تاپانشا تاسىعان جىگىت تاكسيدە كەتىپ بارا جاتىپ پوليسيانىڭ نازارىنا ىلىگىپ قالعان،-دەپ حابارلايدى «قامشى» اقپاراتتىق پورتالى الماتى قالاسى ءىىد-ى باسپا ءسوز قىزمەتىنە سىلتەمە جاساپ. 

پوليسيا جاساعى الماتىداعى اباي داڭعىلى مەن روزىباكييەۆ كوشەسىنىڭ قيىلىسىندا «دەۋ-نەكسيا» ماركالى اۆتوكولىكتى توقتاتىپ، قۇجات تەكسەرۋ كەزىندە ونىڭ جولاۋشىسى سەبەپسىز مازاسىزدانىپ وتىرعانىن پوليسەيلەر بايقاپ قالادى. تەكسەرۋ كەزىندە ماشينا سالونىنىڭ ىشىندە، جولاۋشىنىڭ اياعىنىڭ استىنان جاۋىنگەرلىك اتىس قارۋى رەتىندە وزگەرتىلگەن تراۆماتيكالىق تاپانشا تابىلدى. تاعى وسىنداي ءبىر قارۋ كۇدىكتىنىڭ شالبارىنىڭ بالاعىنان 6 بىردەي پاترونىمەن شىققان.

ءوز سوزىندە كۇدىكتى قارۋدى تاۋىپ العانىن، ءتىپتى، پوليسياعا وتكىزەم دەگەن ويمەن جۇرگەنىن ايتىپ اقتالدى. ماسەلەنىڭ ءمان-جايى تەرگەۋ بارىسىندا انىقتالاتىن بولادى، - دەلىنگەن باسپا ءسوز قىزمەتى تاراتقان  حابارلامادا.

سونىمەن قاتار، تەرگەۋ كەزىندەگى سوت-بالليستيكالىق ساراپتاما قارۋدىڭ كىمگە تيەسىلى ەكەندىگىن جانە قانداي دا ءبىر قىلمىستارعا قاتىستىلىعىن دا انىقتايتىن بولادى.