استانا. قازاقپارات - 27 قازان كۇنى الماتىدا  ءا. قاستەيەۆ اتىنداعى ق ر مەملەكەتتىك ونەر مۋزەيىندە اتىراۋ وبلىستىق ش. سارييەۆ اتىنداعى كوركەمسۋرەت جانە ساندىك-قولدانبالى ونەر مۋزەيى قورىنان «اقجايىق جاعالاۋى سىر شەرتەدى» اتتى كورمەنىڭ اشىلۋ سالتاناتى وتەدى.

بۇل تۋرالى ءا.قاستەيەۆ اتىنداعى مەملەكەتتىك ونەر مۋزەيىنىڭ باسپا ءسوز قىزمەتى حابارلادى. 
اتىراۋ وبلىستىق شايماردان سارييەۆ اتىنداعى كوركەمسۋرەت جانە  ساندىك-قولدانبالى ونەر مۋزەيى وبلىس اكىمدىگىنىڭ 1992 جىلعى شەشىمىنە سايكەس اشىلدى.

1999 جىلى مۋزەيگە دەربەس عيمارات بەرۋ تۋرالى شەشىم قابىلداندى. ال 2005 جىلى مۋزەيگە جەرلەسىمىز، سۋرەتشى، قازاقستان رەسپۋبليكاسى سۋرەتشىلەر وداعىنىڭ  مۇشەسى ش. سارييەۆتىڭ ەسىمى بەرىلدى. قازىرگى تاڭدا مۋزەي وبلىستاعى مادەني-اعارتۋ ورتالىعى بولىپ تابىلادى. مۋزەيدىڭ الۋان ءتۇرلى كوللەكسياسى اتىراۋ وبلىسى كوركەم مادەنيەتىنىڭ وتكەنى مەن بۇگىنگىسىن تانىستىرادى. مۋزەي قورىندا 1600-گە جۋىق جادىگەر بار.

«اقجايىق جاعالاۋى سىر شەرتەدى» اتتى كورمەسىندە كەسكىندەمە شەبەرلەرىنىڭ تاماشا تۋىندىلارى ۇسىنىلىپ وتىر.

كورمەنىڭ باستى ماقساتى - ايماقتار اراسىنداعى مادەني بايلانىستى نىعايتۋ، مۋزەي ءىسىن دامىتۋ. اتىراۋ وبلىستىق شايماردان سارييەۆ اتىنداعى كوركەمسۋرەت جانە  ساندىك-قولدانبالى ونەر مۋزەيىنىڭ قورى الماتى قالاسى مەن قالا قوناقتارىنا قازاق حالقى رۋحاني مادەنيەتىنىڭ قۇندىلىقتارىمەن تانىسۋىنا مول مۇمكىندىك بەرەدى.

كورمەگە ءار ءتۇرلى جانرداعى 40 تۋىندى قويىلدى.

ءجانابىل راحمەتوۆ، مۇحيت كاليموۆ، گۇلفايرۋس ىسمايىلوۆانىڭ جانە تاعى باسقالاردىڭ تۋىندىلارى پورترەت ونەرىنىڭ كەرەمەت ۇلگىلەرى بولىپ تابىلادى. ولار سۋرەت كەيىپكەرىن دالمە-دال بەينەلەيدى. ول ءۇشىن ءار سۋرەتشى ءتيىستى شەشىم تاۋىپ، كەيىپكەرىنە قورشاعان ورتامەن سالىستىرا وتىرىپ مىنەزدەمە بەرەدى.

قامباربەك امانوۆ، جولامان ارالبايەۆ، رافاەل سلەكەنوۆتىڭ تۋىندىلارىندا اۋىل ءومىرى كەڭىنەن بەينەلەنگەن. ءداستۇرلى تۇردە كۇننىڭ باتۋى، اعاشتار، قۇدىقتار مەن شوپتەر، وسىمدىكتەردىڭ جارىلۋى، جەردىڭ دىرىلدەۋى سەكىلدى  پەيزاجعا اۋىسادى.

اماندوس اقانايەۆ، ءادىلحايىر جانتاسوۆ، ەربولات شەرۋەنوۆتىڭ تۋىندىلارى اتا-بابالار ءداستۇرىن نەگىزگە الا وتىرىپ، تۋعان ولكە تاريحىن الەمگە تانىتادى.

ءسادىر كارىباي، وتارباي كەندىر، قابدول دوسنيازوۆ، اناتوليي باجانوۆ سىندى سۋرەتشىلەردىڭ تۋىندىلارىندا وتباسىلىق جىلىلىق پەن تۋىستىق قاتىناستاردى، سالت-داستۇرلەردى بەينەلەي وتىرىپ، رۋحاني ءارى تۇرمىستىق سيپاتتا تۋعان جەردىڭ كەيپىن سيپاتتايدى.

كورمەگە ارقاۋ بولعان - سۋرەتشىلەردىڭ تۋعان جەرگە، اتىراۋ قالاسىنا، اقجايىققا دەگەن سۇيىسپەنشىلىگى. وسى توپتاماداعى سۋرەتتەر كوگىلدىر جانە سارعىش قوڭىر تۇسپەن بەرىلگەن. قالا جانە قالا ماڭىنىڭ تولاسسىز وزگەرىپ جاتقان اجارى جاڭا اسەرلەر مەن جاڭا ماقساتتاردى تۋعىزادى.

«اقجايىق جاعالاۋى سىر شەرتەدى» اتتى كورمەسىن ۇسىنا وتىرىپ، اتىراۋ وبلىستىق ءشايماردان سارييەۆ اتىنداعى كوركەمسۋرەت جانە ساندىك-قولدانبالى ونەر مۋزەيى الداعى ۋاقىتتا دا ءا. قاستەيەۆ اتىنداعى مەملەكەتتىك ونەر مۇراجايىمەن بايلانىسىن جالعاستىرىپ، ءوزىنىڭ شىعارماشىلىق لابوراتورياسىن جانە تۇتاستاي قازاقستان ونەرىنىڭ «شەبەرحاناسىن» بايىتادى دەپ سەنەدى.

دەرەككوز: قازاقپارات