– نۇرلىبەك ماشبەك ۇلى، سىر ەلىنىڭ جۇرەگى دەپ ماقتانىشپەن اتالىپ جۇرگەن قىزىلوردا شاھارىندا بۇگىن تاڭدا ات­قارىلىپ جاتقان جۇمىستاردى ءوزىڭىز­دەن ەستىگىم كەلەدى.
– قالا وبلىس ەكونوميكاسىنىڭ بارلىق سالاسىنداعى ورەلى ءوز­گەرىستەردىڭ الدىڭعى شەبىنەن كورىنىپ، ءوڭىردىڭ قالعان اۋماقتارىنىڭ دامۋىنا جاڭا سەرپىنىمەن، جاڭاشىل باس­تامالارىمەن ۇلگى كورسەتتى.بيلىك پەن بۇقارانىڭ بەرەكەلى بىرلىگىنىڭ، ەل مۇددەسى ءۇشىن قىزمەت ەتىپ وتىرعان ءاربىر سالانىڭ تىنىمدى تىرلىگىنىڭ ارقاسىندا قالا قازىناسى مولايىپ كەلەدى. ونەركاسىپ كاسىپورىندارىندا وتكەن جىلى 1 ترلن 45 ملرد 478 ملن تەڭگەنىڭ ءونىمى ءوندىرىلدى. 
وبلىستا وندىرىلگەن ءونىمنىڭ 92 پايىزى، سالىنعان قۇرىلىس نىساندا­رىنىڭ 50 پايىزى قىزىلوردا قالا­سىنىڭ ۇلەسىنە ءتيدى. وڭدەۋ ونەركاسىبىنىڭ ءونىم كولەمى 31 ملرد 280 ملن تەڭگەنى قۇراپ، تاماق ونىمدەرىن ءوندىرۋ 29،5 پايىزعا، مۇناي وڭدەۋ ونىمدەرىن ءوندىرۋ 3،2 پايىزعا، قۇرىلىس ماتەريالدارىن ءوندىرۋ 18 پايىزعا ارتتى. قالا بيۋدجەتى بۇرىنعى جىلمەن سالىستىرعاندا 3،4 پايىزعا ۇلعايتىلىپ، 38 ملرد 585 ملن تەڭگەنى قۇرادى. ونىڭ ىشىندە كىرىس سالىق بازاسىن كەڭەيتۋ باعىتىندا قابىلدان­عان شارالاردىڭ نەگىزىندە 1،5 ەسەگە ءوسىپ، جالپى بيۋدجەت كىرىسىندە 37 پايىزدى قۇرادى.
بۇل قارجىلاردىڭ 32 پايىزى – ءبىلىم، 33 پايىزى – كوممۋنالدىق شارۋاشىلىق، 23 پايىزى قۇرىلىس سالاسىنا باعىت­تالدى. جىل ىشىندە مەنشىكتىڭ بارلىق نىسانىنداعى كاسىپورىندار مەن ۇيىمدار ەسەبىنەن نەگىزگى كاپيتالعا سالىنعان قارجى كولەمى 133 ملرد 200 ملن تەڭگەنى قۇراپ، وبلىسقا سالىنعان ين­ۆەستيسيانىڭ 51 پايىزىن قامتاما­سىز ەتتى. 
