جىل سايىن شامامەن 4،5 ميلليون بالا پروفيلاكتيكالىق تەكسەرىستەن ءوتىپ، انىقتالعان اۋرۋلارى بويىنشا ەسەپكە الىنادى. 9 ايدا 3،8 ميلليون بالا قامتىلدى.

بالالار مۇگەدەكتىگىنىڭ الدىن الۋ ماقساتىندا مساك ۇيىمدارىندا 1500 "بالا جەتىلدىرۋ كابينەتى" جانە بوساندىرۋ ۇيىمدارىندا 50 "جاڭا تۋعان نارەستەلەردى باقىلاۋ جۇرگىزۋ" كابينەتى جۇمىس ىستەيدى.

2022 جىلدان باستاپ قۇرساقىشىلىك پاتولوگيانى ەرتە انىقتاۋ ماقساتىندا 20 "جۇكتىلىكتى ساقتاۋ ورتالىعى" جۇمىس ىستەيدى. العاش رەت ەلىمىزدە 11 قۇرساق ىشىلىك وتا ءساتتى جۇرگىزىلدى.

گەنەتيكالىق اۋرۋلار مەن تۋا بىتكەن اقاۋلاردى ەرتە انىقتاۋدىڭ قولجەتىمدىلىگىن جاقسارتۋ ءۇشىن 1 ناۋرىزدان باستاپ 10 وڭىردە پەريناتالدى ورتالىقتاردا تەكسەرۋ بولىمشەلەرى اشىلدى. وسى ۋاقىتقا دەيىن 23 مىڭنان استام ايەل تەكسەرىلىپ، 201 ايەلدە (1،3%) ومىرگە سايكەس كەلمەيتىن پاتولوگياسى بار بالانىڭ تۋىلۋى الدىن الىندى.