«دامۋ» كاسىپكەرلىكتى دامىتۋ قورى» اق ماڭعىستاۋ وبلىسىنداعى ايماقتىق فيليالى «جۇلدىزدارعا قارا» جوباسىنىڭ جەڭىمپازدارىن سالتاناتتى تۇردە ماراپاتتادى.
جوبا اياسىندا مۇمكىندىگى شەكتەۋلى ءۇش كاسىپكەر وزدەرىنىڭ بيزنەس جوسپارلارىن جۇزەگە اسىرۋعا گرانتتىق كومەك ۇتىپ الدى. 
– ەلىمىزدە «قۇس جولى» قورىنىڭ «جۇلدىزدارعا قارا» جوباسى قازكوممەرسبانكتىڭ قولداۋىمەن 2005 جىلدان بەرى جۇزەگە اسىپ كەلەدى. «قۇس جولى» مەن «دامۋ» قورى بىرلەسىپ، جىل سايىنعى وتكىزەتىن قا-يىرىمدىلىق كونكۋرسىنىڭ ءبىرىنشى كەزەڭى بۇگىن قورىتىندىلانىپ وتىر. بۇل جوبا بەلسەندى ومىرلىك پوزيسياسى بار مۇمكىندىكتەرى شەكتەۋلى ادامداردى قولداۋعا باعىتتالعان. جوباعا قاتىسۋشى كاسىپكەرلەرگە تەگىن، قايتارىمسىز نەگىزدە گرانتتار بەرىلەدى. وتكەن جىلى جوبا اياسىندا 2 كاسىپكەرگە كومەك كورسەتىلدى. بيىل ماڭعىستاۋ وبلىسى بويىنشا 5 گرانت قاراستىرىلعان، ءاربىر گرانتتىڭ قۇنى – 100 مىڭ تەڭگەدەن باستاپ 300 مىڭ تەڭگەگە دەيىن. سوندىقتان دا ءبىز بۇل جولى كەلىپ تۇسكەن وتىنىشتەردى قاراپ، جوبانىڭ ءبىرىنشى كەزەڭى بويىنشا 
3 كاسىپكەردى ۇزدىك دەپ تانىدىق. جوبانىڭ ەكىنشى كەزەڭىنە ءوتىنىش قابىلداۋ اعىمداعى جىلدىڭ 1 قىركۇيەگىنەن 9 قازانىنا دەيىنگى ارا¬لىقتا جۇرگىزىلەتىن بولادى. جوباعا مۇگەدەكتىك توبى بەرىلگەن، جەكە كاسىپكەرلىكپەن اينالىساتىن نەمەسە كاسىبىن جاڭادان باستاعان ەلى¬ءمىزدىڭ كامەلەتتىك جاسقا تولعان ازاماتتارى قاتىسا الادى، – دەيدى «دامۋ» كاسىپكەرلىكتى دامىتۋ قورى ماڭعىستاۋ وبلىسىنداعى ايماق¬-تىق فيليالىنىڭ ديرەكتورى بەرىك نۇرعالييەۆ. 
بيىلعى جىلى «جۇلدىزدارعا قارا» جوباسىنىڭ ءبىرىنشى كەزەڭىنە مۇمكىندىگى شەكتەۋلى 7 كاسىپكەر قاتىسقان. ارنايى قۇرىلعان قازىلار القاسى ولاردىڭ اراسىنان ۇشەۋىن جەڭىمپاز دەپ تانىپ، گرانتتى تابىستادى. ولاردىڭ اراسىندا قاراقيا اۋدانىنىڭ تۇرعىنى، ءۇشىنشى توپتاعى مۇگەدەك قونىسباي تىلەۋوۆ تا بار. ول بۇگىندە اۋىل جاستارىن قازاقشا كۇرەستەن جاتتىقتىرىپ، چەمپيونداردى دايىنداپ ءجۇر. ودان بولەك 2002 جىلى مۇمكىندىگى شەكتەۋلى جاندارعا ارنالعان «جىگەر» كلۋبىن قۇرىپ، تاعدىر تالكەگىنە تۇسكەن تالاي جانعا قولداۋ كورسەتۋدى قولعا العان. كاسىپكەر بولاشاقتا مۇمكىندىگى شەكتەۋلى جاندارعا ار¬نالعان ارنايى سپورت مەكتەبىن اشىپ، كاسىبىن وركەندەتكىسى كەلەدى. جوبا اياسىندا كاسىپكەرگە ۆەلوترەناجەر سىيعا بەرىلدى.