– اۋىل شارۋاشىلىعى ءونىمىنىڭ جال­پى كولەمى دە ۇلعايعان بولار. وسى باعىتتاعى جۇمىستاردىڭ جاي-كۇيى، ەڭبەك ەتۋشىلەر­ءدىڭ جاعدايى قالاي، جۇمىس ىرعاعى­نا كوڭىلىڭىز تولا ما؟ مۇمكىندىگى شەكتەۋلى ازاماتتار، وقشاۋ قالعان جوق پا؟ ولاردىڭ جۇمىسپەن قامتىلۋى قالاي؟ شاعىن جانە ورتا كاسىپكەرلىكتى دا­مىتۋدىڭ احۋالى شە؟
– ءيا، مال شارۋاشىلىعى ءونىمىنىڭ كولەمى وتكەن جىلمەن سالىستىرعاندا 102 پايىزدى قۇرادى. بارلىق مال باسى تۇرىنەن تۇراقتى ءوسىم بار. ەسەپتى مەر­زىمدە مەملەكەتتىك باعدارلامالار اياسىندا 8 شارۋا قوجالىعىنا 95 ملن تەڭگە كولەمىندە جەڭىلدەتىلگەن نەسيە بەرىلىپ، «سىباعا» باعدارلاماسىمەن جوسپارلانعان جۇمىستار 1،5 ەسەگە، «قۇلان» باعدارلاماسى اياسىنداعى جۇمىستار 2 ەسەگە ارتىعىمەن ورىندالدى. وتكەن جىلى اۋىل شارۋاشىلىعى قۇرىلىمدارىنىڭ قاتىسۋىمەن 7023 گەكتارعا داقىل ەگىلدى.
ەلىمىزدەگى جۇمىسسىزدىقتى جويۋدى كوزدەيتىن ءساتتى باعدارلاما – «جۇمىسپەن قامتۋ – 2020 جول كارتاسى» اياسىندا 680 ازامات كاسىپتىك جانە قايتا دايارلاۋ كۋرستارىنان ءوتىپ، 810 ادام الەۋمەتتىك جۇمىس ورىندارىمەن، 602 جاس مامان «جاستار تاجىريبەسىمەن» قامتىلدى. ناتيجەسىندە، 1084 ادام تۇراقتى جۇ­مىسقا ورنالاستى. باعدارلاما اياسىندا جىل ىشىندە 5 مەكتەپ پەن 1 بالاباقشاعا كۇردەلى جوندەۋ جۇمىستارى جۇرگىزىلىپ، 73 جۇمىسسىز ازامات تۇراقتى جۇمىس­پەن قامتىلدى. ازاماتتىڭ ءوز ءىسىن ۇيىم­داستىرۋىنا مۇمكىندىك بەرەتىن ەكىنشى باعىت نەگىزىندە بولىنگەن قارجى 102 پايىزعا ارتتى. وتكەن جىلى جۇزگە جۋىق قىزىلوردالىق شاعىن نەسيە الىپ، جىل ىشىندە ءوز كاسىبىن اشتى. جىل باسىنان 4855 تۇرعىن جۇمىسقا ورنا­لاسىپ، وتكەن جىلمەن سالىستىرعاندا بۇل باعىتتاعى كورسەتكىش 13 پايىزعا ارتتى. قالادا بۇگىندە كاسىپكەرلەر سانى 25938ء-دى قۇراپ، جىل باسىنان بەرى 2076 جاڭا جۇمىس ورنى اشىلدى. مۇنىمەن قوسا، جىل ىشىندە 217 مۇمكىندىگى شەكتەۋلى ازامات تۇراقتى جۇمىسپەن قامتىلىپ، وتكەن جىلمەن سالىستىرعاندا 4 ەسەگە ارتتى.
ەلباسى مۇمكىندىگى شەكتەۋلى ازاماتتارعا قامقورلىق كورسەتۋدى تاپسىردى. ولاردى قوعامدىق ورتاعا بەيىمدەۋ جانە بوس ۋاقىتىن ءتيىمدى ۇيىمداستىرۋ ماقساتىندا 7 اۋلا كلۋبى اشىلىپ، جىل ىشىندە 800-دەن اسا مۇگە­دەك قامتىلدى. بيىلعى جىلى اۋلا كلۋب­تارىنىڭ ۇزدىكسىز جۇمىس جاساۋىنا قالالىق بيۋدجەتتەن 12 ملن تەڭگە ءبولىندى. مۇنىمەن قوسا، جىل ىشىندە 217 ءمۇم­كىن­دىگى شەكتەۋلى ازامات تۇراقتى جۇمىسپەن قامتىلىپ، وتكەن جىلمەن سالىستىرعان­دا 4 ەسەگە ارتتى. 
