ساپ!ساپ! «قامشى» كۇنى كەشە عانا «ۇلتتىق بانكتىڭ الدىندا ۇلارداي شۋلاپ حالىق جينالدى» دەگەن ماقالا جاريالاعان بولاتىن. ۇلارداي شۋلاعان حالىق ءوز قۇقىقتارىن اياق استى ەتپەۋدى تالاپ ەتكەن. الايدا بۇلاردى پوليسەي تارقاتىپ تىندى. سونىمەن قاتار، تىم بەلسەندى بەس ازامات وقيعا ورنىندا قۇرىقتالعان-دى.

            الماتىنىڭ اۋدانارالىق ارنايى اكىمشلىك سوتىنىڭ قاۋلىسى بويىنشا ىسقىرىعى جەر جارعان الگى بەس ازامات ايپپۇل تولەيتىن بولدى دەپ حابارلايدى «قامشى» پورتالى «توتال.kz»-كە سىلتەمە جاساي وتىرىپ.

            بەلسەندىلىگى ەلدەن ەرەك بولعان بەس ازامات اكىمشىلىك كودەكستىڭ 488ء-شى بابى بويىنشا، ياعني بەيبىت ميتينگ، جيىن، شەرۋ جاساۋ بارىسىندا زاڭ بۇزۋشىلىققا بايلانىستى جازاعا تارتىلعان.

            اتاپ كورسەتسەك، يسەنوۆا د.ا.-عا 99 100 تەڭگە، جاقىپوۆ ك.ك. ەسىمدى ازاماتقا 39 640 تەڭگە ايپپۇل سالىنعان. ال، باقبەرگەنوۆا س.س.، بەگيشيەۆو ۋ.ت. جانە ششيريايەۆا يۋ.پ.-عا ەسكەرتۋ جاسالعان.