كەيىنگى جىلدارى الەمدە بەلسەندىلىگى ارتىپ كەلە جاتقان ەكسترەميستىك توپتارعا قارسى كۇرەس ودان سايىن كۇشەيىپ كەلەدى. بەيرەسمي اقپاراتتارعا سۇيەنەتىن بولساق، ەكسترەميستەر ءوز باعىتتارىن اگيتاسيالاۋدا الەۋمەتتىك جەلىلەردى ءجيى قولدانادى ەكەن. بۇل تۋرالى بۇۇ كونتەرروريزم كوميتەتىنىڭ ءتوراعاسى جان-پول لابوردە مالىمدەپ وتىر.

الەۋمەتتىك جەلىلەردەگى اقپاراتتىق سوعىس بارىسىندا گۋگلدىڭ مەنشىگى بولىپ تابىلاتىن يۋ-تۋب جەلىسى كەيىنگى ەكى جىل ىشىندە 14 ميلليون ۆيدەونى جويعان. ولار ەكسترەميستەردى جاقسى ەتىپ كورسەتۋ، ەكسترەميزمدى قولداۋ، ەكسترەميستەردىڭ «كاپىرلەدى» جازالاۋىنا قاتىستى بەينەروليكتەردى ءوشىرىپ وتىرعان.

بۇل بەر جاعى، سونىمەن قاتار، الەۋمەتتىك جەلىلەردىڭ پاتشاسى سانالىتىن فەيسبۋك اپتاسىنا ءبىر ميلليون قاتەلىكتى تۇزەتىپ وتىراتىنىن جەتكىزىپ وتىر.

 بۇۇ الەمنىڭ 100 مەملەكەتىندە 30 مىڭعا جۋىق يگيل-دى قولداۋشىلار بار ەكەنىن انىقتاپ وتىر. لابوردە مىرزا: «بۇل بەلگىلى مەملەكەتتىڭ ەمەس، كۇللى الەمگە قاتىستى پروبلەما»،- دەدى ءوز سوزىندە.

سونىمسەن قاتار، يسلام مەملەكەتىن قولداۋشىلار تۆيتتەر جەلىسىندە دە 50 مىڭعا جۋىق جازبا جاساپ ۇلگەرگەن.

«قامشى » سىلتەيدى