ۇلتتىق بانكتىڭ ءتوراعاسى قايرات كەلىمبەتوۆ الداعى ۇش-بەس ايدا ۆاليۋتالىق باعامنىڭ تۇراقتالاتىنىن ايتتى. بۇل تۋرالى «قامشى» پورتالى  كتك تەلەارناسىنا سىلتەمە جاساي وتىرىپ حابارلايدى. سونىمەن قاتار، ول قازاقستاندىق بانكتەردى ماس جۇرگىزۋشىلەرمەن سالىستىرىپ، ەكونوميكانىڭ كازينوداعى ويىن ەمەس ەكەندىگىن ەسكە سالدى.

ۇلتتىق بانكتىڭ بولجامىنشا، الداعى جىلى دوللار باعامى 250-270 تەڭگە ارالىعىندا بولادى. كەلىمبەتوۆ بۇگىنگى كۋرستى دا تۇراقتى دەپ ەسەپتەيدى.  باس بانكير قازاقستاندىقتاردى ۇلتتىق ۆاليۋتاعا سەنۋگە شاقىردى.

سونىمەن قاتار، كەلىمبەتوۆتىڭ ويىنشا، ەلىمىز ەركىن اۋىتقۋ باعامىنا دەر كەزىندە وتكەن. ول كەي بانكتەردىڭ جاڭا ەكونوميكالىق ساياساتتى قاتە قابىلداعانىن جەتكىزدى.

"دوللار باعامى 300 تەڭگە بولعاندا ءبىز ارالاسۋ كەرەگىن تۇسىندىك. بۇل ءبىزدىڭ مىندەتىمىز. بۇل ساعاتىنا 200 شاقىرىم جىلدامدىقپەن كەلە جاتقان جۇرگىزۋشىنى كورگەن پوليسەي سياقتى. ءبىز وسى جول قوزعالىسىنىڭ باستى رەتتەۋشىسىمىز. بۇلاي ەتۋگە ءبىزدىڭ قۇقىعىمىز بار"، - دەدى كەلىمبەتوۆ.