رەسەي مەن اقش اراسىنداعى تۇسىنبەۋشىلىك ءتۇيىنىن تابار ەمەس. «ەكسپەريمەنت پوليگونىنا» اينالعان سيريا مەملەكەتىندەگى جانجالعا قاتىستى تاعى ءبىر شۋ شىعىپ وتىر. ماسكەۋ ەلدىڭ پرەمەر-مينيسترى مەدۆەديەۆتى اق ۇيگە جىبەرمەك بولعان. ماقسات- بىرەۋ. ماسكەۋ سيرياداعى قاقتىعىستا «يگيل»-گە قارسى كۇرەستە اقش-تان كومەك سۇرادى. الايدا اق ءۇيدىڭ باسپا ءسوز حاتشىسى دجوش ەرنەست ماسكەۋدىڭ بۇل قادامىن شاراسىزدىق دەپ اتاپ وتىر. سونىمەن قاتار، ولار دميتريي مەدۆەديەۆتى قابىلداۋدان باس تارتتى.
وسىعان وراي رەسەيلىك پرەمەر تۋعان كۇنى قارساڭىندا اق ءۇيدىڭ اۋلاسىنان قايتتى دەۋگە تولىق نەگىز بار.
ۆاشينگتون مەن ماسكەۋ سيريادا اۋە شابۋىلدارىن جاساپ جاتقاندىقتان ەكى ەل اسكەريلەرىنىڭ «ابايسىزدىقتان قاقتىعىسىپ قالۋىن بولدىرماۋ» تۋرالى كەلىسسوز جاساسىپ جاتقان. الايدى كەلىسسوزدى كەڭەيتۋگە اقش قارسى. سەبەبى ولار ماسكەۋدىڭ باشار اسادتى قولداعانىن قالاماي وتىر.
ماسكەۋدىڭ شاراسىزدىقتان مۇنداي قادامعا بارۋى كۇتىلگەن دۇنيە دەپ حابارلايدى ۆاشينگتون.
ماسكەۋ ءوز كەزەگىندە كەلىسسوزدەر مەجەسىنە جەتپەگەنىن «وكىنىشتى» دەپ باعالادى.
پىكىر قالدىرۋ