«يسلام مەملەكەتى» ەكسترەميستىك توبىنىڭ اقتىق كۇنى تاياعانعا ۇقسايدى. اۋەلدە رەسەيدىڭ، كەيىن فرانسيانىڭ اۋە كۇشتەرى شابۋىل جاسادى. سيريانىڭ دا اسكەرى ارەكەتىن قارقىنداتا ءتۇستى. ەندى مىنە يراكتىڭ دا قارۋلى كۇشتەرى بەلسەنە كىرىسىپ وتىر.
«قامشى» پورتالى ريا.رۋ-عا سىلتەي وتىرىپ حابارلايدى. يراك اۋە كۇشتەرى «يسلام مەملەكەتى» ليدەرلەرىنىڭ ءبىرى ءابۋ باكىر ءال-باعداتتىڭ كورتەجىنە سوققى جاساعان. يگيل باسشىسى قازا تاپقاندار قاتارىنان تابىلماعان. يراك ارميسىنىڭ مالىمەتىنشە ءابۋ باكىر اۋىر جاراقات العان بولۋ كەرەك. ءبىراق وپەراسيانى ءساتسىز دەۋگە كەلمەيدى. شابۋىل بارىسىندا يگيل-دىڭ ەكى بىردەي كومانديرى قازا تاپقان. ولار يگيل-دىڭ انبار پروۆينسياسىنداعى قارجىعا جاۋاپ بەرەتىن ومار ال-كۋبەيسي جانە يگيل باسشىلارىنىڭ قوزعالىس قاۋىپسىزدىگىنە جاۋاپتى ءابۋ سااد ال-كاربۋلي.
پىكىر قالدىرۋ