ق ر پرەزيدەنتتىگىنە ەكس-كانديدات، «تابيعات» ەكولوگيالىق وداعىنىڭ جەتەكشىسى مەلس ەلەۋسىزوۆ سوزدەن ىسكە كوشپەك. وسىدان تۇپ-تۋرا ءبىر جىل بۇرىن مەملەكەتتىڭ ەكولوگيالىق ساياساتىن سىناپ، مۇنى جاساعانداردى ۇرى-قارىلار دەپ ششۋلاتقانى بار ( انىعىن ايتقاندا قاپپاروۆ مىرزا قوقىستى تازالاۋعا تىم كوپ قارجى جۇمساعانىن دالەلدەمەك بولعان). ءتىپتى وداق اتىنان پرەزيدەنتكە حات جولداماق-تا بولدى.
ەندى مىنە اراعا ءبىر جىل سالىپ مەلس مىرزا ەلەۋسىز قالمايمىن دەپ، ءوزى ءبىر توپ ازاماتتارمەن بىرىگىپ پارتيا قۇرماق نيەتى بار ەكەنىن جەتكىزىپ وتىر. بۇل ارەكەتى بيلىكتەگىلەردىڭ ەكولوگيا ماسەلەسىنە از نازار بولگەننەن كەيىن جاسالىپ وتىرعانىن جەتكىزدى.
مەلس مىرزا پارتياسىنىڭ پرەزيدەنت پەن ۇكىمەتكە قارسى ەمەس ەكەنىن، جانە ەشقانداي دا كوتەرىلىس جاساۋشى ءھام تەرروريستەر ەمەس ەكەنىن مالىمدەدى.
الايدا «تابيعات» ەكولوگويالىق وداعىنىڭ پارتياعا اينالۋى ءۇشىن كەمى قىرىق مىڭ قولداۋشى تابۋى ءتيىس. ونىڭ ۇستىنە قارجىلىق جاعدايى دا دۇرىس ەمەس. ال، ءدال ءقازىر مەلس مىرزانىڭ تاياۋدا ورتەنىپ كەتكەن كەڭسەسىن جوندەۋگە دە قارجىسى جوق بولىپ شىقتى. ەستەرىڭىزدە بولسا، وسىدان ءبىر جىل بۇرىن ول پرەزيدەنت سايلاۋىنا قاتىسىپ، اگيتاسيا جۇمىستارىنا اقشاسى جەتپەي كانديداتتىعىنان باس تارتقان بولاتىن. وسىنىڭ بارلىعىن ەسكەرە كەلە، ەلەۋسىزوۆ مىرزانىڭ ەلەۋسىز قالماۋى ءۇشىن جاسالعان تاعى ءبىر پيار ءجۇرىسى مە دەگەن دە وي كەلەدى.
پىكىر قالدىرۋ