نازاربايەۆ ۋنيۆەرسيتەتىنىڭ ستۋدەنتتەرى روبوتقا قازاق تىلىندە ولەڭ وقىتىپ، بي بيلەتەتىن باعدارلاما جاساپ شىعاردى.بۇل تۋرالى «قامشى» پورتالى «قازاقستان» ارناسىنا سىلتەمە جاساي وتىرىپ حابارلايدى. ناۋو ەسىمدى روبوت تاياۋدا ابايدىڭ 170 جىلدىعىنا وراي ۇيىمداستىرىلعان بايقاۋدا قازاقشا ولەڭدى وقىپ ەكىنشى ورىن العان. ستۋدەنتتەر بۇل باستامالارىن ەلدىڭ يننوۆاسيالىق العا ىلگەرىلەۋىنە قوسقان ءبىر ۇلەسىمىز  دەپ وتىر. روبوتتى قازاقشا سويلەتكەن ستۋدەنت  – جەڭىس  وتارباي. ول دوستارىمەن بىرگە   يرلانديادا وقىعان نازگۇل تاجىعالييەۆانىڭ جەتەكشىلىگىمەن ناۋوعا ارنالعان باعدارلامانى ازىرلەپ شىققان.

 ال انىعىندا، ناۋو – فرانسيانىڭ الدەباران كومپانياسىنىڭ ءونىمى.  ول ءدارى بەرۋ، ساباق وقىتۋ سەكىلدى  كىشىگىرىم قىزمەتتەر اتقارا الادى. ۋنيۆەرسيتەت ستۋدەنتتەرىنىڭ ىزدەنىسى ارقاسىندا ەندى بيلەيتىن  دە بولدى.