– مەن مۇمكىندىگى شەكتەۋلى، الايدا ەرتەڭگى كۇنگە دەگەن سەنىمى مول، جىگەرى مىقتى 20 جاستى سپورتقا تاربيەلەپ ءجۇرمىن. ولاردىڭ اراسىندا قۇلاعى ەستىمەيتىن، كوز جانارىنان ايىرىلعان، اياعى، قولىنان جارا¬قاتتانعان جاندار بار. ولاردىڭ جەتىستىكتەرىنە توقتالار بولسام، جا¬قىندا پاۆلوداردا وتكەن پاراوليمپيدالىق ويىنداردا جۇگىرۋدەن قاراقيالىق نۇرگەلدى اعييەۆ 3-ورىندى يەلەنىپ كەلدى. ودان بولەك 
دۋلات مۇسابايەۆ، يسلام ساندىبايەۆ، ساعىن بۋكەنوۆتار ستول تەنيسسى، جەڭىل اتلەتيكادان وتكەن جارىستارعا قاتىسىپ، جەڭىمپاز اتانىپ ءجۇر. قازىرگى تاڭدا مۇمكىندىگى شەكتەۋلى جاندار اۋىلداعى سپورت مەكتەبىنىڭ جانىنان بەرىلگەن زالداردا جاتتىعادى. بۇگىنگى جوبا اياسىندا سپورت زالىمىزعا ۆەلوترەناجەر سىيعا بەرىلدى، وتە قۋانىشتىمىز،– دەيدى ءۇشىنشى توپتاعى مۇگەدەك قونىسباي تىلەۋوۆ.
1999 جىلدان بەرى تىگىن تىگىپ، ارنايى تاپسىرىستار قابىلداۋدى قولعا العان قارلىعا قۇدايبەرگەنوۆا دا جوبا اياسىندا جەڭىمپاز اتانعانىنا ءدان ريزا. كاسىپكەردىڭ تىگىن شەبەرحاناسىنا گرانت قارا¬جاتى ەسەبىنەن وۆەرلوك ماشيناسىنا تابىستالدى. ەكىنشى توپتاعى مۇمكىندىگى شەكتەۋلى كاسىپكەر مۇنايلى اۋدانى، باسقۇدىق اۋىلىندا تۇرادى. ەندىگى كەزەكتە كاسىپكەر تاپسىرىستار بويىنشا الۋان ءتۇرلى ويۋ-ورنەكپەن بۇيىمدار تىگىپ، جۇمىسشىلارىنىڭ قاتارىن تولىق¬تىر¬ماقشى.
جوبانىڭ تاعى ءبىر جەڭىمپازى – فورت-شيەۆچەنكو قالاسىنىڭ تۇرعىنى، ءۇشىنشى توپتاعى مۇگەدەك ايبەك بەردىعۇلوۆ. ايبەك – گرانت قاراجاتى ارقىلى الىنعان نوۋتبۋك جانە كوپفۋنكسيونالدى پرين¬تەرمەن حالىققا كومپيۋتەرلىك قىزمەت تۇرلەرىن ۇسىنۋدى جوسپارلاپ وتىر. سونىمەن قاتار قوسىمشا تابىس رەتىندە كەڭسە تاۋارلارىن ساتۋدى دا قولعا الماقشى. 

دەرەككوز: ايقىن-اقپارات