شاعىن جانە ورتا كاسىپكەرلىكتى دامىتۋعا تولىق بەتبۇرىس جاسالدى. «بيزنەستىڭ جول كارتاسى – 2020» باع­دارلاماسى اياسىندا 64 ينۆەستيسيالىق جوبا جۇزەگە اسىرىلۋدا. بۇل وبلىس بويىنشا جوبالاردىڭ 85 پايىزى – ەل وندىرىسىنە قان جۇگىرتكەن يندۋستريالدى-يننوۆاسيالىق دامۋ باعدارلاماسى دا قالامىزدا يگىلىك باستاۋىنا اينالدى.وتكەن جىلى 5 جوبا ىسكە قوسىلىپ، جا­ڭادان 105 جۇمىس ورنى اشىلدى. 
بيزنەستىڭ الەۋمەتتىك جاۋاپكەرشىلىگى اياسىندا قالادا «قازگەرمۇناي» اق-نىڭ دەمەۋشىلىگىمەن «شۇعىلا» شاعىناۋدا­نىندا دەمالىس سكۆەرى، «قور» مۇناي كومپانياسىنىڭ دەمەۋشىلىگىمەن سىر­داريا وزەنىنىڭ وڭ جاعالاۋىندا دەمالىس سكۆەرى مەن اللەياسى سالىنىپ، اباتتان­دىرىلدى.
«مەليوراتور» جاۋاپكەرشىلىگى شەكتەۋلى سەرىكتەستىگىنىڭ «اراي» شاعىن­اۋدانىندا سپورتتىق-ساۋىقتىرۋ كەشەنى پايدالانۋعا بەرىلىپ، 40 ادام تۇراقتى جۇمىسپەن قامتاماسىز ەتىلدى. قالادا سالىنعان تۇرعىن ۇيلەر كولەمى قارقىندى ءوسىپ كەلەدى. جىل ىشىندە قارجى­لان­دىرۋدىڭ بارلىق كوزدەرى ەسەبىنەن جالپى كولەمى 143 مىڭ شارشى مەتر تۇرعىن ءۇي پايدالانۋعا بەرىلدى، بۇل بۇدان بۇرىنعى جىلمەن سالىستىرعاندا 2،5 پايىزعا ارتتى دەگەن ءسوز.
– مەنىڭشە، تۇرعىن ءۇي احۋالى ءتوڭى­رەگىندەگى اڭگىمەنى تەرەڭنەن قوزعاۋدىڭ ءساتى كەلىپ تۇر. بۇل ءوزى كوپتەن بەرى حالىقتىڭ كوكەيىندە جۇرگەن وزەكتى ماسەلەنىڭ ءبىرى ەمەس پە؟
– 2005 جىلى ءۇي الۋ كەزەگىنە 397 ادام تىركەلسە، جىل سايىن ورتا ەسەپپەن 1300 ادامعا كوبەيىپ، بۇگىنگى كۇنگە ولاردىڭ سانى 14 مىڭنان استى. قالا حالقىنىڭ تۇرعىن ۇيگە سۇرانىسىن قاناعاتتاندىرۋ ماقساتىندا جىل ىشىندە رەسپۋبليكالىق جانە جەرگىلىكتى بيۋدجەتتەردەن بولىنگەن 5 ملرد 543 ملن تەڭگەگە بارلىعى 23 تۇر­عىن ءۇيدىڭ 1156 پاتەر قۇرىلىسى ءجۇر­گىزىلىپ، 14 تۇرعىن ءۇي پايدالانۋعا بەرىلدى، 330 وتباسى جاڭا پاتەرمەن قامتىلدى. 
