اعىمداعى جىلدىڭ 21 تامىزىندا امستەردام-پاريج پويىزىنداعى تەرروريستتى ۇستاپ، مەدالمەن ماراپاتتالعان سپەنسەر ستوۋن كەشە تۇندە كاليفورنياداعى ساكرامەنتو قالاسىندا پىشاقتالىپ، جارالانعان ەكەن. بۇل تۋرالى «قامشى» پورتالى euronews.com-عا سىلتەمە بەرە وتىرىپ حابارلايدى.
جاۋىنگەر ساكرامەنتو كوشەلەرىنىڭ بىرىندە ورنالاسقان بار ماڭايىندا بولعان توبەلەستىڭ قۇربانىنا اينالىپتى. ونى اۋىر جاراقاتقا جىققاندار تۋرالى اقپارات ءالى شىقپاعان كورىنەدى.
سپەنسەر قازىرگى ۋاقىتتا اۋرۋحانادا جاتىر، ءبىراق «قۇرمەتتى لەگيون» وردەنى يەگەرىنىڭ دەنساۋلىعىنا ءتونىپ تۇرعان ءقاۋىپ جوق دەپ سەندىردى جەرگىلىكتى دارىگەرلەر.
سپەنسەر ستوۋن اقش-تىڭ اسكەري اۋە كۇشتەرىندە اعا-سەرجانت دارەجەسىندە قىزمەت اتقارادى.
پىكىر قالدىرۋ