كەشەگى كۇننىڭ وزىندە يزرايل مەن يوردان وزەنىنىڭ باتىستىق جاعالاۋىندا سۋىق قارۋ قولدانىسىنىڭ سالدارىنان 9 يزرايلدىق، 3 اراب جانە 1 ءباداۋي قازا تاپتى. بۇل تۋرالى «قامشى» پورتالى euronews.com-عا سىلتەمە بەرە وتىرىپ حابارلايدى.
ءيزرايلدىڭ وڭتۇستىگىندەگى ديمونا قالاسىندا 30 جاستاعى ەۆرەي ءۇش پالەستيندىق پەن ءبىر ءباداۋيدى پىشاقتاپ، جاراقاتتاعان. شابۋىل جاساعان ازامات پوليسيا قىزمەتكەرىمەن قۇرىقتالعان بولاتىن.
يوردان وزەنىنىڭ باتىس جاعالاۋىنداعى ەۆرەيلەردىڭ ەلدى مەكەنىندە پالەستيندىك ازامات پوليسيا قىزمەتكەرىن پىشاقتاعان. سالدارىنان، ونى پوليسيا قىزمەتكەرلەرى اتىپ ولتىرۋگە ءماجبۇر بولعان.
يەرۋساليمدە اراب ازاماتى پوليسيامەن قۇرىقتالماس بۇرىن 14-جاستاعى جەتكىنشەكتى پىشاقتاپ ۇلگەرگەن. بۇل جاعداي الدىڭعى جاعدايمەن ءبىر ۋاقىتتا بولعان.
پرەمەر-مينيستر بينيامين نەتانياگۋ ءيزرايلدى «زاڭ مەن ءتارتىپتىڭ مەملەكەتى» دەپ، اتالمىش توتەنشە جاعدايلارعا بايلانىستى ءمىن ايتتى.
پىكىر قالدىرۋ