وتكەن جىلى «قازاقستان يپوتەكالىق كومپانياسى» اق-ى «اراي» شا­عىن­اۋدانىنان 230 پاتەردى قۇرايتىن 5 تۇرعىن ءۇيدىڭ جانە «سامۇرىق – قازىنا» جىل­جىمايتىن مۇلىك قورى اق-ى «شۇعىلا» شاعىناۋدانىنان 210 پاتەر­لىك 6 كوپقاباتتى تۇرعىن ءۇيدىڭ قۇرى­لىسىن باستادى.
تۇرعىن ۇي-كوممۋنالدىق شارۋا­­شى­لىعىن جاڭعىرتۋدىڭ 2011 – 2020 جىلدار­عا ارنالعان باعدارلاماسى ايا­سىندا سوڭعى 3 جىلدا قالاداعى كۇردەلى جوندەۋدى قاجەت ەتەتىن كوپپاتەرلى ۇيلەردىڭ 14،3 پايىزى (100 كوپقاباتتى تۇرعىن ءۇي) قايتا جاڭعىرتىلدى. قالا­داعى اپاتتىق ۇيلەرگە قاتىستى ماسەلەنى تۇبەگەيلى شەشۋ ماقساتىندا جاڭادان 60 پاتەرلىك 5 ءۇي جانە 100 پاتەرلىك 1 ءۇي سالۋ جوسپار­لانىپ، وبلىستىق بيۋدجەتتەن بولىنگەن 328،5 ملن تەڭگەگە «تيتوۆ» قىستاعى مەن «كبي» شاعىناۋدانىندا 60 پاتەرلىك ەكى تۇرعىن ءۇيدىڭ قۇرىلىسى جۇرگىزىلدى. 64،8 ملن تەڭگەگە وسى ۇيلەردىڭ سىرتقى ينجە­نەرلىك جەلىلەرىنىڭ قۇرىلىسى سالىندى. جىل سايىن ينجەنەرلىك ينفراقۇ­رىلىمدى دامىتۋ جانە جايلاستىرۋ جوباسى شەڭبەرىندە رەسپۋبليكالىق بيۋدجەتتەن بولىنگەن 1 ملرد 76 ملن تەڭگەگە قالانىڭ شەت ايماقتارىندا 98،5 شاقىرىم اۋىزسۋ جۇيەسى، 20،8 شاقىرىم جول قۇرىلىسى سالىنىپ، 1503 سۋ ەسەپ­تەگىش قۇرالدارى ورناتىلدى جانە كوپقاباتتى ۇيلەردىڭ سىرتقى ينجەنەر­لىك جۇيەلەرى جۇرگىزىلدى. 
– اۋىزسۋ ماسەلەسى قالاي شەشىلىپ جاتىر؟
– «اقبۇلاق» باعدارلاماسىنا رەس­پۋبليكالىق جانە جەرگىلىكتى بيۋد­جەتتەردەن 1 ملرد 502 ملن تەڭگە ءبولىندى. ال قالالىق بيۋدجەتتەن بولىنگەن 41،3 ملن تەڭگەگە «ساۋلەت»، «جاڭا اۋىل» اۋداندارىندا 2،8 شاقىرىم اۋىزسۋ، 0،9 شاقىرىم ەلەكتر جەلىسىنىڭ قۇرىلىسى سالىنىپ، «كبي»، «اراي»، «تيتوۆ» اۋدان­­دا­­رىندا اۋىزسۋ جۇيەسىنىڭ جوبا-سمە­تالىق قۇجاتتارى ازىرلەندى. باعدار­لاما اياسىندا قالا ىشىندە جانە 5 اۋىل­دىق وكرۋگتە 18 سۋ بۇرعىلاۋ ۇڭعىمالارى بۇرعىلانىپ، اقسۋات، اباي، ايناكول، اقجارما، قاراوزەك ەلدى مەكەندە­رىندە 49،8 شاقىرىم اۋىزسۋ جۇيەسى، 74،5 شاقىرىم سەرۆيستىك جەلىلەر تارتىلىپ، 1750 سۋ ەسەپتەگىش قۇرالدارى ورناتىلدى. 
