ق ر قارجى مينيسترلىگى مەملەكەتتىك كىرىس كوميتەتى كەدەندىك زاڭنامالاردى بۇزعانى ءۇشىن ۇستالىپ، ۋاقىتشا ساقتاۋ قويمالارىنا وتكىزىلگەن قىرعىزستاندىق كولىكتەرگە قاتىستى تۇسىنىك بەردى،-دەپ حابارلايدى «قامشى.kz» اقپراتتىق پورتالى.

مينيسترلىكتىڭ حابارلاۋىنشا قىرعىزستاننىڭ ەۋرازيالىق ەكونوميكالىق وداق كەلىسىمىنە قوسىلۋىنا بايلانىستى ول 2014 جىلعى 1 قاڭتارعا دەيىن ەلىمىزگە جەكە قولدانۋ ءۇشىن كىرگىزىلگەن كولىكتەر ەۋرازيالىق ەكونوميكالىق وداق تاۋارى دەپ تانىلىپ وتىر. سوعان بايلانىستى، بۇرىن ۇستالىپ، ۋاقىتشا ساقتاۋ قويمالارىنا جىبەرىلگەن كولىكتەردەن باقىلاۋ الىنىپ تاستالادى.

• ق ر سوت ورگاندارىنىڭ شەشىمدەرىن ورىنداماۋ فاكتىلەرى مەن پروسەسسۋالدى شەشىم شىعارىلماعان سوتقا دەيىنگى تەرگەۋ ماتەريالدارى بولماعان جاعدايدا ۇستالعان كولىكتەردى يەلەرىنە قايتارۋ زاڭعا قايشى كەلمەيدى، - دەلىنگەن مينيسترلىك تاراتقان مالىمدەمەدە.

سونىمەن، 2014 جىلدىڭ قاڭتارىنا دەيىن قىرعىزستاننىڭ ەلگە كىرگىزىلگەن كولىكتەردەن شەكتەۋ الىنىپ تاستالىپ وتىر. ال، قىرعىز كولىكتەرىن ەۋرازيالىق وداقتىڭ ءبىرىڭعاي كەدەندىك ءتاريفى بويىنشا، ياعني باج سالىعىنسىز ەلگە كىرگىزۋ تەك 2020 جىلدىڭ 1 قاڭتارىنان باستاپ مۇمكىن بولماق.