تۇركىمەنستان مەملەكەتىنىڭ ءسىم قازاقستان رەسپۋبليكاسىنىڭ پرەزيدەنتى ن.ءا. نازاربايەۆتىڭ مالىمدەمەسىنە قاتىستى رەسمي تۇردە قارسىلىق ءبىلدىرىپ، تۇسىنىك بەرۋىن تالاپ ەتىپ وتىر. بۇل تۋرالى «قامشى» پورتالى 365.ينفوعا سىلتەمە جاساي وتىرىپ حابارلايدى.

            ناقتىلاي كەتەتىن بولساق،    تۇركىمەنستان ءسىم حابارلاماسىندا 2015 جىلدىڭ 15 قازانىندا استانا قالاسىندا وتكەن رەسەي مەن قازاقستان رەسپۋبليكاسىنىڭ پرەزيدەنتتەرى بريفينگىسىندە قازاقستاندىق تاراپتان ورتالىق ازيانىڭ قاۋىپسىزدىگى حاقىندا ءسوز قوزعالدى. بريفينگ بارىسىندا تۇركمەنستان شەكاراسىنىڭ بويىندا بولعان وقيعالار تۋرالى دا ايتىلدى.

            وسىعان قاتىستى تۇركىمەنستان جاعى ءوزىنىڭ نارازىلىعىن ءبىلدىرىپ وتىر. ولار مۇنداي وقيعانىڭ بولماعاندىعىن مالىمدەدى. سونىمەن قاتار، ءبىزدىڭ باۋىرلاس ەل تاراپىنان قازاقستان ەلىنىڭ بۇدان بىلاي تۇركىمەنستان ەلىنە قاتىستى مالىمدەمە جاساعاندا تياناقتى تەكسەرىلگەن مالىمدەمەلەرگە سۇيەنۋىن سۇرادى.

            ەستەرىڭىزگە سالا كەتەيىك، اتالعان مالىمدەمە قازاقستان تاراپىنان  اعىمداعى جىلدىڭ  قازانىندا رەسەي فەدەراسياسىنىڭ پرەزيدەنتى ۆ.ۆ. پۋتينمەن قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلىنىڭ بىرلەسكەن بريفينگىسىندە ايتىلعان بولاتىن.

            ءوز كەزەگىندە قازاقستاننىڭ  ءسىم تۇركىمەنستاندىق ارىپتەستەرىنە دا جاۋاپ قايتاردى. بەرىلگەن جاۋاپ ماتىنىندە قازاقستان ورتالىق ازيانىڭ قاۋىپسىزدىگىنە الاڭداۋشىلىق بىلدىرەتىنىن مالىمدەگەن. سونىمەن قاتار، قازاقستان ەكى ەل اراسىنداعى تاتۋلىقتى ساقتاۋعا مۇددەلى ەكەنىن جەتكىزدى.

«قامشى» سىلتەيدى