– جىلۋ قازاندىقتارىنىڭ، كولىك جولىنىڭ جانە اباتتاندىرۋدىڭ جاي-كۇيىن دە تىلگە تيەك ەتسەڭىز جاقسى بولار ەدى...
– جىلۋ بەرۋ ماۋسىمىن تۇراقتى جانە قالىپتى وتكىزۋ، كولىك جولى جۇمىسىمىزدىڭ ەڭ اۋىر سالاسى. وبلىستىق بيۋدجەتتەن بولىنگەن 328 ملن تەڭگەگە «قىزىلوردا وڭتۇستىك جىلۋ ورتالىعىنىڭ» قازاندىق سەحىنىڭ قازان­دىقتارى، قازان اگرەگاتتارى، ما­گيس­ترالدى جىلۋ جۇيەلەرى قايتا جاڭ­عىرتىلدى.
جول-كولىك ينفراقۇرىلىمىن دامىتۋدا جاڭا جوبالار جۇزەگە اسۋدا.قالالىقتار ءۇشىن ستراتەگيالىق ماڭىزدى كوشەلەر كەزەڭ-كەزەڭىمەن قايتا جاڭعىرتۋدان وتكىزىلۋدە. وبلىستىق جانە قالالىق بيۋدجەتتەردەن بولىنگەن 4 ملرد 572 ملن تەڭگەگە جالپى ۇزىندىعى 84 شاقىرىمدى قۇرايتىن 97 كوشەگە قايتا جاڭعىرتۋ، كۇردەلى جانە ورتاشا جوندەۋ جۇمىستارى جۇرگىزىلدى. قالانىڭ وڭتۇستىك كىرە بەرىس باعىتىنداعى «شىمكەنت – سامارا» حالىقارالىق اۆتوكولىك جولى، بەيبارىس كوشەسى، قالانىڭ سولتۇستىك كىرە بەرىس باعىتىنداعى سالاماتوۆ، رىسقۇلوۆ، ءابىلقايىر حان، مارال يشان، قاراتوعاي كوشەلەرى قايتا جاڭعىرتۋدان ءوتىپ، جاڭا ۇلگىدەگى جارىق باعانالارى مەن ايالدامالار، كورنەكى اقپارات قوندىرعىلارى (بيلبورد) قويىلدى. 
سپمك-70 اۋدانىندا ۇزىندىعى 1،8 شاقىرىم قىزىلجارما جانە اقتوبە كوشەلەرىنىڭ قۇرىلىسى اياقتالدى. ءال-فارابي كوشەسى جانە م.شوقاي كوشەسى كۇردەلى جوندەۋدەن وتكىزىلىپ، جا­رىقتاندىرىلدى. قالادا ۇزىندىعى 60 شاقىرىمدى قۇرايتىن 75 كوشە، اۋىل­داردا 7،3 شاقىرىمدى قۇرايتىن 10 كوشە ورتاشا جوندەۋدەن وتكىزىلدى. ءقازىر قى­زىلوردانى «ءقاۋىپسىز قالاعا اينال­دىرۋدا» كەشەندى شارالار جۇزەگە اسى­رىلۋدا. 
