رەسەي مەملەكەتتىك دۋماسىنىڭ باسشىسى پۋشكوۆ مىرزا اقش پەن رەسەي اراسىنداعى كەلىسىمنىڭ جۇزەگە اسپاي جاتقاندىعىن ءتۇسىندىرىپ كەتتى. بۇل  تۋرالى «قامشى» پورتالى پۋشكوۆتىڭ twitter جەلىسىندەگى پاراقشاسىنا سىلتەمە جاساي وتىرىپ حابارلايدى. ول اتالعان ماسەلەگە قاتىستى ويىن twitter پاراقاشاسىندا جاريالاعان. رەسەيلىك ساياساتكەردىڭ پايىمىنشا بۇل ساياسي كوزقاراستاردىڭ قايشىلىعىنان تۋىنداپ وتىر ەكەن. «رەسەيدىڭ ماقساتى- «يسلام مەملەكەتى» ،ال اقش-تىڭ ماقساتى -باشار ءال-اسادتىڭ تاقتان كەتۋى» - دەيدى ءوز پاراقشاسىندا  پۋشكوۆ مىرزا.

            اتالعان ماسەلە تۋرالى باراك وباما دا مالىمدەمە جاساعان بولاتىن. اتاپ ايتقاندا امەريكانىڭ باسشىسى رەسەيمەن كەلىسىم تەك اۋە كەڭىستىگىندەگى قاۋىپسىزدىك باعىتىندا عانا جۇزەگە اسقان.

            ەستەرىڭىزگە سالا كەتيىك رەسەي يم-نە قارسى اۋە سوققىلارىن 2015 جىلدىڭ 30 قىركۇيەگىنەن باستاپ جاساپ جاتىر. بۇگىنگە دەيىن 530 اۋە شابۋىلى ۇيىمداستىرىلعان. ناتيجەسىندە يم ءبىرشاما شىعىنعا ۇشىراپ، ءقازىر كەيىن شەگىنۋدە.

            سيريا مەملەكەتىندە ىشكى سوعىس 2011 جىلدان باستاپ جۇزەگە اسىپ كەلەدى. سونىڭ سالدارىنان  250 مىڭعا جۋىق ادام قازا تاپقان.