پەتروپاۆل. قازاقپارات - سولتۇستىكقازاقستاندىقتار عارىشقا ءبىزدىڭ ۇلتتىڭ وكىلى، ەگەمەندى مەملەكەتىمىزدىڭ ازاماتى ايدىن ايىمبەتوۆتىڭ ۇشقانىن ماقتان ەتەدى.
«قىرىق ءۇش جىل بۇرىن، 27 شىلدە كۇنى مەن 18 جاسقا تولعاندا، قازاقتىڭ ايىمبەتوۆتەر دەگەن قاراپايىم وتباسىندا ايدىن ەسىمدى نارەستە دۇنيەگە كەلدى. سوندا باسقالارى سياقتى مەن دە ميلليونداعان اتا-بابامىزدىڭ ارمانى ورىندالىپ، عارىشقا ءبىزدىڭ حالقىمىزدىڭ وكىلى، قازىرگى الەمدە ۇلت كوشباسشىسى، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ ەڭبەكتەرىنىڭ ارقاسىندا تانىمال ەگەمەندى مەملەكەتىمىزدىڭ ازاماتى ۇشاتىنىن شامالاي العان دا ەمەسپىن»، - دەدى «قازاقپارات» حاا تىلشىسىنە بەرگەن سۇحباتىندا «دۇنيەجۇزىلىك قازاقتار قاۋىمداستىعى» رقب سقوف جەتەكشىسى ساعىندىق سالمۇرزين.

س.ءسالمۇرزيننىڭ ايتۋىنشا، قازاق عارىشكەرلەرىنىڭ ءۇشىنشى كەزەگىنىڭ ءمانى بار، سەبەبى «ەر كەزەگى - ءۇش رەت!» دەمەكشى، قازاق داستۇرىندە ەل باتىرلارى اسكەري ءىس-قيمىلداردى تاڭداۋدا ۇشتىك جۇيەنى ساقتاعان. عارىشتى يگەرۋ تاڭداۋى ايدىن اقان ۇلى ايىمبەتوۆكە ءتۇستى. ول ۇشۋ مۇمكىندىگىن كۇتىپ، عىلىمي تاپسىرمانى ابىرويمەن اتقارىپ ورالدى، عارىشتان قازاقستان رەسپۋبليكاسى مەن قازاقستان حالقى اسسامبلەياسىنىڭ تۋلارىن اكەلدى.

«سونداي-اق قازاق حاندىعىنىڭ 550 جىلدىعىن تويلاۋ بۇل تاريحي وقيعامەن تۇسپا-تۇس كەلگەنىنىڭ ءمانى بار، بۇل اتا-بابالارىمىزدىڭ باتىرلىعى مەن وسى كۇنگە دەيىن ساقتالعان گەنەتيكالىق ساباقتاستىقتى راستايدى. ورتا ءجۇز ديالەكتىلەرىندە ايدىن ەسىمىنىڭ ءمانى ابىروي، ەرلىك، باتىلدىق دەپ ايدارىلاتىن «ايبىن» جانە «قاھار» سوزدەرىنە جاقىن، سوندىقتان ونىڭ ەگەمەندى جانە تاۋەلسىز ەلىمىزدىڭ جوعارى ناگراداسى - «حالىق قاھارمانى» اتاعىنا يە بولعانى كەزدەيسوق ەمەس»، - دەپ قوسىپ ءوتتى «دۇنيەجۇزىلىك قازاقتار قاۋىمداستىعى» رقب سقوف باسشىسى.

دەرەككوز: قازاقپارات