قالا كوشەلەرىنىڭ كۇرە تامىر­لارىنىڭ ءبىرى – اباي داڭعىلى بويى­نان، قازىبەك بي كوشەسىنەن جاياۋ جۇرگىنشى­­لەر ءۇشىن 2 اسپالى كوپىر قۇرىلىسى سالى­نىپ، «بولاشاق» ۋنيۆەرسيتەتى تۇسىندا­عى اسپالى كوپىر پايدالانۋعا بەرىلدى. «جاينا» ساۋدا ءۇيىنىڭ تۇسىنداعى كوپىر جاقىن كۇندەرى ەل يگىلىگىنە قىزمەت ەتەدى. 57،2 شاقىرىمدى قۇرايتىن 31 كوشە قايتا جارىقتاندىرىلىپ، كوپقاباتتى تۇرعىن ۇيلەردىڭ 25 اۋلاىشىلىك جولدارى مەن اۆتوتۇراقتارى، ۇزىندىعى 11،9 شاقىرىمدى قۇرايتىن 13 كوشەنىڭ جاياۋ جۇرگىنشىلەر جولدارى جوندەلدى. اۋىلدىق وكرۋگتەردە جالپى ۇزىندىعى 11،2 شاقىرىمدى قۇرايتىن 9 كوشە جارىقتاندىرىلدى.
قىزىلوردا – شىمكەنت اۆتوجو­لىنىڭ قالامىزعا كىرە بەرىس باعىتىندا، قىزىلوردا قالاسى مەن قورقىت اتا اۋەجايىنا دەيىنگى جولدىڭ بويىندا وزىق تەحنولوگيالاردى ەنگىزۋ ماقسا­تىندا تامشىلاتىپ سۋارۋ ارقىلى «جاسىل بەلدەۋ» جاسالۋدا. قالا بو­يىنشا 16 مىڭ ءتۇپ اعاش كوشەتتەرى، 97 مىڭ شارشى مەتر اۋماقتى قۇرايتىن 46 اللەيا، سكۆەر، كوشەلەرگە، كوشە ايرىق­تارىنا گۇلدەر مەن گازوندار وتىرعى­زىلدى.
بۇگىندە قالانى اياق سۋمەن قامتاماسىز ەتۋ ءۇشىن ءتيىستى جوبا-سمەتالىق قۇجاتتار ازىرلەندى. كوممۋنالدىق مەكەمەلەردىڭ ماتەريالدىق-تەحنيكالىق بازاسى نىعايتىلىپ، 9 ارنايى تەحنيكا ساتىپ الىندى. سىرداريا وزەنىنىڭ وڭ جاعا­لاۋىندا «مۇنايشى» شاعىناۋدانىن سالۋ ءۇشىن جوبا-سمەتالىق قۇجاتتارى ازىرلەنىپ، مەملەكەتتىك ساراپتامادان ءوتتى. تۇرعىندار اراسىندا كوپشىلىك سۇرانىسقا يە جانە وزەكتى ماسەلەلەردىڭ ءبىرى – جەكە تۇرعىن ءۇي ءۇشىن بەرىلەتىن جەر تەلىمدەرى. جەر تەلىمىنە قاتىستى تۇرعىنداردىڭ وتىنىشتەرى ەسەپكە الى­نىپ، كەزەككە تۇرۋ ءتىزىمى جاسالدى. 
وبلىستىڭ ەلدى مەكەندەرىن تولىق گازداندىرۋ جوباسى اياسىندا وبلىس ورتالىعىنىڭ ايماقتارىن جانە قالاعا قاراستى ەلدى مەكەندەرىن گازداندىرۋ ماقساتىندا ءتيىستى جۇمىستار اتقارىلۋدا.قىزىلجارما اۋىلدىق وكرۋگىن گازبەن جابدىقتاۋ ماقساتىندا گاز قۇبىرلارى تارتىلۋدا. تاسبوگەت كەنتىن گازبەن قامتۋ جۇمىستارى تولىق اياقتالىپ، تاياۋ ارادا تۇرعىن ۇيلەرگە گاز بەرىلەدى. تالسۋات اۋىل­دىق وكرۋگىن جانە سول ماڭداعى الەۋ­مەتتىك نىسانداردى گازبەن قام­تاماسىز ەتۋ قارقىنى ارتا تۇسەدى.
– كىندىك قانىمىز تامعان جەر – قى­زىلوردا شاھارىنىڭ بولاشاعىنا قى­زىعامىز، بۇدان دا جاقسى بولسا، ءۇز­دىكسىز دامي بەرسە ەكەن دەپ تىلەيمىز...
