1 قاراشادان باستاپ الماتىدا جول بويىنداعى اۆتوتۇراقتار تەگىن بولماق. بۇل تۋرالى «قامشى» پورتالى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.

مۇنداي شەشىم الماتى اكىمدىگىندە قالاداعى اۆتوتۇراق ينفراقۇرىلىمىن دامىتۋ ماسەلەلەرىن قاراستىرعان جيىندا قابىلدانعان. بۇعان تروتۋار تيپتەس تۇراقتاردى پايدالانۋشى كاسىپورىننىڭ كەلىسىم-شارت تالاپتارىن ورىنداماۋى جانە ءبىرقاتار سالىقتىق زاڭنامالار تالاپتارىنىڭ بۇزۋىلۋى سەبەپ بولعان.

اكىمدىك كەلەسى جىلى اقىلى اۆتوتۇراقتاردىڭ ءبىرىڭعاي جۇيەسىن ەنگىزبەكشى. سوندىقتان، 2016 جىلدىڭ 1 مامىرىنا دەيىن، ياعني جاڭا جۇيە ەنگەنشە الماتىلىقتار جول بويىنداعى تۇراقتاردى تەگىن پايدالاناتىن بولادى.

سونداي-اق، اكىمدىكتەگىلەر 1 قاراششادان باستاپ تۇراقتارعا اقشا تالاپ ەتۋ دەرەكتەرى بويىنشا «109» قىزمەتىنىڭ سەنىم تەلەفونىنا حابارلاۋدى سۇرايدى. ءبىراق، اتالعان تىيىمنىڭ ساۋدا ورتالىقتارى، اۋەجاي، ۆوكزال ماڭىنداعى، تاعى باسقا جەكە مەنشىك نىسان اۋماعىنداعى اۆتوتۇراقتارعا قاتىسى جوق ەكەنىن ەسكە سالامىز.