ساۋد ارابياسىندا ەر-رياد قالاسىنىڭ تۇرعىنى 58 جاسار ءۇي قىزمەتشىسىنىڭ قولىن شاۋىپ تاستاعان. بۇل تۋرالى «قامشى» اقپاراتتىق پورتالى حابارلايدى.
زارداپ شەككەن ءۇي قىزمەتشىسى كاستۋري مۋنيراتحينام ءۇندىستان ازاماتى ەكەن. ول قاتىگەز قوجايىنىنىڭ ۇيىندە بار-جوعى ءۇش اي عانا جۇمىس ىستەگەن. قوجايىنى وعان وتە قاتال قاراپ، ءتىپتى، تەلەفونمەن سويلەسۋگە، تاماق ىشۋگە شەكتەۋ قويعان. قاتىگەزدىككە شىداماعان قىزمەتشى قاشپاققا ارەكەتتەنگەندە ۇستالىپ، قولىنان ايىرىلىپ وتىر.
ءۇندىستان سىرتقى ىستەر مينيسترلىگى اتالعان وقيعا بويىنشا ساۋد ارابياسىنىڭ بيلىگىنە شاعىم جاسادى.
