پارلامەنت سەناتى ەكونوميكا جانە قارجى كوميتەتىنىڭ كەڭەيتىلگەن وتىرىسىندا «مەملەكەتتىك اۋديت جانە قارجىلىق باقىلاۋ تۋرالى» زاڭ جوباسى قارالدى، دەپ حابارلادى وسى پالاتانىڭ باسپا ءسوز قىزمەتى.

زاڭ جوباسى مەملەكەت باسشىسىنىڭ بەس ينستيتۋتتىق رەفورماسىن ىسكە اسىرۋ جونىندەگى 100 ناقتى قادام – ۇلت جوسپارىن ورىنداۋ اياسىندا ازىرلەنگەن بولاتىن.

ۇلت جوسپارىنىڭ «ءاۋديتتىڭ جاڭا جۇيە­ءسىن ەنگىزۋ جانە مەملەكەتتىك اپپا­راتتىڭ جۇمىسىن باعالاۋ» جونىندەگى 93-قا­دامىنا سايكەس، اۋديت جۇيەسىن جاڭعىرتۋ «ەسەپ كوميتەتى ءبىرىنشى سىنىپتى الەمدىك اۋدي­تورلىق كومپانيالار ۇلگىسىمەن جۇمىس ىستەيتىن بولادى جانە اعىمداعى وپەرا­سيا­لىق باقىلاۋدان شىعارىلۋىن» كوزدەيدى.

قابىلداناتىن زاڭنىڭ ەرەجەلەرى ءاۋديتتى حالىقارالىق ستاندارتتارعا كوشىرۋدى قاراستىرادى. قۇجات رەسپۋبليكالىق بيۋد­جەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ وكىلەتتىگىن كەڭەيتەدى. اتاپ ايتقاندا، ەسەپ كوميتەتى رەسپۋبليكالىق بيۋد­جەت جوباسىن الدىن الا باعالاۋ، جي­ناقتالعان قارجىلىق ەسەپ بەرۋدىڭ (رەسپۋب­ليكا دەڭگەيىندە) جىل سايىنعى ءاۋديتىن ىسكە اسىرۋ، مەملەكەتتىك قارىزدى قالىپتاستىرۋ جانە باسقارۋ، ەلىمىزدىڭ ۇلتتىق بانكىنىڭ ءاۋديتى سەكىلدى جاڭا مىندەتتەرگە يە بولادى.

ەسەپ كوميتەتىنە، سونداي-اق، قارجى-ەكو­نوميكا سالاسىنداعى ۇلتتىق ءقاۋىپ­سىزدىكتى انىقتاۋ، تالداۋ، باعالاۋ جانە بولجاۋ جونىندەگى وكىلەتتىكتەر دە بەرىلەدى.

جوبا مەملەكەتتىك اۋديت جانە قارجىلىق باقىلاۋ سالاسىنداعى ۇكىمەتتىڭ قۇزىرەتىن بەلگىلەيدى. مەملەكەتتىك اۋديت جانە قارجىلىق باقىلاۋدىڭ ءبىرىڭعاي دەرەكتەر بازاسىن قۇرۋ كوزدەلىپ وتىر، ول ۋاكىلەتتى ورگانداردىڭ ءوزارا ءىس-قيمىلىن جاقسارتادى جانە تەكسەرۋلەردى ازايتادى.

كەيىننەن اتتەستاسيالاۋدان وتە­ءتىن مەملەكەتتىك اۋديتورلاردى سەرتي­في­كات­تاۋ­دىڭ تاۋەلسىز جۇيەسىن ەنگىزۋ قاراس­تىرىلۋدا.

سونداي-اق، «قازاقستان رەسپۋب­لي­كاسىنىڭ كەيبىر زاڭنامالىق اكتىلەرىنە مەملەكەتتىك اۋديت جانە قارجىلىق باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى دا قارالدى. زاڭ جو­باسى مەملەكەتتىك بيۋدجەت قارجىسىن پاي­دالانۋ بارىسىندا اكىمشىلىك قۇقىق بۇزۋ­شى­لىق ورىن العان جاعدايدا مەم­لە­كەت­تىك اۋ­ديت جانە قارجىلىق باقىلاۋ ورگان­دارى­نا ارەكەت ەتۋ سالاسىنا وكىلەتتىكتەر بەرەدى.

«مەملەكەتتىك اۋديت جانە قارجىلىق با­قىلاۋ تۋرالى» جاڭا زاڭ ازىرلەنۋىنە باي­لانىستى مەملەكەتتىك قارجى باقىلاۋ ماسەلەلەرىن رەتتەيتىن ءبىرقاتار زاڭنامالىق اكتىلەرگە وزگەرىستەر ەنگىزىلەدى. پارلامەنتتە ەسەپ كوميتەتىنىڭ قۇقىقتارىن جۇزەگە اسىرۋعا باعىتتالعان ەرەجەلەر بەلگىلەنەدى.

زاڭ جوبالارى پالاتانىڭ قاراۋىنا جىبەرىلدى.

دەرككوز: ەگەمەن قازاقستان