بيلىكتىڭ مالىمدەۋىنشە، نيگەريانىڭ وڭتۇستىگىندە ورنالاسقان كالابار قالاسىندا ەبولا بەزگەگىنىڭ بەلگىلەرى بايقالعان ەمدەلۋشىمەن 10 ادام قارىم-قاتىناسقا تۇسكەن كورىنەدى. ايماقتىق باق-تىڭ حابارلاۋىنشا، اتى اتالماعان ەمدەلۋشى وتكەن كۇندەرى كوز جۇمعان ەكەن. بۇل تۋرالى «قامشى» پورتالى bbc.com-عا سىلتەمە بەرە وتىرىپ حابارلايدى.
قازىرگى ۋاقىتتا ەبولانى جۇقتىردى دەگەن كۇدىكپەن 10 ادام دارىگەرلەردىڭ قاتال باقىلاۋىندا جاتىر.
جاقىندا عانا دەنساۋلىق ساقتاۋ الەمدىك ۇيىمى باتىس افريكادا ەبولاعا قاتىستى جاڭا جاعدايلاردىڭ ورىن الماعاندىعى جونىندە حابارلاعان بولاتىن. ايماقتاعى مۇنداي ەپيدەميولوگيالىق جاعداي 2014 جىلدىڭ ناۋرىزىنان باستاپ العاش رەت بايقالعان.
شىلدەنىڭ سوڭىندا ۇيىم ەبولاعا قارسى ۆاكسينانىڭ كلينيكالىق سىناقتاردان ءوتىپ، جوعارى ناتيجەلىلىكتى كورسەتكەنىن مالىمدەگەن بولاتىن.
ايتا كەتەيىك، ەبولا بەزگەگى باتىس افريكادا 2014 جىلدىڭ اقپان ايىنان باستاپ ەتەك جايدى. اتالمىش اۋرۋدان قاتتى زارداپ شەككەن مەملەكەتتەر قاتارىنا گۆينەيا، ليبەريا جانە سەررا-لەوندى جاتقىزۋعا بولادى.
«قامشى» پورتالى
پىكىر قالدىرۋ