الماتى. قازاقپارات - قازاقستاننىڭ ەنەرگەتيكالىق كەشەنى الداعى قىس ماۋسىمىنا دايىن. بۇل تۋرالى بۇگىن الماتىدا تمد ەلەكتر ەنەرگەتيكالىق كەڭەسىنىڭ 48ء-شى وتىرىسىندا ق ر ەنەرگەتيكا ۆيسە-مينيسترى باقىتجان جاقسالييەۆ ءمالىم ەتتى.
«ءبىزدىڭ ەنەرگەتيكالىق جۇيەمىزدىڭ سىيىمدىلىعى جوعارى جانە ترانزيتتىك الەۋەتكە يە، ورتالىق ازيا ەلدەرىنىڭ ەنەرگەتيكالىق جۇيەسىن رەسەيدىڭ ەنەرگەتيكالىق جۇيەسىمەن بايلانىستىرادى. وسىلايشا، تمد ەلدەرىنىڭ ەنەرگەتيكالىق جۇيەسى بىرلەستىگىنىڭ ماڭىزدى سۋبەكتىسى بولىپ تابىلادى»، - دەدى ب.جاقسالييەۆ.

ونىڭ ايتۋىنشا، وتاندىق ەنەرگەتيكا جۇيەسى الداعى قىس ماۋسىمىنا دايىن. ەلەكتر قۋاتىن تۇرلەندىرگىش نىساندار قالىپتى جۇمىس ىستەپ جاتىر، وتىننىڭ جەتكىلىكتى قورى جاسالدى جانە ەنەرگەتيكالىق كاسىپورىنداردى گازبەن ۇزدىكسىز قامتاماسىز ەتىلەتىن بولادى.

«دەگەنمەن، ءبىز قاتال كونتينەنتتىك كليمات اياسىندا ءومىر سۇرەمىز عوي. سوندىقتان جەلىلەردىڭ توڭازۋى سياقتى جاعدايلاردى جوققا شىعارۋعا بولمايدى. ءبىراق جاۋاپتى قىزمەتتەر مۇنداي ماسەلەلەردى بارىنشا تەز شەشۋگە دايىن»، - دەدى ول.

بۇدان باسقا، باقىت جاقسالييەۆ ەلىمىزدە مىقتى قۋات قورى جاسالعاندىعىن جەتكىزدى. ول 22-24 پايىزدى قۇرايدى.

«بۇل رەزەرۆ ەل ەكونوميكاسىن 2025 جىلعا دەيىن تۇراقتى تۇردە دامىتۋعا جەتكىلىكتى. ءبىراق ءبىز مۇنىمەن توقتاپ قالماۋىمىز كەرەك. ءقازىر ەنەرگەتيكانى دامىتۋ جونىندە ەلىمىزدە جاڭا باعدارلاما ازىرلەنىپ جاتىر. ول جاڭا قۋات كوزدەرىنە، سونىڭ ىشىندە اتوم ەنەرگياسىنا نەگىزدەلەتىن بولادى. ونىڭ ۇستىنە قازاقستان ۋران ءوندىرۋ بويىنشا ۇلكەن الەۋەتكە يە»، - دەدى ب.جاقسالييەۆ.

تمد ەلدەرىنىڭ بەيىندى ۆەدومستۆولارى مەن ۇيىمدارى جەتەكشىلەرىنىڭ وتىرىسىندا قىسقا دايىندىق جونىندە باياندامالار وقىلدى. سونداي-اق ىنتىماقتاستىق، مەملەكەتارالىق ەلەكتر جەلىلەرىنە كۇتىم جاساۋ، جوندەۋ جانە باسقا دا ماسەلەلەر تالقىلاندى.