زامانىندا ءجۇز تۇرلەنىپ، مىڭ قۇبىلىپ تۇراتىن قوعامنىڭ دەرتى جەتىپ ارتىلادى. وعان سان قيلى دەرەكتەر كەلتىرۋگە بولادى. ءبىراق، سونىڭ ىشىندەگى ەڭ ءقاۋىپتىسى – قۇدايدىڭ كوبەيۋى. ول – قۇدايسىزدىقتان دا ءقاۋىپتى. نانىم مەن سەنىمنىڭ شەكاراسىنداعى ايقاس. اڭگىمەنىڭ ءالقيسساسىنا قاراي ويىسساق.

            ەل اراسىندا كەيىنگى كەزدەرى پاۆەل گلوبا دەگەن ازاماتتىڭ ەسىمى كەڭىنەن تارالىپ ءجۇر. رەسەيدەن كەلگەن استرولوگ-كورىپكەل ءسان-تۇرلى دۇنيەگە ءوز كوز-قاراسىن ءبىلدىرىپ، بال اشىپ ءجۇر. ءيا، ونىڭ ايتقاندارىنىڭ ءبىرازى دالمە-دال ءتۇسۋى دە تاڭ قالدىرماي قويماسى انىق. ءبىراق ءوز ەلىندە ابىرويى مەن داڭقى ارتىپ تۇرعان استرولوگ قازاقستانعا نەگە كەلدى؟ بۇل ءبىزدى دە تولعاندىرماي كەتپەدى.

            گلوبا گلوبالدى ماسەلەگە بال اشىپ، باعىن اشۋعا قۇمار استرولوگ. تاياۋدا عانا رەسەيدىڭ «لەتەر-نەدەليا» اقپاراتتىق بيۋروسىنا بەرگەن سۇقپاتىندا «قازاقستان ۇلى يمپەرياعا اينالادى» دەگەن ءسوزدى ايتقان بولاتىن. گلوبانى «گودات» ەتكەندەرىنىڭ 85 پايىزى ورىندالادى-مىس. البەتتە ءوزىنىڭ پايىمىنشا. ءبىراق بۇل پىكىردى وتكەن عاسىردىڭ ەڭ ۇلى كورىپكەلى ۆانگانىڭ ءوزى دە ايتتى ەمەس پە؟

            ماسەلە بۇندا دا ەمەس. ەلىڭ ۇلى بولادى دەپ، ەتەنە جاقىنداسىپ گلوبا نە ۇتپاق سوندا؟ اقشا؟ ونىڭ وتباسى ءقازىر گەرمانيادا تۇرادى. دەمەك رەسەيدە دە جاعدايى جامان ەمەس قوي. ونىڭ ۇستىنە استرولوگ-كەيىپكەر دەگەندەرىڭىز مۇسىلمانشا مەنتاليتەتتى ەلگە وتپەيتىن دۇنيە. سايكەسىنشە تابىستىڭ كوزى دە مۇندا ازداۋ بولاتىنى ءسوزسىز. دەمەك اقشا ماسەلەسى ەمەس. ال، ماقۇل ەڭ ۇلى يمپەريادا ءومىر سۇرگىسى كەلەدى دەلىك. ءبىراق نەگە گلوبا وتباسىمەن قازاقستانعا كوشىپ كەلمەيدى؟ بۇل نۇسقا دا كەلمەيدى. ءۇشىنشى نە بار؟ ارام وي؟ ۇلت اراسىنداعى نانىم-سەنىمدى الاستاتۋ. بىر-بىرىنە ايداپ سالۋ. نەپتۋن، پلۋتوندار سەندەرگە ءبولىنسىن دەپ جاتىر دەسە نە ىستەمەكپىز؟

            ءيا، ءقازىر بۇل دۇنيەلەر كۇلكىلى بولۋى مۇمكىن. ءبىراق ۋاقىت وتە كەلە گلوبانىڭ «گەنيالنىي» بولجامدارى ونىڭ ارتىنان ەرگەندەردىڭ قاراسىن قاپتاتپاسىنا كىم كەپىل؟ مەنمىن دەپ ءسىز ايتا الاسىز با؟ جوق.

            گلوبا كوكەمىزدىڭ كورىپكەلدىگى تۋرالى اقپارتتار ىزدەپ وتىرىپ قازاقستان مۇسىلماندار كەڭەسىنىڭ دەگەنىنە كوزىم ءتۇستى. كوزىم ءتۇستى دە قايران قالدىم. ويىمىزعا ءدوپ تۇسكەن ەكەن. «قامشى» پورتالى ۇيىمنىڭ باسپا ءسوز قىزمەتىنە سۇيەنە وتىرىپ مالىمدەيدى.

            قمك گلوبانى دەرەۋ قازاقستان تەرريتورياسىنان دەپورتاسيالاۋدى تالاپ ەتىپ وتىر. ولاي ەتپەگەن جاعدايدا جاعدايدىڭ قيىن بولاتىنىن دا جاسىرمايدى كەڭەس. سەبەبى جاعداي ءدال وسى باعىتتا جالعاسا بەرەتىن بولسا قازاقستاننىڭ ىشكى جانە سىرتقى ساياساتى شارلاتاندار مەن كورىپكەلدەردىڭ دەگەندەرى ارقىلى جۇزەگە اساتىن جاعدايعا جەتۋى مۇمكىن.

            سوندىقتان قازاقستان مۇسلماندارىنىڭ كەڭەسى پاۆەل گلوبانى دەرەۋ دەپورتاسيالاۋدى تالاپ ەتۋدە. قۇدايعا دەگەن سەنىممەن سان عاسىردان سۇرىنبەي وتكەن ەلگە نەپتۋن مەن يۋپيتەردىڭ قولداۋىنسىز قارىشتاۋعا ابدەن بولادى. گلوبا ەلدەن كەتسە گولاكتيكا قارعاماسى انىق. ەلدىگىمىزگە سەنەيىك. قامشى توبەدە ەمەس، قولدا ويناسىن ارداقتى اعايىن!

ايان مەيراش