بۇۇ-نىڭ ارنايى ۋاكىلى ليۆياداعى كۇرەسۋشى ەكى جاق ۇلتتىق بىرلىك ۇكىمەتىن قۇرۋ جونىندە كەلىسسوزدەر جۇرگىزگەنى تۋرالى مالىمدەدى. بۇل جايىندا «قامشى» پورتالى bbc.com-عا سىلتەمە بەرە وتىرىپ حابارلايدى. بەرناردينو لەون بۇل كەلىسىمنىڭ سحيرات قالاسىنداعى باسپا ءسوز كونفەرەنسياسى بارىسىندا جاسالعانى تۋرالى ايتتى.
بۇل شەشىمگە كەلمەس بۇرىن داۋلاسۋشى ەكى جاق بىرنەشە اي بويىندا كەلىسسوزدەر جۇرگىزگەن بولاتىن. بۇگىندە ليۆياداعى بيلىككە ەكى ۇكىمەت تالاسۋدا: ءبىرى يسلاميستەردىڭ قولداۋىمەن جۇرگىزىلىپ وتىرعان تريپوليداعى ۇكىمەت، ەندى ءبىرى حالىقارالىق ۇيىمنىڭ قولداۋىمەن جۇرگىزىلىپ وتىرعان توبرۋكتاعى ۇكىمەت.
ماروككوداعى باسپا ءسوز كونفەرەنسياسىندا بەرناردينو لەون پرەمەر-مينيستر ورنىنا فايەز ساررادجدىڭ كانديداتۋراسى ۇسىنىلعانى جونىندە ايتقان بولاتىن. سونىمەن قاتار، ۆيسە-پرەمەرلەردىڭ ورنىنا كەلەتىن ازاماتتاردىڭ اتتارى بەلگىلى ەكەنى جاريا ەتىلدى.
«مەملەكەتتىڭ 150 وكىلىمەن ءبىر جىل بويى جالعاسقان كەلىسسوزدەردەن كەيىن، اقىرى ۇلتتىق بىرلىك ۇكىمەتىن قۇرۋدى ۇسىنا الاتىن ءسات تۋدى»، - دەپ ءبولىستى لەون مىرزا.
پىكىر قالدىرۋ