وردەر كورەيا پرەزيدەنتىنە قىزمەتىن اسىرا پايدالانۋ ايىپتارى بويىنشا بەرىلگەن. بۇل يۋننىڭ ءۇش رەت شاقىرىلعان تەرگەۋگە كەلۋدەن باس تارتقاننان كەيىن جاسالىپ وتىر. ءوتىنىش جەكسەنبى كۇنى ءتۇن ورتاسىندا (جەرگىلىكتى ۋاقىت بويىنشا) سوتقا تاپسىرىلدى. تەرگەۋ توبىنا جوعارى لاۋازىمدى تۇلعالارعا قاتىستى سىبايلاس جەمقورلىققا قارسى تەرگەۋ باسقارماسى (CIO)، پوليسيا جانە قورعانىس مينيسترلىگىنىڭ تەرگەۋ ءبولىمى كىرەدى.

تەرگەۋشىلەر يۋننىڭ بۇلىك ۇيىمداستىرىپ، وكىلەتتىگىن اسىرا پايدالانىپ، 3 جەلتوقساندا اسكەري توتەنشە جاعداي جاريالاپ، اسكەريلەرگە ۇلتتىق اسسامبلەياعا (پارلامەنت) بارۋعا بۇيرىق بەرگەن دەپ ايىپتايدى. بۇل دەپۋتاتتاردىڭ جارلىققا قارسى داۋىس بەرۋىنە كەدەرگى كەلتىرۋ ءۇشىن جاسالدى دەلىنەدى.

يۋن بۇل ايىپتاۋلاردى جوققا شىعارىپ، اسكەري توتەنشە جاعداي ەنگىزۋ تۋرالى شەشىمى "باسقارۋ ارەكەتى" ەكەنىن ءتۇسىندىردى. پرەزيدەنت مۇنى وپپوزيسيالىق پارتيانىڭ زاڭ شىعارۋشى وكىلەتتىگىن اسىرا پايدالانۋىنا جول بەرمەۋ ءۇشىن قابىلدانعان شەشىم دەپ ءتۇسىندىردى.