز جانە بىرگە وقيمىز»؛ «قازاق ۇلت­تىق كيىمىنىڭ فيلوسوفياسى» تاقىرىپتارىنا ارنالعان «حا­لىق دانالىعىنىڭ قاينارى» اتتى اشىق ساباقتار وتكىزىلدى. ەت­نوپەداگوگيكا بويىنشا وتكەن اشىق ساباقتاردى پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا جانىنداعى ساراپتامالىق كەڭەستىڭ حاتشىسى، قازاقستان جازۋشىلار وداعىنىڭ مۇشەسى كامال الپەيىسوۆا (استانا قالا­سى)، لومونوسوۆ اتىنداعى ممۋ قازاقستان فيليالى ديرەكتورى­نىڭ ورىنباسارى، ل.ن. گۋميليەۆ اتىنداعى ەۇۋ پروفەسسورى، قازاقستان حالقى اسسامبلەياسى عى­لىمي-ساراپتاما كەڭەسىنىڭ مۇشەسى، عىلىم دوكتورى نۇرسۇلۋ شايمەردەنوۆا (استانا قالاسى)، قازاق­ستان قول­ونەرشىلەرى وداعى­نىڭ ءتورايى­مى، قازاقستان سۋرەت­شىلەر وداعىنىڭ مۇشەسى ايجان بەك­­قۇلوۆا (الماتى قالاسى) ءجۇر­گىزدى.

فەستيۆالدىڭ ءبىرىنشى ءبولى­ءمى­ءنىڭ سوڭىندا قازاقستاننىڭ تانى­مال ديزاينەرلەرى شەبەرلىك ساباقتارىن وتكىزىپ، ءوز ءتاجىري­بەلەرىمەن ءبولىستى. قاتىسۋشىلار ديزەينەرلەرگە سۇراقتار قويىپ، پىكىر الماستى، سونداي-اق، دي­زاي­نەرلەر مەن ءىس-شارا ۇيىمداس­تىرۋشىلارىنا شەكسىز العىس­تارىن ءبىلدىردى. «باتىر» بالالار مەن جاسوسپىرىمدەر كلۋبىنىڭ جەتەك­ءشىسى قانات ايىمبەتوۆ «اسىق اتۋ» تاريحىنا توقتالىپ، بالا­لار اراسىندا «التى اتۋ» ۇلت­تىق ويىنىن وتكىزدى.

شارا اياسىندا «اسىل قازى­نا» – ديزاينەر-سانگەرلەر ەتنو­گرافيالىق دەرەكتەر نەگىزىندە جاساعان قازاق مەملەكەتتىلىگىنىڭ قالىپتاسۋ داۋىرلەرىندەگى ۇلتتىق كيىمنىڭ نوبايلىق (ەسكيزدىك) جوبالارىنىڭ كورمەسى. «ۇلى دالا ورنەكتەرى» – قازاق حاندى­عى تۇسىنداعى ۇلتتىق كيىم كور­سەتىلىمى (ەرلەرگە، ايەلدەرگە، جاستارعا جانە بالالارعا ارنالعان ۇلتتىق كيىم ۇلگىلەرىنىڭ، دالا ەليتاسى مەن باتىرلاردىڭ كيىم ۇلگىلەرىنىڭ كورسەتىلىمى (دەفيلە). «حالىق دانالىعىنىڭ قاينارى» – ەتنوپەداگوگيكا بويىنشا «ءتىل – دوستىقتىڭ التىن كوپىرى»، «ەرتە­گىلەردەگى ەل دانالىعى: وقىتامىز جانە بىرگە وقيمىز»، «قازاق ۇلتتىق كيىمىنىڭ فيلوسوفياسى» تاقىرىپتارىندا كوپشىلىككە ارنالعان اشىق ساباقتارمەن قوسا، «ءساندى ەتنوكيىم!» كيىم ۇلگىلەرىن جاساۋدا ەتنوستىق ەلەمەنتتەردى پايدالانىپ جۇرگەن قازاقستاننىڭ تانىمال ديزاينەرلەرىنىڭ شەبەرلىك ساباقتارى جانە «كاۋ­سار بۇلاق» – بالالار الاڭى: بالا­لارعا ارنالعان ۇلتتىق ويىن­دار، «اتا ونەرى – ۇرپاققا مۇرا» – قولدان جاسالعان بىرەگەي تاۋار­لاردىڭ جارمەڭكەسى جانە قول­ونەرشىلەردىڭ ءتۇرلى شەبەرلىك ساباقتارى، «ماڭگىلىك امانات» – ۇلى دالانىڭ ءسالت-داستۇر­لەرى مەن مادەنيەتىنىڭ ەلەمەنت­تەرىن جاڭعىرتۋ بويىنشا تەاتر­لان­دىرىلعان قويىلىم سىندى ءىس-شارالار كەشەنى وتكىزىلدى. فەس­تيۆالدە ەلىمىزدىڭ 12 وڭىرىنەن كەلگەن 70-تەن استام سانگەرلەر، ديزاي­نەرلەر مەن حالىق ىشىنەن شىق­قان شەبەرلەردىڭ جۇمىستارى كورسەتىلدى.

