ۇكىمەت باسشىسى كارلوس ماسون ايماقتاردا ىزدەۋ-قۇتقارۋ جۇمىسى ءالى ءجۇرىپ جاتقانىن ايتادى. سوندىقتان قۇرباندار قاتارى ءالى ءوسۋى مۇمكىن.
وپات بولعانداردىڭ 82ء-سى ۆالەنسيا پروۆينسياسىنىڭ تۇرعىندارى. جوعالعاندار دا وتە كوپ. تەلە جانە راديو ستانسالارعا سىرت الەمنەن وقشاۋلانىپ قالعان جۇزدەگەن تۇرعىن حابارلاسىپ جاتىر. قۇتقارۋ وپەراسياسىنا مىڭنان استام سارباز بەن تىكۇشاق تارتىلدى. ونداعان مىڭ ادام جارىقسىز وتىر.
مەتەورولگتار جاۋىن-شاشىن بۇگىن دە جالعاسادى دەپ ەسكەرتتى. يسپانيا پاتشاسى جاقىنىنان ايىرىلعاندارعا كوڭىل ايتتى.
قايعىلى وقيعاعا بايلانىستى جاقىنىن جوعالتقان بارلىق وتباسىلارعا كوڭىل ايتامىز. كوپتەگەن مۇلىك قيرادى. كەيبىر ايماقتارعا ءالى جەتە الماي جاتىرمىز. سوندىقتان الاپات تاسقىننىڭ زاردابىن ءالى تولىق بىلمەيمىز. پرەمەر-مينيستر جانە بارلىق ايماق باسشىلارىمەن بايلانىستامىن. بارلىق شارالاردى جاساپ جاتىرمىز، - دەدى يسپانيا پاتشاسى فيليپپ VI.
پىكىر قالدىرۋ