الماتى قالاسىنىڭ تۇرعىنى سەرىك كەنجەبەكوۆ مىنانداي ارەكەتكە بارماقشى. ول ءوزىنىڭ ون ەكى مۇشەسىنىڭ ءبىرىن 50 مىڭ اقش دوللارىنا باعالاپ وتىر. تۇسكەن قارجاتقا الماتىدان ءبىر بولمەلى پاتەر الامىن دەيدى . قالعان اقشاسى ازدى-كوپتى ۋاقىتقا جەتۋى ءتيىس ەكەن. ارتىنشا اۋلا تازالاۋشى بولىپ جۇمىس ىستەسەم دە، ەشتەڭە ەتپەيدى دەيدى 22 جاستاعى قالا تۇرعىن.

            تەپسە تەمىر ۇزەر جاسىندا مۇنداي ارەكەتكە بارۋىنا باستى سەبەپ، ۇكىمەت پەن بيلىككە سەنىم جوقتىعى ەكەن. ايتا كەتەتىن ماڭىزدى جايت؛ سەرىك جەتىمدەر ءۇيىنىڭ تۇلەگى. ول تۋرالى «قامشى» پورتالى جازعان بولاتىن. كامەلەتتىك جاسقا تولعاننان كەيىن كوشەگە ءبىر، كوشەتكە ءبىر قونىپ ءجۇرىپتى. ول ۇيسىز-كۇيسىز بولۋدان جالىقتىم دەيدى.

            تىلشىلەرگە بەرگەن سۇحباتىندا سەرىك كەنجەبەكوۆ مەملەكەتتىڭ جىتىمدەرگە دەگەن كوز قاراسىن دا جاسىرماي ايتتى.

            «جەتىمدەرگە ءۇي بەرگەندى مەملەكەت باسشىلىعى پيار كورەدى. 30-40 جىل ءوز كەزەگىن كۇتكەن ادامدارعا ءۇي بەرۋدىڭ نەسى باقىت؟ ونىڭ جارتى ءومىرىن قانداي قينالىسپەن وتكىزگەنىنە كىم جاۋاپتى؟ ونىڭ ۇستىنە جەتىمدەر ءۇيىنىڭ تۇلەكتەرىنە دەگەن كوزقاراس تا ادام شوشىتادى. ناقۇرىسى- ءبىز، قىلمىسكەرى- ءبىزبىز بۇل ەلدىڭ»،- دەيدى سەرىك.