قازاقستان ەكونوميكانىڭ قۇلدىراۋىنا اسەر ەتەتىن سىرتقى فاكتورلارعا قاراماستان، جۇرگىزىپ وتىرعان ينستيتۋتتىق رەفورمالار مەن قۋاتتى ماكروەكونوميكا­لىق ساياساتتىڭ ارقاسىندا جاھاندىق باسەكەگە قابىلەتتىلىك رەيتينگىندە 42ء-شى ورىنعا قول جەتكىزدى. كەشە پرەزيدەنت جانىنداعى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا «نازاربايەۆ ۋنيۆەرسيتەتتىڭ» پرەزيدەنتى شيگەو كاتسۋ وسىلاي دەپ مالىمدەدى.
«جاھاندىق باسەكەگە قا­ءبى­لەتتىلىك رەيتينگىندە قازاق­ستان­نىڭ 42ء-شى ورىنعا كوتەرى­لۋىمەن قۇتتىقتايمىن. بۇل ۇلكەن جەتىستىك. 2008 جىلعى داع­دارىستان كەيىن قيىن كەزەڭ بولدى. ال قازىرگى تاڭدا ساياسي باستامالاردىڭ ارقاسىندا ءبىراز كورسەتكىشتەر بويىنشا ىلگەرىلەۋشىلىككە قول جەتكىزىلدى. قازاق­ستاننىڭ دامۋى مەن باسە­كەگە قابىلەتتىلىگىن ارتتىرۋدا ەلدىڭ ماكروەكونوميكالىق سايا­ساتىنىڭ ءاردايىم قۋاتتى بولۋى نەگىزگى ءرول اتقاردى»، دەدى «نا­زاربايەۆ ۋنيۆەرسيتەتتىڭ» پرە­زيدەنتى.
سونىمەن قاتار، شيگەو كات­سۋ قازاقستاندى جاھاندىق باسەكەگە قابىلەتتىلىك رەيتينگىندە ودان ءارى ىلگەرىلەتۋدە ەلباسىنىڭ ۇسىنعان بەس ينستيتۋتتىق رەفورماسى مەن ونى جۇزەگە اسىرۋ بويىنشا قابىلدانعان ۇلت جوس­پارىنداعى «100 ناقتى قادام­نىڭ» ماڭىزدىلىعىن اتاپ ءوتتى.
«قازىرگى تاڭدا ەكونوميكانىڭ دامۋىنا كەرى اسەرىن تيگىزەتىن سىرتقى فاكتورلار جەتەرلىك. وڭىردەگى تۇراقسىزدىق، تاياۋ شى­عىستاعى قاقتىعىستار مەن الەمدى جايلاپ بارا جاتقان داعدارىس كەزىندە ۇسىنىلعان بۇل رەفورمالار ەل الدىندا تۇرعان وتكىر ءارى ماڭىزدى ماسەلەلەردى شەشۋگە باعىتتالعان. وسى باستامالارعا ۇلكەن ءمان بەرىپ، ونى جۇزەگە اسىرۋعا بارلىعىمىز اتسالىسۋى­مىز قاجەت»، دەدى ول.
ەستەرىڭىزگە سالا كەتسەك، ءدۇ­نيەجۇزىلىك ەكونوميكالىق فورۋم 2015-2016 جىلدارعا ارنالعان جاھاندىق باسەكەگە قابىلەتتىلىك جونىندەگى ەسەبىن جاريالاعان بولاتىن. وعان سايكەس، قازاقستان الەمنىڭ 140 ەلى اراسىندا 42-ورىندى يەلەنىپ، وتكەن جىلمەن سالىستىرعاندا سەگىز ساتىعا جوعارىلادى.
اتالعان رەيتينگ بويىن­شا، بيىل ەلىمىز يتاليا مەن پولشانىڭ ورتاسىنا جاي­عاستى. ءسويتىپ، رەسەي، لاتۆيا، فيل­يپپين جانە تۇركيا سىندى ەل­دەردى ارتتا قالدىردى. ال ءبىرىنشى ورىنعا وسىمەن جەتى جىل قاتارىنان شۆەيساريا يە بولىپ وتىر. ەكىنشى ورىندى سينگاپۋر ساقتاپ قالدى. اقش ءۇشىنشى ورىن­عا ورنىقسا، گەرمانيا بەسىن­ءشى ساتىدان تورتىنشىگە كوتە­ءرىلدى. ال نيدەرلاند بەسىنشى ورىندى يەلەندى.
ايتا كەتەيىك، بۇل رەيتينگتە 2013 جانە 2014 جىلداردىڭ ناتيجەلەرى بويىنشا قازاقستان ەكى جىل قاتارىنان 50-ورىنعا تۇراقتاعان بولاتىن. جاھاندىق باسەكەگە قابىلەتتىلىك رەيتينگى ينفراقۇرىلىم، ماكروەكونوميكا، دەنساۋلىق ساقتاۋ، يننوۆاسيا سىندى سالالاردى قامتىعان 110-نان اسا كورسەتكىش نەگىزىندە جاسالادى.

"قامشى "سىلتەيدى

دەرەككوز: "ەگەمەن قازاقستان"