ايدىن ايىمبەتوۆكە "حالىق قاھارمانى" اتاعى بەرىلدى. بۇل تۋرالى «قامشى» پورتالى اقورداعا سىلتەمە جاساي وتىرىپ حابارلايدى.
نۇرسۇلتان نازاربايەۆ قول قويعان قۇجات اقوردانىڭ رەسمي سايتىنا جاريالاندى. قاۋلىنىڭ ءماتىنى بىلاي : "عارىش كەڭىستىگىن يگەرۋگە سىڭىرگەن اسا زور ەڭبەگى، عارىشقا ۇشۋ كەزىندە كورسەتكەن باتىرلىعى مەن ەرلىگى ءۇشىن قازاقستان رەسپۋبليكاسىنىڭ عارىشكەرى ايدىن اقان ۇلى ايىمبەتوۆكە "حالىق قاھارمانى" اتاعى بەرىلىپ، ايرىقشا ەرەكشەلىك بەلگىسى - التىن جۇلدىز بەن "وتان" وردەنى تاپسىرىلسىن. وسى جارلىق قول قويىلعان كۇنىنەن باستاپ قولدانىسقا ەنگىزىلەدى".
ايىمبەتوۆكە "قازاقستاننىڭ عارىشكەر-ۇشقىشى" قۇرمەتتى اتاعى بەرىلگەندىگى تۋرالى دا اقوردانىڭ سايتى مالىمدەگەن.
پىكىر قالدىرۋ