فەستيۆالدىڭ سالتاناتتى جابىلۋىندا پرەزيدەنت اكىمشىلىگىنىڭ قحا حاتشىلىق سەكتورىنىڭ مەڭگەرۋشىسى ءنازيپا ىدىرىس قىزى «قازاقستان حالقى اسسامبلەياسىنا – 20 جىل» مەرەي­تويلىق مەدالدارىن جاننا اۋباكىروۆا مەن ۆەنەرا يسي­ناعا تابىستادى. ءوز سوزىندە ول: «مادەنيەت پەن ونەر ءبىزدى بىرىك­تىرەتىن كۇش. كيىم مەن حالىق ونەرى­ءنىڭ اسەمدىگى بىرلىك پەن بىرتەك­تىلىك فيلوسوفياسىنىڭ نەگىزى بولىپ تابىلادى»، – دەي كەلە، بار­شا قاتىسۋشىلارعا العى­سىن اي­تىپ، شىعارماشىلىق تابىس تىلەدى.

بىرەگەي جۇمىستار 12 اتالىم بويىنشا اتاپ كورسەتىلەدى. «ەتنو-FASHION» رەسپۋب­ليكا­لىق فەستيۆالىنىڭ «ۇلى دالا رۋحى» اتالىمىندا – و.تاڭسىق­بايەۆ اتىنداعى الماتى ساندىك-قول­دان­بالى ونەر كوللەدج ستۋدەنت­تەرى، «ەتنوستىق سارىندار» اتا­لىمىندا – «ادەمى» جانە «عا­جايىپ قالا» بالاباقشالارى، «فەستيۆال جاڭالىعى» اتالىمىندا – گۇلنار سماعۇلوۆا، «قحا دەپۋتاتتىق توبى اتىنان ار­نايى سىيلىق» اتالىمىندا – «رايسا» ءسان تەاترى، «ەتنو-ەرا­تو» بايقاۋى اتىنان ارنايى سىي­لىق» اتالىمىندا – ءاقمولدىر تۇر­عانبەك، «كورەرمەندەر كوزايى­مى» – ەكاتەرينا كيم، «ەتنو­ستيل» اتالىمى بويىنشا – زارينا جۇماعالييەۆا، «ۇلتتىق ءداستۇردى ساقتاعانى ءۇشىن» – انەل احمەتوۆا، «فەستيۆالدىڭ ەڭ جاس قاتىسۋشىسى» اتالىمىندا شولپان ءابدىقالىق جەڭىمپاز اتاندى.

ەڭ ۇزدىك شەبەرلەر ءماس­كەۋ قالاسىندا وتكىزىلەتىن حالىق­ارالىق «ەتنو-ەراتو» كونكۋرسى شەڭبەرىندەگى ۇلتتىق كيىمدەر فەستيۆالىنە قازاقستان اتىنان قاتىساتىن بولادى.

"قامشى"سىلتەيدى

دەرەككوز: ەگەمەن قازاقستان