قازاننىڭ 13ء-شى جۇلدىزىندا فۋتبولدان قازاقستان ۇلتتىق قۇراماسى لاتۆيا قۇراماسىن سىرت الاڭدا تىزە بۇكتىرگەن بولاتىن. بۇل ويىن كراسنوجان كومانداسى ءۇشىن ەشقانداي ماڭىزعا يە ەمەس ەدى. بار بولعانى 5ء-شى ورىنعا تۇراقتاعانىمىز بولماسا. اقيقاتىنا كەلسەك، قازاقستان قۇراماسى بيىل وتە ءساتتى ويىن كورسەتتى. ازۋلى قارسىلاستاردىڭ بارلىعىنا تەگەۋرىندى قارسىلىق كورسەتە الدىق. بۇل تۋرالى «قامشى» پورتالى حابارلايدى.

            بيىلعى ماۋسىمدا ءبىزدىڭ قۇرامانىڭ قارقىنى ەۋروپانىڭ ءبىراز باسىلىمدارىندا جارىق كوردى. تەك قانا ماداقتار ەستىدىك. ەندى مىنە سوڭعى ويىن. بۇل ويىن تۇك تە شەشپەدى دەدىك. ءبىراق بۇل تەك قانا قازاقسان ءۇشىن. ال، جالپى ناتيجەدە ا توبىندا بۇل ءبىراز سەنساسيالاردىڭ باستاماسى بولدى.

            نەگە دەيسىز بە؟ سەبەبى وسى جەڭىسىمىز باۋىرلاس تۇركيا ەلىن ەۋروپا چەمپيوناتىنىڭ اقتىق سىنىنا تۋرا الىپ شىقتى. ال نەدەرلاندىقتار ءوز كەزەگىندە توپتان شىعا الماي قالدى. الەم چەمپيوناتىنىڭ قولا جۇلدەگەرلەرى ءۇشىن بۇل اۋىر سوققى بولعانى انىق ەدى. ال، تۇركيانىڭ ەڭ ۇلكەن باسىلىمدارى قازاقستان قۇراماسىمەن قازاق ەلىنە زور راحمەتتەرىن جەتكىزىپ الەك.

            ويىن بارىسىنا توقتالا كەتسەك. ەسەپ 0:1 قازاقستان قۇراماسىنىڭ جەڭىسىمەن تىندى. ءبىزدىڭ قۇراما بۇل كۇنى بارلىق جاعىنان بيىك تۇردى. وتكىر شابۋىل، تاس قامال قورعانىس... لاتۆيا قۇراماسىمەن ءبىز بۇعان دەيىن ءتورت ويىن وتكىزىپپىز. ەكەۋى تەڭ ناتيجە، ەكەۋى ءبىزدىڭ جەڭىلىسپەن اياقتالعان. وسىعان قاراعاندا قازاقستان لاتۆيانى جەڭەدى دەگەندەرگە ەشكىم سەنبەگەنگە ۇقسايدى. ۇمىتتەنگەدەرى بولماسا. ويىنداعى جالعىز گولدىڭ اۆتورى يسلامبەك قۋات. قۇرامانىڭ ەڭ ۇزدىك جارتىلاي قورعاۋشىلارىنىڭ ءبىرى. يسلامبەك ۇلتتىق قۇراما ساپىنداعى سوڭعى ەكى كەزدەسۋدە ەكى گول سالدى. استاناداعى ۇلكەن فۋتبول كەشىندە نەديرلانديا كۇراماسىنىڭ قاقپاسىن ءدال كوزدەگەن دە وسى يسلامبەك ەدى.

            تۇركيالىق ارىپتەستەرىمىز دە يسلامبەكتىڭ ويىنىن وتە جوعارى باعالاۋدا. الەۋمەتتىك جەلىلەردە دە ۇلتتىق قۇرامانىڭ جارتىلاي قورعاۋشىسىنا دەگەن قۇرمەت پەن سىي ءسات ساناپ ارتۋدا. ماسەلە تۇركيالىق ءبىر ازامات: «ەگەر جارىم ۇل تۋسا ەسىمىن يسلامبەك دەپ قويامىن»،- دەپ جازىپتى. جازبالاردىڭ ىشىندەگى ەڭ اسەرلىسى ءبىز ءۇشىن «ءبىر گول سالىپ 80 ميلليون باۋىر تاپتى» دەگەن پىكىر.

            تۇركياداعى سپورت جورنالشىسى احمەت تەكەن ءوز سوزىندە: «كۇللى قازاق باۋىرلارعا العىس ايتامىز. ويىندا ۇزدىك ويىن كورسەتكەن يسلامبەك قۋاتتى تۇركيانىڭ بەلدى كوماندالارىنىڭ ساپىنان كورگىمىز كەلەدى»،-دەدى. يسلابەكتىڭ كەلەسى ماۋسىمدى تۇركيادا جالعاستىرۋى مۇمكىن دەگەن اقپارات ءقازىر جان-جاقتى تالقىلانىپ جاتىر. ول «قايرات» ساپىنان اۋىسادى ما، جوق پا ول ۋاقىت ەنشىسىندە. ازىرگە ايتارىمىز وسى: جەڭىس قۇتتى بولسىن اعايىن! قامشىدان ءقادىر كەتپەسىن...

ايان مەيراش

«قامشى» سىلتەيدى.