– وبلىس اكىمى قىرىمبەك ەلەۋ­ۇلىنىڭ تىكەلەي باسشىلىعىمەن ءوڭىردىڭ باس اۋە قاقپاسى – «قورقىت اتا» اۋە­جايىن زاماناۋي تالاپتارعا سايكەس­تەندىرۋ ماقساتىندا ساعاتىنا 250 جو­لاۋشىنى جىبەرۋ مۇمكىندىگى بار حالىقارالىق ۇلگىدەگى جاڭا جولاۋشىلار تەرمينالىنىڭ قۇرىلىسى باستالدى (جوبالىق قۇنى – 6،2 ملرد تەڭگە).قالانىڭ دامۋ جوسپارىنا سايكەس، سىر­داريا وزەنىنىڭ سول جاعالاۋىن دامىتۋ، بۇگىنگى تالاپتارعا سايكەس زاماناۋي ۇلگىدەگى جاڭا قالا تۇرعىزۋ ماقساتىندا مۇراتبايەۆ كوشەسىنەن سىرداريا وزە­ءنى­ءنىڭ ەكى جاعالاۋىن بايلانىستىراتىن اۆتوموبيل كوپىرىنىڭ قۇرىلىسى قولعا الىندى. سول جاعالاۋدى دامىتۋدىڭ تۇبەگەيلى جوسپارلاۋ جوباسى بويىنشا ءبىرىنشى كەزەكتە 500 گەكتار اۋماققا اكىمشىلىك عيماراتتار مەن ءتۇرلى ماق­ساتتاعى الەۋمەتتىك نىساندار سالىنادى.ول 15 اۋداننان قۇرالادى، ونىڭ ىشىندە: 11 تۇرعىن اۋدان، 1 يندۋستريالدىق ايماق جانە 3 ءىرى ساياباقتار مەن گۇلزارلار بار.
ايماق باسشىسى ق.كوشەربايەۆتىڭ ەل جاناشىرى، ۇلكەن ءىستىڭ ۇيىتقىسى جانە ۇيىمداستىرۋشىسى بولىپ وتىرعانىنا ريزالىق سەزىمىمدى بىلدىرگىم كەلەدى. ونىڭ تىكەلەي قولداۋىمەن «بايقوڭىر» الەۋمەتتىك كاسىپكەرلىك كورپوراسياسى اكسيونەرلىك قوعامى جانىنان «قىزى­لوردا اۆتوبۋس پاركى» قۇرىلدى. قالا تۇرعىندارىن، ەڭ باستىسى، مۇمكىندىگى شەكتەۋلى ازاماتتاردى قوعامدىق كو­لىكتەرمەن قامتاماسىز ەتۋ ماقساتىندا قالا تىنىسىنا جاڭا سەرپىن بەرگەن، ەكولوگيالىق تازا، قولجەتىمدى 20 اۆتوبۋس الىنىپ، بۇگىنگى تاڭدا تۇرعىندارعا ساپالى قىزمەت كورسەتە باستادى. جاقىن ارادا تاعى 100 اۆتوبۋس الامىز.
ءبىز قىزىلوردا قالاسىن ايشىقتى ورداعا، وزىق ءوندiرiستiڭ وشاعىنا، جاڭا ءداۋiردiڭ سالتاناتى جاراسقان قالاسىنا اينالدىرۋدى باستى ماقسات سانايمىز. سول نيەتپەن ءىس-قيمىل جاساپ ماڭداي تەر توگەمىز، تىنىمسىز ەڭبەك ەتەمىز.
– اڭگىمەڭىزگە راقمەت!
سۇحباتتاسقان  يتەن قارىمساق ۇلى،
قازاقستاننىڭ قۇرمەتتى ءجۋرناليسى،
قازاقستان جازۋشىلار وداعىنىڭ مۇشەسى

دەرەككوز: ايقىن-اقپارات